盧惠光

盧惠光憶述被騙到菲律賓拍三級片 因一樣嘢對女主角勁嫌棄

最新娛聞

廣告

盧惠光與大仔盧俊諺(Jacky)及細仔盧俊希(Jovan)日前一齊上港台節目《一起走過》做嘉賓,自爆曾被騙到菲律賓拍三級片,但因一樣嘢令他對女主角非常抗拒,堅持老虎蟹都唔露!節目中他又澄清從來無被成龍炒過魷魚,又指大仔起名Jacky原來同成龍有關。

文:東方新地|圖:[email protected]一起走過、[email protected]_1、新傳媒照片庫

盧惠光:拍到自己喊咁滯

現年62歲的盧惠光在節目中憶述自己曾經被人「賣豬仔」的經歷,仲愈講愈勞氣:「去到又話做男主角、又話女主角好靚,原來係三級片嚟嘅,但費事講戲名,喺菲律賓拍到自己喊咁滯!(有冇露股?)要我露?我老虎蟹都唔露!問我剝低少少見pat pat得唔得?嘩,我話大佬,點見呀,激到我!又話你攬住錫得啦,我哋自己會cut,又氹又盛咁,去到咪拍囉!」

港台節目《一起走過》由楊紹鴻、寶珮如擔任主持,今次訪問盧惠光與他兩個囝囝。
港台節目《一起走過》由楊紹鴻、寶珮如擔任主持,今次訪問盧惠光與他兩個囝囝。(圖片來源:[email protected]一起走過)
盧惠光話呢件「賣豬仔」事件已經係三十幾年前嘅事。
盧惠光話呢件「賣豬仔」事件已經係三十幾年前嘅事。(圖片來源:[email protected]一起走過)

隻腳好似啲人耕完田

盧惠光解釋當年喊唔係因為被人「賣豬仔」,而係因為女主角「貨不對辦」,他說:「唔係話拍呢部戲唔開心,而係你要同我講真話,喺香港睇女主角張相係OK,又唔係話好得,但話喺韓國選美攞過第三。我唔係講笑,去到現場見佢戙起隻腳,啲腳趾『裙晒邊』,好似啲人耕完田咁,隻腳兩邊仲有啲腳枕,我直頭講粗口,問導演係咪玩我先?話呢場戲你嚟做啦!見到啲腳邊直頭黑鼆鼆,我點攬住隻腳上嚟做戲?跟住我直頭攞個電話畀導演睇相,話我唔係詐你型,我都要做嘅,但要我剝晒就唔做。」

盧惠光是七屆拳王,年輕時已大隻有型。
盧惠光是七屆拳王,年輕時已大隻有型。(圖片來源:[email protected]_1)
盧惠光指當年電影女主角貨不對辦,令他幾乎激到喊。
盧惠光指當年電影女主角貨不對辦,令他幾乎激到喊。(圖片來源:[email protected]_1)

澄清成龍公司係解散

盧惠光又講到自己人生中的低潮,就是2006年與前妻黎淑賢離婚、2009年又遭成龍公司遺散的時期,他說:「又唔可以講『炒魷魚』,呢度要澄清係解散。嗰時可以講係我人生低潮,直頭低到係黐地下,全部嘢一齊嚟,記住有時人遇到唔愉快或者當黑,係會一齊嚟,嗰時要供樓、個仔讀書又要交學費,銀行供樓要幾萬蚊息,點供?打開銀行簿剩番好似夠一半供樓。」

盧惠光2006年與前妻黎淑賢離婚,2009年又遭成龍公司遺散,圖為2000年的成龍與盧惠光。
盧惠光2006年與前妻黎淑賢離婚,2009年又遭成龍公司遺散,圖為2000年的成龍與盧惠光。(圖片來源:[email protected]
盧惠光 2006年與成龍合作拍電影《寶貝計劃》。
2006年與成龍合作拍電影《寶貝計劃》。(圖片來源:新傳媒照片庫)

為兩個仔拒絕上北京

盧惠光續說:「就喺嗰時佢(楊紹鴻)叫我入亞視拍兩部劇,收咗張20幾萬支票,解決咗好多嘢。(被人解散好無奈?)因為當時我搞離婚,公司又上晒北京,佢(成龍)有問我跟唔跟佢上北京,我第一句乜都冇諗就話唔上,我要睇住兩個仔,話我上咗去兩個仔冇人睇,唔上,咁就冇嘢講,就搵人傾解散,冇咩特別,又唔係話要炒你魷魚。」

盧惠光憶述當年為了照顧兩個囝囝,而拒絕跟成龍北上發展。
盧惠光憶述當年為了照顧兩個囝囝,而拒絕跟成龍北上發展。(圖片來源:[email protected]_1)
楊紹鴻是盧惠光兩位兒子Jacky及Jovan的契爺,曾介紹盧惠光入亞視拍劇,助他渡過難關。
楊紹鴻(左二)是盧惠光兩位兒子Jacky及Jovan的契爺,曾介紹盧惠光入亞視拍劇,助他渡過難關。(圖片來源:[email protected]一起走過)

特登爆粗鬧Jacky

提到大仔的英文名叫Jacky,同成龍的英文名Jackie同音,被指對大哥成龍好忠誠,盧惠光笑言:「後尾散咗有叫食飯,我有帶埋Jacky一齊出去,嗰次我特登好大聲鬧Jacky,講埋粗口!跟住大哥就問咩事,我話唔係叫你,係叫我個仔!」他解釋大仔的英文名是由契爺陳自強所改,對方話要尊重老闆就改Jacky,盧惠光笑指大仔叫Jacky幾好,現在一不開心,就可以在家鬧Jacky。

盧惠光指大仔的英文名Jacky是由契爺陳自強所改,同成龍的英文名Jackie同音,他曾趁同成龍食飯時,借意爆粗鬧Jacky。
盧惠光指大仔的英文名Jacky是由契爺陳自強所改,同成龍的英文名Jackie同音,他曾趁同成龍食飯時,借意爆粗鬧Jacky。(圖片來源:[email protected]_1)
盧惠光笑指大仔叫Jacky幾好,因為現在他一不開心就可以在家鬧Jacky。
盧惠光笑指自己經常在家鬧Jacky(右)。(圖片來源:[email protected]一起走過)

讀者留言