袁偉豪

激罕!袁偉豪 自爆那些年校草真身

最新娛聞

廣告

袁偉豪喺早前《城寨英雄》中飾演嘅牙佬斯文得嚟又好打,而且情深款款,深得觀眾歡心!其實佢喺TVB不經不覺都捱咗八年,今年終於成功入屋,實在可喜可賀!但男神呢日竟然自毀形象,將自己當年參加校草選舉最樣衰、最毒嘅「那些年」post咗喺IG,咩事咁睇唔開啊?

想當年,有「維他奶仔」之稱嘅袁偉豪參選香港先生大熱勝出。2007年當選之後,拍過好多唔同嘅電視劇,可惜大部分都係啲二打六角色。磨練咗八年,今年終於成功突破,唔同嘅角色全部都得到萬千觀眾嘅支持。好似早前《城寨英雄》嘅段迎風(牙佬),睇得又打得,仲不時爆肌益觀眾,男神之名當之無愧!

袁偉豪另一啲角色,如較早前《鐵馬戰車》入面嘅施馬Sir,以及《EU超時任務》嘅郭尚正都相當突出,努力係一定有回報的!

話說1997年時,15歲嘅牙佬參加咗《YES!》雜誌嘅校花校草選舉,呢日佢就喺IG自爆陳年相,一睇真係不得了!見到佢一身黑色鬆身戰衣、三七分界、輕輕托腮加埋迷人嘅眼神…. 連佢自己都忍唔住留言︰「人哋話女大十八變!男其實咪係一樣」其實亮點又豈止袁偉豪,其實佢當年其他對手,小編都覺得好有「特色」…

有校草當然都有校花,袁偉豪旁邊嗰位就係當屆校花冠軍,見到兩人身穿校服擺個乖乖甫士,真係想唱番句「同學各位 找個位 這是你的開學禮…」唔知呢位那些年校花依家做緊咩呢?係咪一樣咁靚呢?

試問人誰無過… 過去個過呀!最緊要係紀念曾經這麼青春過嘛!睇完毒J版本袁偉豪,不如睇番佢最近嘅型仔相啦~

再嚟啲爆肌相!請大家準備紙巾抹鼻血!

又靚仔又有實力又有肌肉又專一,咁嘅男人喺邊到搵啊?諗諗下,其實當年嘅評判真係好有眼光!

全文完

常見問題

將來還有什麼演唱會值得留意?

有不少歌手宣布舉辦演唱會,例如:黃妍五月天BLACKPINK澳門站林敏驄周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZYNCT DREAM亦在香港開演唱會!小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

情人節有什麼好去處推介?

情人節想攪攪新意思?多個商場都換上浪漫裝飾,讓情侶們甜蜜打卡,更有商場設置「戶外星空影院」,讓情侶們在漫天星宿下一邊欣賞電影,享受溫馨時光!即看:情人節好去處2023;除此之外,相信各位都很苦惱要揀甚麼餐廳,編輯為大家精選15間情人節餐廳,包括fine dining、自助餐、扒房及米芝蓮餐廳,價錢有平有貴,快啲bookmark定同男女朋友過一個浪漫情人節!

讀者留言