無制限探險隊｜咖喱登非洲最高峰撞正嚟M 7日唔沖涼令網民改晒觀

挑戰登非洲最高山峰

吉力馬札羅山是非洲最高山峰，由Mike導、Agent L、Rain P、Ray以及咖哩一行5人組成的登山小隊，登頂目標為海拔5855米。第一天，在山上行了5個小時終於去到營地，成功去到海拔2800米，大家紛紛表示非常痛苦，咖哩說此行非常挑戰自己體能：「我平時行2分鐘就開始攰。」轉眼間已經去到旅程的第5天，小隊已經成功登上海拔4673米，休息過後他們在晚上11時繼續登頂，附近開始不斷有行山客放棄，原因都是因為高山症影響，如果沒有好好處理將會在幾小時內死亡。

咖哩行山有感而發：我好早之前已經打定輸數

隨着海拔增加，幾位成員亦開始變得越來越辛苦，出現頭痛、心跳加速、作嘔作悶的情況，體力下降得非常嚴重，不過前面仍然有一條45度的大斜坡等着他們，走着走着他們開始看到了山脊線，亦都成功超越了海拔5500米。

此時，咖哩開始有感而發分享自己參與此行的目的，她說道：

我好早之前已經打定輸數，我係一定做唔到（登頂），因為無論我做乜，都有好多人同我講：做唔到㗎。我以前好肥嘅時候，啲人就會同我講：你都冇自制力，你唔會減到肥！當我參加《造星》，啲人就話：你唔好發明星夢啦，努力做個公家醫生咪好囉！到我做醫美醫生，啲人又話：做醫美都唔係醫生！然後我話要去Kilimanjaro，啲人又話：你都冇train 開，你都唔得！

上述原因成為了咖哩參加這次登上「非洲之巔」的目的：

點解我要行呢一座山？我覺得所有嘢都應該由我自己試咗，試完之後先話自己做唔到，要自己學習努力、學習放棄，而唔係盲目聽人講。因為唔做嘅話，根本冇人知道結果係點，或者你喺當中會得到啲咩，可能我呢一刻都係登唔到頂，但至少我覺得自己有得着，同埋而家睇到好靚嘅日出！就係咁啦～

咖哩成功登頂 真情流露：唔想喺社會營營役役

經歷了8個小時，他們終於成功在早上7點抵達山頂，大家都感動到痛哭流涕，此時Mike導又問咖哩：「點解想上嚟？」咖哩就表示：

我想知自己究竟可以去到幾多，同埋我覺得⋯⋯我就係要有呢一種衝動，因為我唔想喺呢個社會營營役役⋯⋯我唔想喺呢個社會營營役役，冇咗自己嘅童真同衝動！所以我堅持做我想做嘅嘢，然後我做到啦！

說着說着她的眼淚也忍不住掉下來。在隨後的IG直播以及傳媒訪談中，咖哩透露在這次的行山之旅中，足足有7日冇得沖涼，甚至連指甲都綑黑邊！不幸的是，她剛好碰上月事，因此服用了調經藥令面部變得浮腫，並持續了1個多月，為了行山不顧形象，不少網民都對她刮目相看！

網民睇到喊：這港女非一般女孩，唔紅唔得！

節目出街後，不少網民表示非常感動：「咖喱面都腫晒都堅持到山頂，絕對比花瓶系或乜都大叫一輪嘅女演員更值得欣賞」、「今年最好睇嘅綜藝節目，沒有之一！」、「我淨睇都喊，好似我有份登山咁」、「對呢個女仔完全改觀」、「這港女非一般女孩，唔紅唔得！」、「睇《無制限探險隊》我由對咖喱醫生無好感，到漸漸改觀，睇埋今集佢講嘅嘢，我徹底鍾意咗佢」、「咖哩段獨白，我睇到隻眼開咗水喉咁，一路走來，真心不易， respect」。

咖哩大派福利騷美好身段！網民：Mike導多謝你

節目中，咖哩身穿水藍色泳衣在泳池中介紹非洲天氣，她說道：「大家印象中的非洲都係非常炎熱，但係肯亞位於南半球，同埋因為高原地勢，所以全年氣溫非常清涼，朝頭早大概20到25度，夜晚或者凌晨就10到15度，而家啱啱日落真係好凍。」隨後更有不少在泳池中嬉戲及遊玩的鏡頭，大騷姣好身材，令節目組表示「這是一個令人難以集中的天氣預報」，而網民紛紛留言到：「Mike導多謝你」、「10星黃金畫面get」、「冇人留心聽咖哩講嘢」、「咖哩真係好正」

咖哩男友視角全公開 Agent L笑到唔見眼激怒未婚妻？

而Mike更相當大方公開咖哩男友視角的影片，而負責操刀的Agent L未知是否非常滿意自己拍攝的影片，總之見到他笑到見牙唔見眼說了一句：「有feel」。有眼利的網民發現未婚妻（Elsie）在IG story寫道：「非洲之旅唯一一個item⋯⋯喺佢做完之後⋯⋯我嬲咗佢。」令不少人認為Elsie在呷醋，不過隨後Elsie解釋不滿的真正原因是未婚夫在非洲喝醉後紋身。