田蕊妮

田蕊妮厭惡無綫拍劇似工廠啤膠 親揭離巢真相禁講XX

最新娛聞

廣告

田蕊妮加入無綫十二年,發展一帆風順,13年更憑劇集《巨輪》奪雙料視后,卻選擇在事業高峰時離開,未有新動向下於去年4月約滿離巢。日前田蕊妮接受張寶華的網台節目訪問,直指無綫拍劇是工廠式製作,田蕊妮拒絕再做「工廠女工」而萌去意,最後更因被禁聲,令她決心離開﹗

文:東方新地 |圖:張寶華YouTube截圖

田蕊妮最近接受張寶華訪問,親揭約滿無綫離巢的真相。田蕊妮指其實離開TVB這個決定想了好一段時間,她直言TVB的滲透力好廣,令有更多人認識,電視台有優勢。

田蕊妮 離巢
田蕊妮最近接受前無綫新聞主播張寶華的網台訪問。

田蕊妮不喜歡TVB工廠式拍劇

田蕊妮卻對TVB拍劇制度及模式,令她生厭:「我演戲嘅心好純粹,就係喜歡演戲,由亞視到拍電影再加入無綫都一樣心態,想拍好每一個作品去回報畀觀眾。 如果大家知道拍電視嘅製作模式,其實我哋係廿四小時不停嘅流程,因為要減低成本,時間愈短成本愈低,我哋不停外景接廠景、廠景接外景,同埋唔知點解就算你拍咗啲劇放一兩年先播,但拍攝過程都係要咁急嘅,就係大家講嘅工廠式。」

田蕊妮 離巢
田蕊妮在訪問中談工作、婚姻、未來計劃,有問必答。

田蕊妮唔想交行貨

田蕊妮話對自己工作要求高,與無綫拍劇的工作模式,產生很大矛盾:「好似你喺工廠打工,啤緊一舊膠,但係你就想喺嚿膠度雕花,你好似難為咗人,我不停諗我應該繼續配合你,乜都唔好諗,交啲行貨,有嚿膠咪得囉﹗」但田蕊妮指自己好想有進步,所以內心好大矛盾、好掙扎﹗

田蕊妮 離巢
田蕊妮坦言厭惡了過去無綫的拍劇模式,曾想離巢後到外國修讀演戲,但卻遇上新冠肺炎全球爆發。之後現在到老公杜汶澤「喱騷」工作,近日正忙於為舞台劇《聖荷西謀殺案》綵排。

田蕊妮不滿:「唔畀講『加油』﹗」

田蕊妮令她決心離巢的觸發點是因為遭禁聲,她指在19年為劇集《她她她的少女時代》宣傳時,當時正發生社會運動,宣傳人員叫各演員上台或做訪問時唔好講「加油」二字,以免太敏感,田蕊妮話:「心諗唔係呀嘛,我句『加油』未必同人哋講㗎,我同自己講『加油』都得啩,我喺呢間工廠已經啤膠,仲要自我審查,去到咁嚴重,講『加油』都唔得,創作唔可以咁,我哋演緊每一個角色都係一種創作,如果我再繼續喺度,唔止喺度啤膠,會變成嗰個機器,就係咁好肯定自己一定要走﹗」

田蕊妮 離巢
19年田蕊妮出席《她她她的少女時代》最後一個宣傳活動,這亦是她在無綫的告別作。

告別作:《她她她的少女時代》

田蕊妮在劇中人到中年面對婚變、女兒離家、重新找工作等種種衝擊,如何激勵自己和身邊中年人,勇敢面對失敗,為自己再活一次。

田蕊妮 離巢
劇中田蕊妮上擂台打拳。 《她她她的少女時代》劇照
田蕊妮 離巢
《她她她的少女時代》劇照。
田蕊妮 離巢
13年田蕊妮憑《巨輪》奪雙料視后,由黃秋生頒發視后。

田蕊妮怨被杜汶澤連累

田蕊妮在訪問中有問必答,張寶華問杜汶澤的高調發言,作為老婆田蕊妮有冇質疑過?係咪一直都撐?田蕊妮坦言曾埋怨杜汶澤「你影響到我」、「你連累咗我呀」等,田蕊妮話人人都是以自己出發,所以也會將自己跟別人的婚姻、家庭作比較,對老公的高調言行:「我嗰時會話使唔使咁呀?好好哋唔得嘅﹗」田蕊妮話:「唔止外界畀佢好大壓力,返到屋企個老婆我都不幾畀壓力佢,我仲講啲咁hurt人嘅說話,如果調番轉頭係佢講,坦白講我早就離開。」田蕊妮話其實是杜汶澤多年來對她的包容和忍耐:「好感激杜生令我成為一個更好嘅人,就算我哋有爭拗,佢都會發我脾氣,但佢從來無諗過放棄,點都要同我一齊﹗可能我好啦﹗」

田蕊妮、杜汶澤結婚十六年。
田蕊妮、杜汶澤結婚十六年。

常見問題

世界盃熱播中,電視台劇集方面有咩特別安排?

IFA卡塔爾世界盃足球賽於11月舉行,每天都有隊伍晉級,分組賽中勝出者分別為…即看世界盃2022賽果一覽;想知道每天世界盃賽事賽果及各個小組積分表、出線走勢,按此看世界盃分組賽積分表;如想知道世界盃外圍賽五大洲各出線國家隊伍的戰績及積分榜,按此看世界盃2022外圍賽詳情;各個國家除了競逐冠軍錦標外,每國球員也同時爭取個人榮譽及獎項,按此看世界盃神射手及助攻王排行榜。而電視台劇集方面,TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV熱播中嘅原創劇《繩角》即將進入結局周⋯⋯按此看大結局劇情劇透

聖誕快將來臨,而2022到2023演唱會更是多鑼鑼,有咩搶飛攻略?

一年一度的聖誕節又到啦!今年聖誕各個商場都有各式各樣的聖誕擺設,小編為你整合多個聖誕好去處2022聖誕餐廳推介,與親朋戚友一同品嘗聖誕大餐。而交換禮物更是每年聖誕必備環節,不同價位的實用聖誕禮物推薦,定有一款啱你心意!而隨著疫情過去,有不少歌手宣布舉辦演唱會,例如:MC張天賦演唱會(12月20日公開發售)Westlife演唱會(12月1日公開發售)、許廷鏗演唱會(12月2日公開發售),更有Twins演唱會鄭秀文演唱會Clockenflap;喜歡K-pop的你亦有福了,因不少韓國天團更宣布有巡迴演唱會香港站,即睇:AOMG香港演唱會,5大人氣歌手大唱Hip Hop騷(12月5日公開發售)、MAMAMOO演唱會!小編為你整合了優先購票日期、公開售票日期、門票價錢、座位表等,想搶飛粉絲必定要留意!

讀者留言