發哥孖太太拍拖睇戲

發哥孖太太拍拖睇戲

最新娛聞

廣告

發哥周潤發日前同太太陳薈蓮去鑽石山戲院排隊買飛睇佢主演嘅《寒戰2》!雖然發哥以全黑行山裝現身,更已戴上cap帽,但難掩發哥巨星風采,未幾即有fans認出及禁不住大叫:「發哥呀!」全場即時起哄,而發哥亦好守規矩,即使有市民主動俾佢先行購票,發哥婉拒好意繼續排隊。

得知發哥在場,所有喺附近嘅fans都走過來想目睹發哥風采,更令購票處出現超長人龍,而排隊期間發哥一如以往的有求必應,與市民自拍不停,由三歲至八十歲的fans皆有!發哥購票後準備入場,但已被不少fans重重包圍,發哥亦把握時間滿足大家要求,更有一名女士以發哥戲中金句打招呼:「我下半世咩都唔做,剩係招呼你一個。」發哥笑言:「吓?剩係招呼我!?」到臨開場時依然有好多人要求selfie,發哥應承之後影餐飽:「你哋仲睇唔睇戲o架?睇完大家一齊影啦!」

添食拍第三集

發哥食住爆谷睇戲,完場後發哥笑言佢兩位偶像城城同梁家輝都演得好好,又暗示會拍第三集:「應該有,睇下家輝臨尾望住嗰仔嘅表情。」此話一出即時全場拍掌,個個fans都表示好期待,又話一定等睇發哥演出。發哥之後跟全場selfie,有fans大叫「發哥好有型」,發哥鬼馬說:「我嚟睇場戲啫,你地講埋咁多呢啲嘢,我怕今晚瞓唔着喎!」

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!