盧覓雪 泥鯭

盧覓雪睇唔過眼泥鯭批評姜濤遭圍攻 以10字反擊網民

最新娛聞

廣告

《CHILL CLUB頒獎典禮2023》已圓滿告一段落,不過場外花生仍多羅羅!話說MIRROR成員姜濤日前(8日)在《CHILL CLUB頒獎典禮2023》奪得男歌手銀獎,台上逐一向11位成員「示愛」,感動全場,當晚MIRROR橫掃多個獎項,成大贏家。有指,當晚缺席頒獎禮的樂隊RubberBand鼓手泥鯭(黎萬華)原來人不到卻mon住電視,當天連環出po疑似嘲諷MIRROR及各成員。昨天(10日)晚上,RubberBand在IG發文道歉,連女友黃心穎都無辜中槍!雙方粉絲駁火愈見激烈。

盧覓雪 泥鯭 泥鯭 rubberband Chill Club 奪銀獎的姜濤亦在台上逐一感謝MIRROR 11位成員。
奪銀獎的姜濤亦在台上逐一感謝MIRROR 11位成員。(圖片來源:ViuTV截圖)

RubberBand發文致歉

事件不足3日,RubberBand昨晚(10日)就事件發道歉聲明。

「對於隊友近日失言而引起的風波,我們感到非常抱歉。經過隊友間反覆討論,今次事件確實得到一場反思,在仍然堅信社會應要存在自由的言論空間的同時,我們亦深明表達手法、尊重不同聲音的重要性。對於是次事件引起之擾攘爭持,還有浪費了公共媒體資源,我們希望藉此向各受牽連單位及人士致歉。」

盧覓雪 泥鯭 姜濤 泥鯭 RubberBand在IG發文道歉
RubberBand在IG發文道歉(圖片來源:IG@RubberBand)

鏡粉戰火殺至盧覓雪

估唔到事件再有最新發展!盧覓雪今早(11日)在商台節目《在晴朗的一天出發》中表達感受,但沒有開任何人名︰「我見到另一團人去道歉,做乜嘢呀,個世界係咪一定要咁樣㗎?點解呀?批評唔可以接受嘅﹗我最鍾意批評人,日日都有批評人,咁即係點呀,日日都要道歉呀?要話以下不代表商台立場,係咪啊?黐線﹗我睇到火都嚟﹗我學嗰啲人囉,我學啲惡形惡相、網上欺凌嗰啲呀。其實我唔係佢哋歌迷,不過我都睇唔過眼,真係要出聲囉﹗都係咁樣認為囉,係咪呀,批評一個人,每個人都有佢嘅言論自由﹗」

盧覓雪 泥鯭 盧覓雪認為每個人都有佢嘅言論自由。
盧覓雪認為每個人都有佢嘅言論自由。(圖片來源:FB@叱咤903 在晴朗的一天出發)

盧覓雪:人多就聲大,聲大就夠惡

有主持認為而家嘅道歉同以前已經唔同。盧覓雪再補充︰「有啲道歉係『我怕咗你囉,我同你道歉囉』,即係息事寧人,費事煩落去,有手尾跟。其實有啲嘢與我無關,一個人批評一個人,我純粹係側邊見到佢批評佢,但係因為你批評一個人而遭受到一村人、一群人圍攻。你做乜批評佢呀?咁我覺得呢個現象不可取﹗人多就聲大,聲大就夠惡,係咪呀?個時代變遷咗,我明白,但係我哋呢啲老派人,睇嘢有自己嘅一套標準。我年紀大了,我愈見到呢啲嘢愈刺眼,就愈唔舒服,覺得點解要咁樣呢?我真係唔化㗎,化咗我可以肯定唔會再坐喺度﹗」

盧覓雪 泥鯭 盧覓雪今日開咪亦有提到近日道歉事件。
盧覓雪今日開咪亦有提到近日道歉事件。(圖片來源:FB@叱咤903 在晴朗的一天出發)

節目播出後,不少網民轉到另一戰場《晴朗》facebook專頁留言,留言數量更以海量式倍增!對於盧覓雪此言論,有網民不認同,表示泥鯭不是批評,而是含有粗口的人身攻擊,「不如用粗口問候下雪雪」、「可以批評但不要用粗口人身攻擊」、「嗰啲言詞擺明係欺凌,點會變咗係幽默感???」、「批評可以,但侮辱及人身攻擊都吾支持,最慘其他兩個主持都認同…」等。

