湯怡

33歲湯怡宣布嫁麥秋成兼升呢準媽媽 依足傳統過大禮 大肚湯怡被勒令唔准郁

最新娛聞

廣告

33歲湯怡自跟洪卓立分手後,感情生活一直未有展開新一頁,單身兩年,上月湯怡驚喜宣布喜訊,另一半是41歲的金牌排舞師麥秋成,二人分別在IG發放甜蜜婚紗照,並公布是雙喜臨門,以「我們仨」宣布即將成為準爸媽﹗今日(9日)一對準新人依足傳統過大禮,大肚湯怡甜爆:「我齋坐唔畀郁﹗」

文:東方新地 | 圖:湯怡IG、麥秋成IG

湯怡上月尾在IG公布喜訊透露即將為人妻人母,而另一半是金牌排舞師麥秋成,二人分別在IG留上致對方的愛的宣言以公布喜訊,圈中好友紛紛留言恭喜,而湯怡舊愛洪卓立亦大方送上祝福﹗一對新人公布雙喜臨門後隨即入紙申請註冊結婚,依足傳媒今日(9日)舉行過大禮儀式。

33歲湯怡宣布嫁麥秋成兼升呢準媽媽  依足傳統過大禮 大肚湯怡被勒令唔准郁

重量級「流星錘」龍鳳鈪好耀眼

湯怡和麥秋成依足傳統進行過大禮儀式,身穿紅衣湯怡站在堆積如山的禮品,相當大堆頭,包括有瑤柱花菇、大筒花膠、三對龍鳳鈪、金豬牌、金飾、中式禮餅、巨型生果籃、紅酒、椰子等,多到一張大枱都擺唔晒。陀住牛B的湯怡,家人對她悉心照顧,不讓粗身大細的她太操勞,湯怡笑言:「我都係坐喺度㗎咋,哈哈,冇人夠膽畀我做嘢,呢段時間大家都係當我一個公主咁對待。再加上秋明(麥秋成弟弟)係wedding planner,所以好多嘢都係佢幫我哋manage。」可以舒舒服服做個待嫁新娘。

湯怡過大禮相當有睇頭,尤其一對重量級「流星錘」龍鳳鈪相當耀眼,金飾亦好有份量﹗
湯怡過大禮相當有睇頭,尤其一對重量級「流星錘」龍鳳鈪相當耀眼,金飾亦好有份量﹗

大肚湯怡睇定坐月食療

湯怡提到陀B的身體狀況時說:「我覺得呢個感覺好奇妙,自己都好興奮,暫時未緊張,反而會同啲朋友,或者家姐傾吓生完之後BB之後會點,好多知識依家吸收緊。同埋都睇好多媽媽書,譬如坐月嘅時候應該食啲乜?懷孕期身體上會有啲乜嘢變化?同埋會補充好多supplement,希望可以有足夠嘅營養俾BB。」

湯怡不定期發放婚照,今次貼出獨照,好有仙氣。
湯怡不定期發放婚照,今次貼出獨照,好有仙氣。
湯怡宣布喜訊後,不時晒「老公視角」放閃。
湯怡宣布喜訊後,不時晒「老公視角」放閃。
穿上婚紗的湯怡被麥秋成抱起咀咀,sweet到爆﹗
穿上婚紗的湯怡被麥秋成抱起咀咀,sweet到爆﹗

致 麥秋成
曾經擦身而過的我倆
能夠走在一起 是緣份
現在能守在一起 是福份
謝謝你的光臨
完整美滿了我的人生
亦充滿甜蜜 色彩與歡樂
餘生 請多多指教

湯怡在IG公布雙喜臨門,舊愛洪卓立大方送祝福。
湯怡在IG公布雙喜臨門,舊愛洪卓立大方送祝福。

湯怡公布下月舉行婚禮

湯怡回應婚訊時表示:「同麥秋成認識咗一段日子,亦相處咗一段日子,因為大家都比較低調,所以除咗屋企人,我哋都冇特別同其他人分享呢件事。將喜訊同大家分享之後今日就會入紙排期註冊。下個月會有個簡單嘅婚禮,因為限聚令,所以邀請唔到太多人出席。疫情過後會補辦婚宴。其他嘢都唔再特別回應,多謝各位傳媒朋友關心。」而舊愛洪卓立大方送上祝福:「作為好朋友,當然恭喜同戥佢開心。祝福兩位幸福快樂!身體健康!」

