楊怡

澳洲再度蜜月 謙謙陪楊怡玩水上滑梯

最新娛聞

廣告

楊怡一直恨生B﹐仲話隨時ready造人,一拍完《再創世紀》,就同老公羅仲謙夾定大假,飛咗去澳洲,過一個熱辣辣嘅冬天,陽光與海灘,朝夕相對,放假之餘當然把握時機造人,楊怡喺IG貼咗段玩水上滑梯同大家分享旅程嘅快樂,玩得咁開心,應該好快有消息﹗

撰文:東方新地

楊怡 黃金海岸避寒

連日香港天氣溫度得個位數,個個由頭包到落腳,暖爐、暖氈統統出動,有咩好得過好似楊怡同老公羅仲謙咁,飛咗去澳洲過一個暖笠笠嘅冬天先?楊怡同謙謙婚後都各有各忙,連造人大計都要停一停,近日兩個終於夾到時間,拍拖去旅行,仲揀咗個熱辣辣嘅地方-澳洲黃金海岸。

 

楊怡尖叫玩水上滑梯

除咗遊覽景點之外,仲去咗當地嘅水上樂園,楊怡就喺IG放咗段玩水上滑梯嘅片,片段中楊怡同一直尖叫兼合埋對眼,睇得出佢好鬼驚,難怪佢留言自嘲:「有邊個好似我咁,又要驚又要玩。」

 

而謙謙滑行期間回頭望楊怡,早佢一步著陸嘅佢,又立即轉頭緊張望實老婆仔,等埋佢先上水﹗網民即大讚「係愛呀」、「冧死人」、「謙謙好緊張老婆」,嘩,又唔覺意放咗閃光彈燦親大家㖭﹗

 

 

安排造人之旅

楊怡一直恨生B,舊年12月完成咗拍咗足足四個幾月嘅《再創世紀》之後,就開行turbo造人,佢話:「隨時ready,之前日日凌晨四點起身開工,邊有精神?依家可以重新調整生活。身邊好多朋友都話介紹中醫同食療畀我,我都會試吓嘅。(老公係咪全力配合?)配合﹗不過之前自己仲忙過老公,所以一路未有好消息﹗」今次楊怡謙謙安排澳洲之旅,可以日對夜對全力造人,相信好快有好消息喇﹗

 

要求楊怡減產

近排電視晚晚見到謙謙喺電視《無間道》出現,喺電影《西遊記女兒國》宣傳又見到佢,工作量大增嘅謙謙話刻意想老婆減少工作,享受做少奶奶,謙謙話:「阿怡過去咁多年長年累月冇停過,依家就要佢180度轉變,依家大約一年一個作品,唔想佢咁辛苦,自己就拼搏啲﹗」

至於生仔大計,阿謙唔想太太有壓力話:「順其自然,呢樣嘢唔只係女性責任。(叫太太做跟得夫人?)我唔畀佢跟住我,喺內地拍嘢或者錄影廠空氣唔太好,同埋我開工就冇時間陪到佢,倒不如佢留喺香港,我一休息就飛返香港陪佢仲好啦!」他又自爆拍得辛苦時有向楊怡撒嬌,太太會講說話鼓勵佢,夫妻間好Sweet。

成日放閃,冧死人﹗

結婚年幾

2016年3月,拍拖五年,楊怡同謙謙係英國古堡舉行Wedding Blessing儀式,同年8月,正式宣佈婚訊,並在同年10月2日在香港完婚,豪擺五十圍,廣邀圈中好友席,結婚年幾,甜蜜指數有增無減﹗

常見問題

世界盃熱播中,電視台劇集方面有咩特別安排?

IFA卡塔爾世界盃足球賽於11月舉行,每天都有隊伍晉級,分組賽中勝出者分別為…即看世界盃2022賽果一覽;想知道每天世界盃賽事賽果及各個小組積分表、出線走勢,按此看世界盃分組賽積分表;如想知道世界盃外圍賽五大洲各出線國家隊伍的戰績及積分榜,按此看世界盃2022外圍賽詳情;各個國家除了競逐冠軍錦標外,每國球員也同時爭取個人榮譽及獎項,按此看世界盃神射手及助攻王排行榜。而電視台劇集方面,TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV熱播中嘅原創劇《繩角》即將進入結局周⋯⋯按此看大結局劇情劇透

聖誕快將來臨,而2022到2023演唱會更是多鑼鑼,有咩搶飛攻略?

一年一度的聖誕節又到啦!今年聖誕各個商場都有各式各樣的聖誕擺設,小編為你整合多個聖誕好去處2022聖誕餐廳推介,與親朋戚友一同品嘗聖誕大餐。而交換禮物更是每年聖誕必備環節,不同價位的實用聖誕禮物推薦,定有一款啱你心意!而隨著疫情過去,有不少歌手宣布舉辦演唱會,例如:MC張天賦演唱會(12月20日公開發售)Westlife演唱會(12月1日公開發售)、許廷鏗演唱會(12月2日公開發售),更有Twins演唱會鄭秀文演唱會Clockenflap;喜歡K-pop的你亦有福了,因不少韓國天團更宣布有巡迴演唱會香港站,即睇:AOMG香港演唱會,5大人氣歌手大唱Hip Hop騷(12月5日公開發售)、MAMAMOO演唱會!小編為你整合了優先購票日期、公開售票日期、門票價錢、座位表等,想搶飛粉絲必定要留意!

讀者留言