無綫

盤點無綫失禮主持 無腦、迷妹、爆喊樣樣齊 貓仔黎寬怡衰4次列榜首

最新娛聞

廣告

每年有好多落選香港小姐或藝員訓練班成員,不斷為無綫東張西望》或《娛樂新聞台》注入新血,很多新面孔會被安排擔任外景主持工作,藉此汲取幕前經驗,但往往因為主持經驗不足,或在訪問前未做好資料搜集,鬧出不少笑話。 當中不乏無腦、迷妹加爆喊主持,今次來個「失禮主持大盤點」,來自《東張西望》的貓仔黎寬怡更登上失禮榜第一位。

無綫 28歲的賴彥妤是去年落選港姐,加入無綫成為《娛樂新聞台》做外景主持,未吸收經驗先因無做功課而連翻失禮。
28歲的賴彥妤是去年落選港姐,加入無綫成為《娛樂新聞台》做外景主持,未吸收經驗先因無做功課而連翻番失禮。(圖片來源:IG@vivianlai0824)

1.賴彥妤封遊魂主持
入行途徑:2021年落選港姐

失禮指數:9級

郭富城:「我頭先咪講咗囉!」

早前賴彥妤代表《娛樂新聞台》出外景做訪問,仲搶到到靚位企正郭富城旁邊可以一齊入鏡,但賴彥妤因為未有留心對方提到「會帶小朋友同屋企人睇燈飾」,五秒後重複問郭富城「會唔會帶埋小朋友⋯⋯」令不少網民認為賴彥妤不尊重受訪者,亦有網民認為現場環境嘈雜,導致賴彥妤聽得唔夠清楚。

無綫 賴彥妤「迷妹」上身,搶到好位企在郭富城身旁,但她完全是靈魂出竅狀態,沒留意對方受訪時的回應。
賴彥妤「迷妹」上身,搶到好位企在郭富城身旁,但她完全是靈魂出竅狀態,沒留意對方受訪時的回應。(圖片來源:TVB影片截圖)

姜麗文:「母親節會同爸爸一齊慶祝。」

早在今年五月,賴彥妤訪問姜麗文時提到「母親節快到了,你剛剛回到香港,有沒有計劃如何跟媽咪慶祝?」而姜麗文大方表示:「母親節會同爸爸一齊慶祝,爸爸有幾年係單身,今年因為爸爸喺香港,所以會在哥哥屋企煮好食嘅畀佢食,而且我都會DIY禮物送畀爸爸。事實上姜麗文的父母秦沛和梁盛子早於姜麗文一歲時已離異,更曾透露秦沛為了爭取撫養權花盡全副身家,仲一手湊大她和哥哥姜文杰,好明顯賴彥妤事前時沒做資料搜集。

無綫 幸好姜麗文EQ高又大方,順利化解尷尬問題,賴彥妤即時發現講錯說話,表現得一臉惶恐。
幸好姜麗文EQ高又大方,順利化解尷尬問題,賴彥妤即時發現講錯說話,表現得一臉惶恐。(圖片來源:TVB影片截圖)

2.黎寬怡(貓仔) 自High爆喊
失禮指數:10級

入行途徑:2017年第29期藝訓班

無綫 2018年加入《東張西望》的黎寬怡,令人印象深刻就是她經常在訪問時爆喊。
2018年加入《東張西望》的黎寬怡,令人印象深刻就是她經常在訪問時爆喊。(圖片來源:IG@cat_kittylai)

張衛健:「我見你眼泛淚光,咩事呀?」

黎寬怡(貓仔) 可算是《東張西望》最出位主持,她曾訪問張衛健時突然爆喊,嚇到張衛健也忍不住停下來問:「我見你眼泛淚光,咩事呀?」黎寬怡當時就解釋:「我笑到標咗眼淚但又唔好意思收返入去。」後來黎寬怡愈喊愈厲害,最後要張衛健安慰叫她不用緊張。

無綫 貓仔黎寬怡不時爆喊,令很多受訪藝人都嚇一跳,就算見慣大場面的張衛健都被她一喊而措手不及。(TVB影片截圖)
貓仔黎寬怡不時爆喊,令很多受訪藝人都嚇一跳,就算見慣大場面的張衛健都被她一喊而措手不及。(圖片來源:TVB影片截圖)

黃宗澤:「唔好激動!唔好激動!」

出名因為興奮容易爆喊的黎寬怡,在訪問吳卓羲、黃宗澤、馬德鍾等人時,一開結就已經勁High:「呢個《衝上雲霄》嘅場景又出現啦!好經典啊!」吳卓羲即刻講笑:「得你一個興奮咋!」之後黎寬怡再問眾人有否瘋狂自拍,馬德鍾表示影了幾張,在旁的吳卓羲、黃宗澤則說:「本身電話冇相嘅功能」、「大家其實都好難忘」,聽完兩位答案,黎寬怡突然爆喊,令到場面一度尷尬,而胡定欣都忍不住爆了句「又喊?」,隨後被網民質疑故意突顯自己。

無綫 因為一次過見到《衝上雲霄》其中四位主角,黎寬怡又再一次在鏡頭前失禮喊了出來。
因為一次過見到《衝上雲霄》其中四位主角,黎寬怡又再一次在鏡頭前失禮喊了出來。(圖片來源:TVB影片截圖)

葉童:「吓!睇中我嘅氣質!」

黎寬怡被派去《香港愛情故事》拍攝現場探班做訪問,在訪問葉童時說話欠技巧:「導演搵你唔係因為你嘅演技。」令葉童忍唔住講:「吓!睇中我嘅氣質!早知喺咁,對白都唔使背!」受訪者難免感到被冒犯。

