王浩信

中佬王浩信內地劇淪大茄 網民指P圖過分唔似人樣 出鏡盡現老紋走晒樣

最新娛聞

廣告

TVB視帝王浩信(Vincent)去年同王祖藍、高海寧、張振朗等人參加內地真人騷《開播!情景喜劇》後,成功谷起人氣,之後王浩信就長居內地拍劇及電影,全力進軍內地咁話,鮮有演出港劇。近日王浩信終於回港,佢有份參演嘅內地處境劇《家有姐妹》內地熱播,據知王浩信劇中屬特別主演,而劇集早前播出嘅一集,王浩信終於登場,但佢因妝容問題魚尾紋盡現,仲俾網民質疑劇照P圖。

王浩信 今年長留內地發展,王浩信究竟幾耐冇陪過個女?
今年長留內地發展,王浩信究竟幾耐冇陪過個女?(圖片來源:IG@vincentwong07)
王浩信 今年初王浩信跟王祖藍北上交流,點知變成長期在內地發展。
今年初王浩信跟王祖藍北上交流,點知變成長期在內地發展。(圖片來源:IG@vincentwong07)

王浩信出鏡暴現魚尾紋 浮妝厚粉隔住鏡頭都見到

王浩信一向係TVB小生,當年憑高大靚仔外形入屋受力棒,至今竟淪為魚尾紋盡現嘅中佬?內地處境劇《家有姐妹》上一直未見王浩信身影,原來到劇集中段王浩信先正式登場!西裝骨骨嘅王浩信望落依然高大,但造型就出晒事,惹網民熱議!

從相片見到,王浩信劇中造型浮粉問題嚴重,面部皮膚聚滿唔少粒粒,眼袋仲要現晒型,笑起來時抬頭紋及魚尾紋仲十分明顯,同以前王浩信嘅大隻靚仔小生形象,完全兩回事!唔少觀眾都留言話依家破壞咗王浩信靚仔形象,認為內地劇唔適合王浩信,反而《踩過界》中的「盲俠」造型靚仔得多!

王浩信 同以前大隻靚仔小生形象,完全兩回事!
同以前大隻靚仔小生形象,完全兩回事!(圖片來源:《家有姐妹》截圖)
王浩信 抬頭紋及魚尾紋仲十分明顯。
抬頭紋及魚尾紋仲十分明顯。(圖片來源:《家有姐妹》截圖)
王浩信面部皮膚聚滿唔少粒粒,眼袋仲要現晒型喎!
王浩信面部皮膚聚滿唔少粒粒,眼袋仲要現晒型喎!(圖片來源:《家有姐妹》截圖)

王浩信劇照驚現唔自然娃娃臉 網民質疑P圖太重手

王浩信今次係內地處境劇《家有姐妹》以原聲國語出演,發音仲非常標準,誠意可加。但網民竟將重點放在王浩信劇照上的造型,除咗明顯可以見到王浩信戴假髮之外,網民仲質疑劇照P圖太重手,搞到王浩信皮膚異常光滑,完全唔似人樣,成個娃娃臉咁話。

網民質疑劇照P圖太重手,全因王浩信皮膚異常光滑,完全唔似人樣!
網民質疑劇照P圖太重手,全因王浩信皮膚異常光滑,完全唔似人樣!(圖片來源:《家有姐妹》劇照)
王浩信 的確同出鏡有啲分別。
的確同出鏡有啲分別。(圖片來源:微博@王浩信)
王浩信 劇照顯著皮膚較好。
劇照顯著皮膚較好。(圖片來源:微博@王浩信)

戴假髮拍劇 網民話扣分

王浩信在劇中的造型睇落怪怪地,原來他在拍攝期間正為另一套內地古裝劇《壯王之王》,在劇中飾演宋世傑的他要剃光頭,所以王浩信《家有姐妹》中全程戴假髮。在預告片段中,王浩信只有兩個鏡頭,他以原聲國語出演,發音非常標準,而在主題曲片段中,更與女主角柳岩有對手戲。而王浩信的假髮造型亦破壞了他在粉絲心目中的靚仔形象,網民留言都話睇唔慣。

王浩信 飾演宋世傑的王浩信要為角色剃光頭。
飾演宋世傑的王浩信要為角色剃光頭。(圖片來源:微博@王浩信)
王浩信 王浩信在《家有姐妹》中的角色都是官仔骨骨,不過個髮型就好怪,因為他戴了假髮。
王浩信在《家有姐妹》中的角色都是官仔骨骨,不過個髮型就好怪,因為他戴了假髮。(圖片來源:微博@家有姐妹)
王浩信 在主題曲片段中,看到王浩信與女主角柳岩有對手戲。
在主題曲片段中,看到王浩信與女主角柳岩有對手戲。(圖片來源:微博@家有姐妹)
王浩信
(圖片來源:微博@家有姐妹)

王浩信特別主演變透明人

王浩信今年瞓身在內地發展,參加完內地真人騷《開播!情景喜劇》就一直接拍內地劇與電影,無論老婆陳自瑤生日、囡囡生日抑或台慶活動,都未有現身香港。日前,王浩信有份參演的內地處境劇《家有姐妹》宣布在16日首播,並公開演員陣容及預告片,劇情一個核心家庭為主線,由國內演員楊超越與柳岩主演,王浩信雖被視為特別主演,不過角色介紹表連名都冇,而官方公開的劇集海報也沒有他的身影。

王浩信 《家有姊妹》由國內演員做全線,兩大女演員楊超越與柳岩主演,官方海報冇王浩信份。
《家有姊妹》由國內演員做全線,兩大女演員楊超越與柳岩主演,官方海報冇王浩信份。(圖片來源:微博@家有姐妹)
王浩信 官方在微博公布首播日期與時間,王浩信只是特別主演。
官方在微博公布首播日期與時間,王浩信只是特別主演。(圖片來源:微博@家有姐妹)
王浩信 官方發放的演員角色介紹表,王浩信都係表上無名。
官方發放的演員角色介紹表,王浩信都係表上無名。(圖片來源:微博@家有姐妹)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@vincentwong07、《家有姐妹》截圖及劇照、微博@王浩信、微博@家有姐妹