真係唔好笑

曾志偉疑因《真係唔好笑》效果差抽起唔播 逾千萬製作費隨時化為烏有

最新娛聞

廣告

「食腦三子」何廣沛、方紹聰及郭子豪在去年開設YouTube Channel「食腦BrainStorming」,近日無綫內部傳出半年前獲公司科水千萬,開拍新節目《真係唔好笑》,不過曾志偉看畢節目後有感「真係唔好笑」,欲抽起不播,千萬製作費恐怕倒水落海。

《真係唔好笑》「食腦三子」當成TVB「試當真」

由何廣沛、方紹聰(奶仔)及郭子豪在2021年4月創立的YouTube Channel「食腦BrainStorming」,發展不算快,開台一年,訂閱人數未夠6,000人,目前片量100條左右,至於View數平均為10,000左右。有指無綫有感三子用心經營,覺得其Channel「有得做」,可以力捧成為「TVB試當真」。

真係唔好笑 曾志偉 何廣沛、方紹聰奶仔)及郭子豪在去年創立YouTube channel「食腦BrainStorming」。
何廣沛、方紹聰(奶仔)及郭子豪在去年創立YouTube channel「食腦BrainStorming」。(圖片來源:網上截圖)
真係唔好笑 曾志偉 訂閱人數未夠6,000人,目前片量100條左右
訂閱人數未夠6,000人,目前片量100條左右(圖片來源:網上截圖)
真係唔好笑 曾志偉 其學習目標「試當真」,訂閱人數超過40萬,三子看來要努力。
其學習目標「試當真」,訂閱人數超過40萬,三子看來要努力。(圖片來源:網上截圖)
真係唔好笑 曾志偉 「試當真」由游學修主理,早前魷魚遊戲大熱,製作團隊大玩「墨魚遊戲」,製作十分認真,短片點擊率達150萬。
「試當真」由游學修主理,早前魷魚遊戲大熱,製作團隊大玩「墨魚遊戲」,製作十分認真,短片點擊率達150萬。(圖片來源:網上截圖)

《真係唔好笑》曾志偉科水千萬拍港版Running Man

曾志偉入主無綫做高層主理綜藝,銳意發展綜藝節目,最近內部傳出半年前,食腦三子獲公司科水過千萬,拍攝新節目《真係唔好笑》,以打造港版《Running Man》為目標,以每集一百萬成本計算,13集的節目花費高達1300萬的製作成本,每次出動近50名工作人員,除了食腦三子做主持,藝人麥美恩、馮盈盈、彭慧中及羅毓儀也是主持之一,50人的拍攝團隊,比起台慶更大陣仗!

真係唔好笑 有指曾志偉決定科水比食腦三子,打造港版Running Man。
有指曾志偉決定科水比食腦三子,打造港版Running Man。(圖片來源:新傳媒資料庫)

《真係唔好笑》變「真係唔好笑」 傳曾志偉下令抽起

有傳總經理曾志偉看畢《真係唔好笑》首集,覺得「真係唔好笑」,令節目播出無期,千萬製作費隨時「倒落海」!不過奶仔回應時就表示無聽過相關傳聞,更表示相當期待節目播出。

真係唔好笑 曾志偉 奶仔中)表示無聽過相關傳聞,更表示相當期待節目播出。
奶仔(中)表示無聽過相關傳聞,更表示相當期待節目播出。(圖片來源:網上截圖)

傳何廣沛製作人上身 惹麥美恩不滿

有傳被無綫高層視為「TVB試當真」之一的何廣沛在拍攝時製作人上身,擔當指揮角色,又要求製作組拍攝三子「吹水」的片段,不過效果未如理想,唔好笑又悶,阻礙到真正拍攝,惹來主持人之一的麥美恩不滿,更開咪爆Seed叫先拍攝遊戲部分,而何廣沛則「懶懶閒」沒有理會對方建議。

真係唔好笑 曾志偉 有指麥美恩對何廣沛製作人上身感到不滿。
有指麥美恩對何廣沛製作人上身感到不滿。(圖片來源:麥美恩IG)

網民:呢個傳聞可能好笑過個節目

好多網民都表示唔睇好TVB的綜藝節目,認為TVB仍保留一貫「老土特色」,「其實我唔明點解CCTVB做親咩綜藝節目,班人都一定要尖叫大嗌?煩到死!」「連個節目名都好老土」、「TBB咁多錢燒」「呢3條友算數啦,真係以為自己好好笑咩」「最好笑係曾志偉睇完覺得唔好笑」「呢段新聞最好笑」同埋網民認為Running man本來都已經係好多年前的節目,而家先學人拍太遲。

曾志偉 真係唔好笑
(圖片來源:LIHKG討論區)

何廣沛稱未來重心放在Channel 可能唔做幕前?

日前何廣沛接受鄭裕玲(Do姐)的電台節目《口水多過浪花》訪問時表示,未來的重心會放在YouTube:「未來可能重心擺多啲喺YouTube Channel,因為呢個真係新嘅嘗試。當經營一個新嘅公司,我哋係一個老闆仔,希望呢間公司係可以長久,除咗拍片外,我哋都會將個Channel變成一半係Production House去接其他嘅工種,可能有朝一早我就唔再做幕前,專注做幕後!」

真係唔好笑 曾志偉 何廣沛上903接受Do姐訪問,坦言未來可能重心會在經營Channel上。
何廣沛上903接受Do姐訪問,坦言未來可能重心會在經營Channel上。(圖片來源:網上圖片)

常見問題

新節目《真係唔好笑》會由誰來主持?

去年何廣沛、方紹聰(奶仔)及郭子豪創立的「食腦BrainStorming」引起公司注意,覺得可以力捧為⋯⋯詳情請看

新節目《真係唔好笑》花費多少?

有指新節目每集一百萬成本計算,而13集節目花費高達千萬成本,有指想以打造港版⋯⋯詳情請看

撰文:東方新地圖片來源:新傳媒資料庫、IG圖片

讀者留言