余德丞

無綫最新筍盤 余德丞 夜媽媽車女去邊呢?

最新娛聞

廣告

陽光靚仔、運動健將、仲要好有家底同天王城城係鄰居,講緊嘅咪係無綫最新筍盤余德丞,雖然佢身邊緋聞多籮籮,但男人要有嘅風度佢一樣唔少㗎!

撰文:東方新地|圖片:新傳媒圖片庫、余德丞IG

余德丞大坑醫肚

早排蔡思貝就公開話余德丞仰慕佢,轉頭就被踢爆咩港姐殺手之稱號全部都係煙幕,實情就同純情化妝師Chloe發展緊喎,無耐又傳被江嘉敏電中,雖然多女埋身,唔知緋聞真定假,不過做男人風度就一定要有。

余德丞

日前余德丞同男男女女一班朋友一齊去到大坑飯聚,雖然緋聞傳完一單又一單,難得余德丞都係不避嫌,做柴可夫車咗其中一位女性友人走人,家住跑馬地嘅余德丞兜個大圈過海送人返屋企,係有風度嘅!

余德丞

夜媽媽、大坑東、孤男寡女做啲乜?其實係余德丞同一班朋友飯聚完,車埋女性友人一程齊齊去攞車。

余德丞

食完飯主動提出車女性友人一程,二人全程保持友好距離。

余德丞

余德丞家住跑馬地,但送女性友人去過海返歸。

余德丞

余德丞由運動員跳入無綫做體育主持,原來演得又唱得,日前上《流行經典50年》節目唱「鄰居」郭富城的〈狂野之城〉,大獲好評!

陽光型余德丞 真正的「高富帥」

早前熱播的TVB台慶劇《誇世代》雲集大台花旦小生,又有大量藝人友情客串,但當中有位小鮮肉就成為話題,就是前香港游泳代表隊成員余德丞了!擁有陽光男孩般的帥氣外表,而且練就了一身結實肌肉和身材,在劇中飾演銀行小職員的他,其實在現實生活中是個「高富帥」喔!

Dickson Yu 余德丞(@yuduck)分享的貼文 張貼

28歲TVB上位男神

身為前港隊泳將的余德丞(Dickson)練得一身fit爆身材,結實的胸肌和肌肉一覽無遺,除了身材了得之外,年僅28歲的他已經有多年的主持經驗,主持過多個體育節目、兒童節目和音樂節目,如「里約奧運會」外景主持、《Think Big 天地》、《我的神奇音樂之旅》等等,現在加入演員的行列,帥氣外表和不俗的演技相信前途無可限量喔!

Dickson Yu 余德丞(@yuduck)分享的貼文 張貼

家底勁 係郭富城鄰居

除了一身的才華之外,Dickson身家背景也來頭不少,含著金鎖匙出身的他與家人住在跑馬地嘉園的二千萬豪宅,即係天王郭富城的鄰居!而且還與家人聯名擁有多個總市值逾半億的豪宅單位,簡直是有潛力的「鑽石王老五」!

跑馬地豪宅嘉園
跑馬地豪宅嘉園

冧港姐做煙幕 余德丞暗拖清純化妝師

有樣有身材又有家底,所謂人生勝利組就係余德丞呢種,入行五年由兒童節目打入戲劇組,一套劇《誇世代》即成搶手小鮮肉被無綫力捧,早前更擔大旗做旅遊節目《緬甸奇幻旅程》主持,拍完12日,港姐收割機又發功,傳出撻著拍檔蔡思貝。其實一切都係宣傳煙幕,身邊原來有個清純化妝師Chloe。

余德丞
二人在銅鑼灣日頭拍拖拍到天黑,小心翼翼避免親熱舉動,不過余德丞一時忍唔住,還是偷偷翹住女友手耳語。

據知情人士透露,笑容陽光、性格暖男,余德丞入行以來的確特別受異性歡迎,不少電視台小花主動抄牌求關注。博愛性格驅使交朋結友少不免,不過原來正印只得一個,正是年多來日對夜對日久生情的御用化妝師Chloe。日前二人連同余之無綫經理人,一齊在銅鑼灣拍攝完節目,順理成章拍拖繼續下半場。

余德丞
筍盤王余德丞轉口味,女友Chloe雖然不是港姐,不過甜美清純,又係無綫化妝師,大條道理日對夜對。

街頭翹手

明明三人行逛運動專門店,余德丞全程黐住女友問意見、經理人亦識做離行離列各有各行。搵經理人做完煙幕兼擋箭牌,二人繼續行街撐枱腳,雖然當街當巷刻意保持距離,不過Chloe 45度角甜笑仰視、余德丞又情不自禁偷翹女友手,親密關係不言而喻。

余德丞
余德丞睇衫睇鞋全程問Chloe意見。

據悉事業剛起步,余德丞要小心處理感情,借工作做幌子收埋女友,不過始終血氣方剛不時露出馬腳,更被網友踢爆登門探訪女友大圍香閨,其實真係瞞唔得幾耐!

余德丞
行完街,余德丞帶埋女友去附近Cova食個早飯,期間有傾有講亦好似一般情侶一樣會分甘同味。
余德丞
經理人先行告退,小情侶繼續遊街,Chloe陪完余德丞睇波鞋,今次輪到余德丞陪化妝師女友睇化妝品。

送上門

余德丞家住跑馬地係郭富城鄰居,但早前他竟自po與Chloe合照就被眼利網友睇出背景係大圍名城,正是女友香閨所在。

余德丞

愛屋及烏

日見夜見又登堂入室,余德丞對女友香閨熟路、與女友家中愛犬一樣已經混熟,農曆新年期間就係抱住疑似Chloe的貴婦狗向fans拜年。

Dickson Yu 余德丞(@yuduck)分享的貼文 張貼

港姐化妝師

Chloe是無綫化妝師,個人IG內有不少為無綫藝人如胡說八道會、陳凱琳、袁偉豪化妝的合照,其中一個工作更是一年一度港姐選舉。

無綫最新筍盤 余德丞 夜媽媽車女去邊呢?

性格溫馴樣貌又甜美,Chloe與不少合作藝人關係友好,與余德丞傳過緋聞的江嘉敏都攬頭攬頸,稱呼佢為「Chloe BB」。

無綫最新筍盤 余德丞 夜媽媽車女去邊呢?

Dickson Yu 余德丞(@yuduck)分享的貼文 張貼

港姐收割機

當港姐收割機遇上港姐發電機,余德丞與蔡思貝對足12日去緬甸拍攝旅遊節目即傳出緋聞,蔡思貝公開話余德丞一早仰慕佢,似女方想收兵居多。

Dickson Yu 余德丞(@yuduck)分享的貼文 張貼

Dickson Yu 余德丞(@yuduck)分享的貼文 張貼

去年拍攝《誇世代》有傳搭上十優港姐麥明詩,更一杯雪糕兩份食,余德丞全盤否認:「麥明詩又靚又叻,我高攀唔起!」

Dickson Yu 余德丞(@yuduck)分享的貼文 張貼

有傳因為合拍節目被傳力追劉穎鏇,兩位好似夾過口供一樣,余德丞話鍾意運動型女仔、劉穎鏇就話唔鍾意男朋友太大隻。

余德丞

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!