王喜和密友明仔相交相知十四年，近日明仔患重病，體重急降至只有約90磅，情況令人擔心！而王喜對患重病的明仔不離不棄，更一力承擔每月六位數的龐大醫藥費，絕對有情有義！其實二人相交十四載中，經歷不少風雨，但王喜依然對明仔一條心，打風都唔甩！

其他文章︰

《一屋老友記》收視高開 有笑有淚人人讚

多圖！33C阿雪寫真有得睇！

02年初 肌情曝光

流傳王喜拍劇期間，例有同一同性探班，本刊追訪下果然發現他與嫩口金髮男出雙入對共賦同居，親密關係正式曝光！其後王喜受訪時承認與明仔同居，但死撐是堂細佬。

02年6月 曬陽認戴套

被本刊直擊穿同牌子三角泳褲到「同志勝地」南灣曬太陽，期間明仔不時金睛火眼仰望激凸王喜，又細心為其抹汗，場面火辣溫馨。不久，王喜於關懷愛滋活動上教戴避孕套，被問是他還是性伴侶做安全措施時，坦白稱：「多數係我用。」

06年8月 陽台嬉春

王喜為保形象平日跟明仔保持距離表現壓抑，不過卻被鄰居踢爆愛於自家陽台「大解放」相互赤裸嬉鬧，更被投訴聲浪大擾民。

08年 自置愛巢

陽台嬉春惹鄰居不滿，阿喜毅然以200萬於旺角勝利道買樓築巢，偕明仔置業安居。

08年11月 唯一出軌

多年來唯一一次小風波，王喜跟無綫總經理陳志雲過從甚密，更被陳欽點代表無綫攀珠峰及拍《烈火雄心3》，被冷落明仔疑「芳心寂寞」搭上四眼潮男，更被本刊拍得王喜愁爆向好友傾訴。

10年2月 世紀捉手

向予人滋油淡定之感的明仔懶懶閒唔睇車過馬路，王喜不惜關係曝光肉緊捉其手臂，明顯比前地上化。

14年9月王喜嘟嘴冧仔

王喜同明仔踢拖離開寓所，去咗旺角勝利道食茶記，雖然唔係咩貴價嘢，佢哋都食得好滋味，期間王喜不時整古做怪去引明仔笑，咬塊多士都表情多多，一時瞇眼一時嘟嘴，明仔後來掛住食嘢無乜騷佢，王喜即刻扁扁嘴引人注意，呢個下午茶歎咗成粒鐘，王喜起身去埋單，明仔喺外面等，再肩並肩行返屋企，呢pair真係好有默契！

14年11月 情侶裝出巡

唔使開工嘅王喜拉埋同性密友明仔一齊去尖東食晚飯，兩人出入都冇咩避忌，相當大方，仲一個着迷彩褲一個着迷彩衫，十足情侶裝。

15年 公開關係

去年尾王喜貼出搭着疑似是明仔的相，希望能走到白頭，後來又指跟「他」一起多年，勇敢公開認愛，獲網友激讚！

16年1月王喜帶明仔唱K

王喜帶明仔到銅鑼灣出巡，王喜手上拎住大袋戰利品，睇嚟已經掃貨完畢，之後兩人先去便利店買咗支嘢飲同朱古力，跟住就行到附近卡啦OK一齊唱K，開開心心又一晚。

可惜好景不常，希望明仔早日康復！

全文完