無綫 縱使葉童毫無架子,但黎寬怡的訪問方式絕對不被認同。
縱使葉童毫無架子,但黎寬怡的訪問方式絕對不被認同。(圖片來源:TVB影片截圖)

直播中棄白彪趕去攞彩

在《萬千星輝頒獎典禮2020年》後台,黎寬怡訪問剛奪得「最佳男配角」 的白彪期間,為了可以跟《東張西望》同事影合照,以慶祝獲得「最佳非戲劇節目」獎,黎寬怡竟然唔理白彪,把咪交給其他人後九秒九轉身跑走,白彪不知所為何事就緊隨其後,但發現不對勁,加上被攝影師叫停才回頭繼續拍照,而整個訪問均是全程直播。

無綫 為了想影大合照,黎寬怡在訪問直播途中突然撇下白彪轉身走人,引來網民指她非常無禮,最後黎寬怡在社交平台大吐苦水。
為了想影大合照,黎寬怡在訪問直播途中突然撇下白彪轉身走人,引來網民指她非常無禮,最後黎寬怡在社交平台大吐苦水。(圖片來源:IG@cat_kittylai)

3.黃婉恩經典無腦港姐
入行途徑:2020年落選港姐

失禮指數:9級

無綫 黃婉恩原來在2019年曾參選港姐,但因為左腳斷了腳筋而被逼退選,隔年捲土重來參選,明顯是發明星夢。
黃婉恩原來在2019年曾參選港姐,但因為左腳斷了腳筋而被逼退選,隔年捲土重來參選,明顯是發明星夢。(圖片來源:IG@yancy)

馬時亨:「講錯名,你連名都講錯!」

要數失禮主持人,《娛樂新聞台》的黃婉欣絕對是排榜首位置,今年1月底,黃婉欣被派去採訪馬時亨主持節目《馬時亨名人堂》錄影探班,但佢事前無做功課,直播嘅時候錯漏百出,有關直播片更上載到TVB娛樂新聞台的YouTube頻道。在片中,黃婉欣向馬時亨提問時:「今日都想知道點解『馬善行』會邀請⋯⋯」馬時亨一聽就覺得不對路即場反問:「馬咩?」黃婉欣再講「『馬是行』」時,馬時亨終忍不住說:「咪咪咪,講錯名,你連名都講錯,哈哈哈⋯⋯你一定要cut咗佢。」最後黃婉欣以「馬生」稱呼馬時亨,然後身旁的嘉賓林子祥亦不認得。之後黃婉恩再用普通話進行訪問,但讀音亦頻頻出錯。

無綫 作為主持人的黃婉恩,竟然連眼前受訪者馬時亨的姓名都可以講錯,甚至是講不出名,真係夠晒經典。
作為主持人的黃婉恩,竟然連眼前受訪者馬時亨的姓名都可以講錯,甚至是講不出名,真係夠晒經典。(圖片來源:TVB影片截圖)

4.容羨媛老前輩都出事

入行途徑:2004年參加DJ比賽,08年加盟無綫

失禮指數 :7級

無綫 容羨媛身為老臣子但都出事,「問題」完全零修飾仲四萬咁話:「全城熱睇蔣家旻兩分鐘強姦戲!」。
容羨媛身為老臣子但都出事,「問題」完全零修飾仲四萬咁話:「全城熱睇蔣家旻兩分鐘強姦戲!」。(圖片來源:TVB影片截圖)

蔣家旻:「其實被人強姦都唔係好好受。」

容羨媛2012年加入《東張西望》成為節目主持,雖然身為老臣子但都會出事。容羨媛早前訪問《美麗戰場》的蔣家旻和李盛昌,她的大頭開場白竟然是勁興奮四萬咁話:「全城熱睇蔣家旻兩分鐘強姦戲!」在現場的蔣家旻顯得甚為尷尬,仲話:「其實俾人強姦都唔係好好受。」「問題」完全零修飾,擁10年節目主持經驗都可以令場面尷尬。

無綫 現場受訪的蔣家旻,面對主持人容羨媛的失禮提問都只能以笑遮醜。
現場受訪的蔣家旻,面對主持人容羨媛的失禮提問都只能以笑遮醜。(圖片來源:TVB影片截圖)

5.陳約臨見張家朗突然失控

入行途徑:2016年國際小姐(香港代表)並贏得「亞洲皇后」獎

失禮指數:9級

無綫 陳約臨因為一次失誤自毀前途。
陳約臨因為一次失誤自毀前途。(圖片來源:IG@yeuklam)

去年7月, 陳約臨代表無綫電視前往採訪「2020年東京奧運」,在圍訪奧運男子花劍個人賽金牌的香港劍擊運動員張家朗時,陳若琳因多次打斷張家朗分享得獎心情陷入失控狀態,自顧自表達「我真係好鍾意你!點算呀?」、「我要改口叫你做金家朗!」、「頭先做Live時問香港市民想對你做啲咩,佢哋叫我畀個飛吻你。」事後,事後被網民斥責「迷妹」上身,不尊重場合及張家朗,陳若琳堅稱提問冇問題,但之後又親筆寫道歉信。

無綫 陳約臨代表無綫去日本採訪奧運,最後竟在直播訪問期間失控向張家朗示愛。
陳約臨代表無綫去日本採訪奧運,最後竟在直播訪問期間失控向張家朗示愛。(圖片來源:TVB影片截圖)
無綫 奧運男子花劍個人賽金牌的香港劍擊運動員張家朗,被陳約臨搞到好尷尬,不敢直視及作任何回應。
奧運男子花劍個人賽金牌的香港劍擊運動員張家朗,被陳約臨搞到好尷尬,不敢直視及作任何回應。(圖片來源:TVB影片截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地