發哥

發哥周潤發被同一網友多次捕獲 激罕現黑面疑雲 惹網民圍插

最新娛聞

廣告

發哥周潤發經常被網友野生捕獲,每次發哥表現得都好友善同親民,好多次仲會幫埋手揸機自拍,因此被網友封為「自拍界KOL」,但日前發哥竟然在與同一名網友合照時激罕黑面,仲對該名網友話:「你又嚟?你成日擺我上網喎!」更有報道指發哥曾被該名網友捕獲多達7次,令該名網友被網民圍插打擾發哥同抽發哥水,仲連累埋柳爺柳俊江!

文:東方新地|圖:[email protected]大埔為食友

網友被指曾7次捕獲 發哥周潤發

該名網友是Facebook專頁「大埔為食友」的版主,日前他以《發哥黑面?》為題,貼出同發哥合照,並發文表示:「今日10點約朋友大埔食嘢,我叫朋友揀食大埔邊間?佢話最深刻我在『林記』見到發哥所以就揀去食點心,點知一坐低竟然又見到發哥,即刻再去捕獵,發哥話:『你又嚟?你成日擺我上網喎!』我回應『係呀!發哥你受歡迎嘛!我每次同你影相都好喜悦同開心!』發哥就拎起電話同我又合照了!」

網友指今次捕獲發哥的地點在大埔街市。
網友指今次捕獲發哥的地點在大埔街市。(圖片來源:[email protected]大埔為食友)

大讚發哥超Nice

相中可見該名網友笑得好開心,但發哥在旁卻做出了一個黑面的表情,因此網友又在文中用Hashtag解釋「發哥是超Nice並無唔開心及黑人面」、「發哥話今次畀啲唔同款式嘅表情給我」、「講真每次見到發哥都有緊張同開心」。但由於發哥黑面的場面太少見,之後仍有不少網民留言詢問發哥黑面原因,該名網友亦不厭其煩逐一解釋:「佢話畀啲唔同款式我!」

發哥
(圖片來源:[email protected]大埔為食友)
同該名網友相熟的柳俊江留言笑指:「發哥呢個表情,相信唔係演技嚟!」
同該名網友相熟的柳俊江留言笑指:「發哥呢個表情,相信唔係演技嚟!」(圖片來源:[email protected]大埔為食友)
發哥 柳俊江與該名網友已相識多年。
柳俊江與該名網友已相識多年。(圖片來源:[email protected]大埔為食友)
黃建東亦「葡萄」表示:「我行咗一世山都仲未撞到發哥…」
黃建東亦「葡萄」表示:「我行咗一世山都仲未撞到發哥…」(圖片來源:[email protected]大埔為食友)
仲有網民留言話在同日都見到發哥孖住盧海鵬、黃日華等人一齊開餐。
仲有網民留言話在同日都見到發哥孖住盧海鵬、黃日華等人一齊開餐。(圖片來源:[email protected]大埔為食友)

網民圍插:say hi咪算囉

隨後有傳媒報道指該名網友原來已經撞過發哥足足7次,惹來不少網民圍插該名網友不應該打擾發哥,紛紛指責說:「影過咁多次,say hi咪算囉,其實發哥真黑面都不為過」、「啲人排住隊要同發哥影相,人家食緊早餐,唔該畀佢食得安樂啲,我見到都覺得好煩!我見過佢好幾次,從來冇打擾佢」、「畀人靜靜地食個早餐好嗎?」等等。

發哥
(圖片來源:[email protected]大埔為食友)

發文澄清:明明3年嚟都只係5次

因此該名網友在翌日就急急發文澄清,表示:「明明3年嚟都只係5次(計埋昨朝)無端端畀人入多兩次仲要被人圍插同攪埋柳爺𠻹!不過食得鹹魚抵得渴,鬼叫我分享咩!人哋都係搵食啫!要話就話我,但請唔好咁惡毒話埋我屋企人!記者搵日早D入嚟大埔街市問吓發哥啦!」

發哥 但翻看其Facebook專頁,可以發現早在今年8月,該名網友已講過是在這兩年內第5次遇到發哥,之後他又和發哥合照過2次。
但翻看其Facebook專頁,可以發現早在今年8月,該名網友已講過是在這兩年內第5次遇到發哥,之後他又和發哥合照過2次。(圖片來源:[email protected]大埔為食友)
可能該名網友的意思是之前遇到過發哥7次,但只係合照過5次。
可能該名網友的意思是之前遇到過發哥7次,但只係合照過5次。(圖片來源:[email protected]大埔為食友)
捕獲發哥同時又捕獲埋黃日華。
捕獲發哥同時又捕獲埋黃日華。(圖片來源:[email protected]大埔為食友)
發哥
(圖片來源:[email protected]大埔為食友)
發哥 早前又集埋193郵。
早前又集埋193郵。(圖片來源:[email protected]大埔為食友)
發哥 仲有MIRROR成員Tiger。
仲有MIRROR成員Tiger。(圖片來源:[email protected]大埔為食友)
發哥 連阮兆祥都有同該名網友合照過!
連阮兆祥都有同該名網友合照過!(圖片來源:[email protected]大埔為食友)

讀者留言