盧覓雪

大忙人撈過界 盧覓雪 拍到放蚊

最新娛聞

廣告

由傳媒撈到去影視、再由影視闖到入飲食界,盧覓雪可能係跨界跨得最吃香嘅傳媒人,最新搞作係一邊做電視主持一邊再出埋曲奇,所以行出街見到佢帶住大隊人馬拍節目,又有幾出奇!

撰文:東方新地|圖片:新傳媒圖片庫、盧覓雪FB

盧覓雪玩得起

撈得咁風生水氣,其中一個成功因素,絕對係因為盧覓雪玩得起、性格又平易近人,帶住女助手同大班crew喺中環拍嘢,雖然烈日當空流晒汗,不過見到大班人對住Michelle都笑得開懷,就知同佢開工夠晒開心,啲時間就自然特別易過。

Michelle之前成日話當年做記者最開心係job與job之間攝到位行街買嘢,當日畀佢攝到位睇衫竟然都放晒蚊,撈得掂忙過頭,最大犧牲之唔係唔夠瞓囉!

目前身在台中又去咗覓食四方,臨出發前,盧覓雪就拉隊現身中環拍嘢。

去到邊都帶住笑容、笑聲由街頭響到街尾,隔住條街都睇得出,一班工作人員跟住Michelle開工好開心。

盧覓雪以前話過做記者妹時,最開心係跑新聞中場有得攝位行街,呢日都畀佢攝到位等埋位時睇吓衫先。

不過今時今日係大忙人仲撈過界賣曲奇,所以一路睇衫一路都放蚊。

盧覓雪 孖辮小甜甜

盧覓雪演過唔少醜角,但原來佢都好貪靚,早排記者見佢唔使開工,約埋朋友到天后食飯,跟住又行去銅鑼灣I.T.睇衫掃貨,身上着住件花花連身裙,仲紮住對cutie小孖辮,好似小甜甜一樣,十足青春少女look,當堂後生十幾年!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
盧覓雪