王君馨姊妹團 激索 苟芸慧 勁搶鏡
廣告
昨日係王君馨與圈外男友Daniel喺香港補擺婚宴的大日子，兩人結束11年愛情長跑，可喜可賀！不過除了一對新人外，最受關注的莫過於一班索爆姊妹團！成員包括前處女黨成員鍾嘉欣、岑麗香、李亞男，以及現任成員 苟芸慧 ，仲有教友裕美及衛蘭等。嘉欣媽媽一樣咁靚、香香依舊可愛，而其中唔少網民都大讚苟芸慧 簡直係狀態大勇，靚到啪啪聲！你又點睇呢？
王君馨Daniel大婚
王君馨 與Daniel於美國會補辦婚宴，場地佈置以紫色為主，門口則擺放兩人的甜蜜合照。君馨着上白色魚尾裙婚紗，大騷長腿，性感得來又型格，十分切合君馨的形象！兩人當然少不了在眾賓客前多番咀嘴，搞到一班姊妹起哄大叫「So sweet！」主角雖然係一對新人，不過唔少朋友重點都放咗喺索爆姊妹團身上，呢個咁多索女的組合真係難得一見！
延伸閱讀：
王君馨 Daniel 補擺婚宴咀不停
北上發展 徐子珊靚樣再進化
嘉欣媽媽想拍劇
最近專注照顧女兒Kelly的嘉欣媽媽，再次為君馨擔任伴娘，冇見一排都係咁靚！嘉欣又透露自己技癢想拍劇，依家正在洽談中，希望快啲見到佢作品啦！
香香公主依舊可愛
岑麗香去年12月和金融才俊Joshua(強強)於溫哥華行禮結婚，成為人妻後魅力絲毫不減，笑容甜美可愛到極，低胸裙輕露事業線，不愧係香香公主！
苟芸慧激索搶鏡
最後來到 苟芸慧 ，大家都知苟姑娘曾因壓力導致甲狀腺失調至暴肥，高峰期達170磅，不過去年成功由肥苟變回索苟，又得愛情滋潤，與錫礦大王陸佑後人兼賽車手陸漢洋打得火熱，已步入談婚論嫁階段！華姐冠軍的美貌無庸置疑，笑容燦爛甜美殺死人，雖然苟姑娘又未算手腳纖幼，不過身形夠晒平均，上圍豐滿。其實苟姑娘一向都被認為係肥瘦一樣咁索的女星，沒有之一！
苟芸慧 陸漢洋打得火熱
有愛情滋潤，苟姑娘當然幾時都春風滿面啦！
全文完
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
