激罕派福利 林泳淘Po婚紗相晒湯碗胸

撰文、圖片：東方新地

林泳淘日前罕有Po性感相派福利，上載咗兩張自己身穿低胸婚紗拍照的相，胸前有少許薄紗遮擋，但仍擋不住其湯碗胸若隱若現，更予大家幻想空間？而Wingto只留言提及自己當天的狀態，未有直接寫上自己是來分享靚相「一擘大眼，見到出面咁好天，搞到躺喺床上嘅我，靈魂都開始積極起來，無錯，只係靈魂」單以行動請大家吃冰淇淋，已令一班宅男瘋狂起來！雖然女神著上婚紗，不過就未有網民「誤會」Wingto將成新娘子，皆因她上月中也有上載過同一輯婚紗相，當時就只是側身與遠鏡相，自然未有如最新上載的兩張般令人震撼呢！

可能見大家不停派Like咁好反應，這兩日Wingto 再加碼放相，仲賣關子話會喺Story不限時出片，想睇千萬要留意?！

林泳淘12年參選香港小姐落敗 TVB工作未有突破

中學時已經做Model ，又曾是樂壇組合Lacee Lacey成員，對娛圈工作充滿熱誠的林泳淘（Wingto），12年參選香港小姐落敗加入無綫，多年來一直擔任「東張西望」主持工作，32D火辣身材更成《 3日2夜》常客，即使從不吝嗇身材演出，始終未能突破框框，去年被無綫淘汰出局反而帶來事業新轉機，近日有份參與歐錦棠擔任監製、編審、武術指導兼演員的ViuTV劇集《打天下》演出，雖然只得兩集戲，但已經好出位。

《打天下》出動制服誘惑吸睛

在劇中演被騙來香港做Model的馬來西亞女生，林泳淘劇裡有不少造型，當中Cosplay女僕打扮出動制服誘惑吸睛，即時引起網民熱烈討論。據知情者透露：「Wingto不嬲都好博，就算工作安排佢著好少布要性感演出，佢都會好配合，今次有機會拍Viu劇，佢真係好畀心機，一路以嚟佢好想做打女，可惜今次佢係臨時加入套劇，原本佢嘅角色係由一個日本女仔演嘅，但因為對方檔期問題嚟唔到，反而令Wingto有機會演出，但始終太倉猝，棠哥（歐錦棠）未有安排打戲畀佢，不過， 劇中Cosplay女僕造型嘅嘗試佢都好鍾意，因為佢覺得著起套制服之後，可以完全投入角色，就算之前唔敢擺嘅甫士，都好有自信去做，反而幫到佢更易入戲！」

珍惜演出機會 拍拖12年未有結婚計劃

除了制服誘惑收放自如，一直被網民稱為敢言女神的她，在劇中有唔少鼓勵港人的對白，形象正氣十足！但另一面，她又同歐錦棠有一場意識大膽對手戲，極具挑戰。對於過檔ViuTV打無綫，棄將林泳淘不以為意，反而更珍惜可以做演員的機會，她直言：「依家有好多唔同嘅電視台，冇話邊個打邊個，到處都係機會，自己唔想淨係做主持！」塞翁失馬焉知非福，為把握機會上位，雖然已經有個拍拖十二年的穩定男友，林泳淘仍未有結婚計劃，同《打天下》劇中角色一樣愛追夢，理想行先的她，成功引起觀眾共鳴！

WingTo 自述拍攝感受：「感恩棠哥寫的對白」

悠雅在《打天下》入面雖然只是一個小小的插曲，
但很感恩能獲得很多朋友支持，
記得接到戲本摸索階段也正直多事之秋，
當時抱著劇本咀嚼著文字心情很冷靜，
眼淚卻一直直流，
然而悠雅是一個外來女子，
簡單爽直而堅強，
有幸遇到剛正、善善和惠惠，
令悠雅眼中看到的這個香港和香港人，
美好快樂而善良，
感恩棠哥寫的對白，
感恩劇入面所有台前幕後的照顧，
最後，
kathy仔真係好可愛😂😂😂
呀談真係好正！
棠哥真係好鍾意ff😎
而我，麻煩返歸繼續鑽研演技啦下~
希望大家繼續支持《打天下》