盧覓雪 泥鯭
(圖片來源:網絡截圖 )
盧覓雪 泥鯭
(圖片來源:網絡截圖 )
盧覓雪 泥鯭
(圖片來源:網絡截圖 )
盧覓雪 泥鯭
(圖片來源:網絡截圖 )

Ben Sir隔空抽水:日日都見到人道歉

另一方面,Ben Sir(歐陽偉豪)在社交平台發文表示「社會真係死氣沉沉,日日都見到人道歉。仲要同自己粉絲道歉。你喺街Hi我,我都未必啋你,仲要同你道歉?星嚟㗎?」文章中同樣冇開名,但網友猜測與近日泥鯭批評姜濤有關。

盧覓雪 泥鯭 Ben Sir都忍唔住講幾句!明就明啦!
Ben Sir都忍唔住講幾句!明就明啦!(圖片來源:FB@歐陽偉豪)

泥鯭疑寸姜濤:修哥都講唔出啦!

當晚泥鯭連環出po,「多謝說話定係「鼓勵」說話?!WTX?!係咪short X咗?!修哥都講唔出啦」,「嘩,頒唔尷尬,攞唔尷尬,唯有睇嘅尷尬」、「又一個大台誕生」、「依家諗返當年亞太區最受歡迎男歌手真係’”實至名歸”」、「下屆叱咜司儀會點玩呢段感言?」。泥鯭連環出po疑似暗寸大會偏私MIRROR,疑似寸爆姜濤獲男歌手銀獎時的感言,又疑似嘲諷男歌手金獎Anson Lo,狠批「又一個大台誕生」, 「歌迷會夾份請個寫手同看護畀佢啦」、「建議先做言語治療」,泥鯭再抵死留言:「我想喺度嘥大家小小時間,我要借呢個機會去多謝我隊友」。

盧覓雪 泥鯭 泥鯭 rubberband 泥鯭 姜濤當晚表演環節,掀起全場氣氛,更獲讚修身成功。
姜濤當晚表演環節,掀起全場氣氛,更獲讚修身成功。(圖片來源:影片截圖)
盧覓雪 泥鯭 泥鯭 rubberband 泥鯭 姜濤上台講感言時,隊友們十分驚喜,反應各異!
姜濤上台講感言時,隊友們十分驚喜,反應各異!(圖片來源:大會提供)

連環出po狂寸

盧覓雪 泥鯭 姜濤 泥鯭 rubberband 泥鯭
(圖片來源:FB@MW Lai)

網民起罵戰:留言同揀女人一樣無腦

泥鯭的社交網突然變得很熱鬧,有網民洗版為MIRROR護航,「身為前輩講呢啲,抵你無運行」、「你哋以為自己喺樂壇大哥?無品!」、「留言同揀女人一樣無腦,要黃心穎」。

盧覓雪 泥鯭 姜濤 泥鯭 rubberband 黃心穎 泥鯭 黃心穎似乎收起副「姣婆格」,從良做好女友…
黃心穎亦中槍。(圖片來源:IG@jacquelinebwong)

網民再指:「雖然你哋一把年紀,不過仲有時間努力嘅,唔好再妒忌人啦」。泥鯭粉絲起罵戰:「唔啱睇就過主,做乜要去人哋FB度吠?」、該網民反擊:「就因為你無品到隔離都知,擾民!」泥鯭粉絲即反駁:「講擾民真係無人及你哋班姜嬸,塞住個銅鑼灣搞亂交通」,該網民再回罵:「咁呢啲控制唔到,得人心藝人先可以有咁嘅場面,真係前無古人」,泥鯭粉絲炮轟:「你死返去MIRROR嗰邊求存在感啦!你哋鍾意喺紅館點玩都得,但唔好搞亂銅鑼灣囉!」

盧覓雪 泥鯭 姜濤 泥鯭 rubberband 泥鯭 泥鯭女友黃心穎早前隨RubberBand到英國、德國做巡迴演唱會!
泥鯭女友黃心穎早前隨RubberBand到英國、德國做巡迴演唱會!(圖片來源:FB@MW Lai)
盧覓雪 泥鯭 姜濤 泥鯭 rubberband 泥鯭 鼓手泥鯭!
鼓手泥鯭!(圖片來源:FB@MW Lai)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:ViuTV截圖、IG@RubberBand、FB@叱咤903 在晴朗的一天出發、FB@歐陽偉豪