內地桌球爆乳裁判慘遭禁賽 擁火辣G奶都係罪？！

撰文：東方新地｜圖片：呂萌希子微博

內地桌球爆乳裁判慘遭禁賽

據了解，呢位桌球界嘅「巨乳裁判」呂帥希擁有極之嬌人嘅35G、24、31好身材，體重仲要只得47公斤，而佢喺微博就獨擁近40萬嘅粉絲，認真來頭唔細！佢擔任桌球裁判時，除咗西裝外套，最愛就係着上Deep V上衣登場！

身材正成咁，就好難唔出名！佢喺2014年，就因擔任國際賽裁判而「一戰成名」，成功走紅桌球界！見到呢位巨乳裁判，相信唔少桌球手都好難將集中力放喺桌球枱上！

作為一個專業嘅桌球裁判就當然都要識篤波啦！呂帥希就訓埋成個身落去打一球，認真唔話得！有幾多人想即刻做嗰張波枱！

據知，呂帥希走紅後，曾受邀拍攝寫真，又獲得企業聘任特別助理，同時仲轉籍美國！

擁火辣G奶都係罪？！

之前，台灣「亞洲花式撞球聯盟」會長凃永輝曾爆出嘗試邀約呂帥希到台灣做裁判，但被「中國枱球協會」拒絕，更直言：「呂帥希身材很好，很受到媒體和網友歡迎，不過她不只服裝方面大膽，私生活也很精彩，圈內有很多風風雨雨傳聞。」，唔通真係同個人私生活有關？

呂帥希平日最鍾意就係post性感噴血相上微博，張張都勁有睇頭！

佢條深深長長嘅事業線真係夾得死蟻！但如果係因為有火辣身材而失去做裁判嘅機會，唔知佢又覺唔覺得好唔抵呢？但可以肯定嘅係，唔少桌球界同喜歡桌球嘅人都會好失望少咗個咁養眼嘅裁判！