婚照相當溫馨
婚照相當溫馨
二人分別舉起三隻手指以示即將由二人世界變三人家庭。
二人分別舉起三隻手指以示即將由二人世界變三人家庭。

麥秋成愛的宣言:「我們曾經多次相遇﹗」

湯怡和麥秋成表示二人曾多次相遇,緣份卻擦身而過,最後走在一起,麥秋公開多謝湯怡:「妳的愛,讓我感到無心幸福﹗」

麥秋成以湯怡的真名袁家怡來公布喜訊。
麥秋成以湯怡的真名袁家怡來公布喜訊。
湯怡貼出二人在聖誕時的甜蜜合照。
湯怡貼出二人在聖誕時的甜蜜合照。

宣傳《反黑路人甲》爆有新朋友了解中

反黑路人甲》湯怡單身兩年,去年密密為她有份主演的無綫劇《反黑路人甲》四出宣傳,她透露有朋友為她介紹對象,她笑言:「依家我未有時間拍拖,只係同對方認識中,唔會為咗想拍拖而拍。」湯怡笑指經常被人問她平時點減肥 Keep Fit,於是決定公開自己的一星期減肥餐單,她說:「 其實我無刻意去減嘅,不過飲食方面我會控制一下,每日只食8個鐘,多菜少肉少澱粉,如果配合埋運動就更好喇!」

湯怡日前穿著一身連身白裙出席活動,充滿清純感覺
湯怡早前穿著一身連身白裙出席活動,充滿清純感覺
湯怡在活動上和一眾演員大玩遊戲,更與賴慰玲、馮盈盈等女拍檔一齊圍攻朱敏瀚、王浩信及張振朗。
湯怡在活動上和一眾演員大玩遊戲,更與賴慰玲、馮盈盈等女拍檔一齊圍攻朱敏瀚、王浩信及張振朗。
湯怡這個露背 Look 充滿骨感美,她笑指經常被人問她平時點減肥 Keep Fit
湯怡這個露背 Look 充滿骨感美,她笑指經常被人問她平時點減肥 Keep Fit
湯怡笑言有人陪食的話唔介意親自下廚煮意粉,相片獲讚充滿男友視角 Feel。
湯怡笑言有人陪食的話唔介意親自下廚煮意粉,相片獲讚充滿男友視角 Feel。
湯怡在社交網上亦以赤腳Sporty Look大騷纖腰和長腿,但卻搞笑地被吹亂一頭秀髮。
湯怡在社交網上亦以赤腳Sporty Look大騷纖腰和長腿,但卻搞笑地被吹亂一頭秀髮。

馬甲線搶閘而出 fit爆湯怡下廚切洋蔥

湯怡有份主演的電影《死因無可疑》去年大收,力壓中外猛片成票房冠軍,心情大靚嘅佢,早前就化身美女廚神大展身手,一心諗住同大家分享吓切洋蔥心得,不過著住短衫仔嘅佢,就不經意展示咗爆肌身形,大家都畀佢腰間嘅馬甲線吸引住,就連蔣家旻、江嘉敏都爭住𥄫!對女神爆肌身形好羡慕!

湯怡切洋蔥有板有眼,不過腰間馬甲線仲吸睛!
湯怡切洋蔥有板有眼,不過腰間馬甲線仲吸睛!

出名鍾意運動嘅湯怡,經常在IG分享做Gym、跑步、行山健美照片,之前教大家如何操fit更吸納到大批粉絲支持,女神一身爆肌身形,令人羨慕不已!早前, 湯怡下廚煮嘢食,只係切個洋蔥諗住騷吓廚藝,佢留言話:「好多人都好怕切洋蔥,切粒覺得麻煩,仲會切到流哂眼水,咁唯有犧牲我自己幫大家切喇,唔,原本企喺我隔離果啲一早行到無雷公咁遠,但見我切到笑哂口,就知無事啦,傻嘅有竅門嫁喇,係估唔到自己切到爆哂青筋姐。」

(馬甲線搶閘而出)fit爆湯怡下廚切洋蔥 蔣家旻 江嘉敏爭住𥄫

(馬甲線搶閘而出)fit爆湯怡下廚切洋蔥 蔣家旻 江嘉敏爭住𥄫
湯怡熱愛運動,經常在IG分享健美體態。除咗做Gym,湯怡還愛行山、跑步,之前湯怡晨早約朋友行山,更撞到男神發哥!

原先想教大家切洋蔥心得,但就不經意展示fit爆身形,腰間的馬甲線搶閘而出非常吸睛,搞到一班網民暈晒大浪!勁讚佢fit爆,就連蔣家旻、江嘉敏都忍唔住𥄫多兩眼即刻留言,蔣家旻就話:「重點係爆腹肌!」而江嘉敏更直指話「錯重點了!」真係切個洋蔥都搶眼過人!

(馬甲線搶閘而出)fit爆湯怡下廚切洋蔥 蔣家旻 江嘉敏爭住𥄫
湯怡無論身形同皮膚都勁靚!可以話得天獨厚!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!