吳家樂

激戰花曼《城寨》馮春美大限已到!

最新娛聞

廣告

如果大家係由第一集開始睇《城寨英雄》,就知道段通天(袁偉豪分飾) 和朝猛山(陳展鵬分飾) 兩人,都係被馮春美(吳家樂飾)、柯萬長(張國強飾) 及福壽金(林偉飾) 三人所害。所以多年後花曼 (王君馨飾) 為報殺父之仇,接下來的劇情中將會與春美決一死戰,春美大限已到!雖然角色將死,不過家樂仔今次演出令人難忘,唔少觀眾力讚,仲有唔少人支持佢在台慶奪獎!

吳家樂在劇中飾演城寨武林高手馮春美,人如其名係個娘娘腔,畫晒眼線又搽唇膏。雖然造型被指抄襲香港作家余兒小說《九龍城寨》中、其中一個叫「龍捲風」的角色,但都無阻觀眾對佢的喜愛!

吳家樂

家樂仔將呢個角色演得入木三分,眼神笑容都勁奸,舉手投足亦做到角色女性化一面!雖然係娘娘腔,不過佢每次出場都霸氣十足,嗰種笑裏藏刀的神情睇到觀眾不寒而慄,一句講晒:好戲!

吳家樂

接下來劇情將會講到花曼終於露出真面目,為報殺父之仇而跟春美決一死戰!預告片中見到花曼着住套類似貓女郎的黑衣,而春美就鬧咗佢一句「反骨女」,之後兩人隨即展開激戰!

吳家樂

雖然春美的擒拿手功夫了得,又配合劇毒鐵爪,不過在花曼的八極拳前卻被比下去!佢連中花曼幾記重擊,節節敗退。如果想睇花曼點樣殺死殺父仇人,就要繼續留意《城寨英雄》啦!

吳家樂

家樂仔在TVB多年,其實甚少在劇集中佔戲咁重,對上一齣《愛‧回家》做郭少芸男友「涼粉」,觀眾已經算比較有印象。不過今次春美呢個角色咁突出,難怪網民都留言激讚!

吳家樂

除了讚家樂仔,亦有網民留言讚王君馨,大家都不約而同話佢又索又好打!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:TVB.com