熊黛林影孕照留念 讚老公貼心 Lynn:我無嫁錯人!

最新娛聞

熊黛林(Lynn)15年嫁家族擁百億身家的郭可頌,肩負幫郭家開枝散葉重任,兩公婆努力一年,上年11月終於宣佈有喜!目前懷孕8個月嘅Lynn早前就同老公郭可頌影咗一輯靚相留念,Lynn大讚老公對佢平日照顧有加,懷孕期間又好貼心,難怪她高呼:「我無嫁錯人!」

撰文:東方新地

熊黛林讚郭可頌貼心 Lynn:我無嫁錯人!

去年年尾宣佈懷孕的熊黛林(Lynn),預產期愈來愈近,日前Lynn就同老公郭可頌拍了一輯靚相留念,相中見Lynn笑得開心燦爛,雖然腹大便便但四肢仍然纖瘦,絕對是準靚媽咪,而穿起吊帶裙的Lynn,上圍都升級了不少。至於爸爸郭可頌亦愈來愈fit,手臂肌肉盡現,看來做型爸單手抱B都無問題。Lynn話:「一直老公都好照顧我,有了BB後老公更事事以我為先,我覺得好開心,睇得出自己真是無嫁錯人。」

作為準媽咪,Lynn現在未覺緊張,反而非常期待BB到來,但同時又有點捨不得與BB身心相連的親密關係,「每次BB在我肚入面郁我都好興奮。」問到Lynn有否特意看書學習湊B及教小朋友技巧,Lynn表示自己只看了小量關於育兒書籍,平日反而多向有經驗的朋友請教,「我們都想順其自然,第時再一步步學習,我不想給太大壓力家人及BB。」果然是貼心溫柔的媽媽及老婆。

熊黛林 幸福準媽媽

 

準媽媽熊黛林(Lynn)陀B七個月時,同經理人Kim合照,晒出籮咁大嘅巨肚,Kim仲摸住熊黛林個巨肚留言:「漂亮準媽媽」對比之前大肚近五個月時嘅瑜伽照,Lynn個肚脹真係大咗唔少,上圍亦極速升cup!但Lynn手腳依然纖幼,面容亦未有特別發福,真係肥肚不肥身,令不少孕媽羨慕!相信係因為Lynn好勤力,大住肚都keep住做瑜伽!

獲奶奶錫到燶

熊黛林15年嫁家族擁百億身家的郭可頌,肩負幫郭家開枝散葉重任,兩公婆努力一年,上年11月終於宣佈有喜!由於37歲高齡陀B,奶奶更緊張到日日煲湯去兒子屋企睇實新抱。不過熊黛林不時都搵老公陪伴外出鬆一鬆,早前就加埋腹中B仔享受三人世界迎新年!據知去年中,熊黛林同老公曾到荃灣龍母廟跪叩求子,現成功陀住五個月慈姑椗,故早前郭可頌聯同親友帶埋燒肉果籃等祭品,到龍母廟叩頭還神,為未出世的兒子祈福。

熊黛林郭可頌撐枱腳

12月30日傍晚,閉關安胎多時的熊黛林,先陪老公返柴灣公司,逗留約20分鐘,之後二人再坐車去香港遊艇會,原來當晚郭可頌已經book定枱,同老婆撐枱腳迎接新年,與腹中BB過三人世界!

熊黛林 摸龍床寫願望

熊黛林同老公婚後都心急生B,據知去年中兩人專誠到荃灣龍母廟求子,在廟裏跪地又叩頭,之後亦跟足規矩去摸龍床寫願望。點知真係唔夠一個月,熊黛林就成功陀仔,所以好緊張計劃返廟還神!不過,為免老婆挺住五個月肚操勞,日前郭可頌就聯同親友帶齊燒肉及果籃,到龍母廟誠心叩頭還神,答謝龍母娘娘賜福!

求子必拜

位於荃灣上角山的龍母廟建寺60年,雖然位處偏僻,不過長年香火鼎盛,好多明星名人如張智霖、楊怡、黎諾懿都是信眾。人們多拜龍母娘娘求子,更必定摸龍床求好運求生子,而龍母亦對小孩特別眷顧,所以亦有不少家長帶埋子女上山拜龍母,求子女健康成長。

讀者留言