社內相親記者會|Edan呂爵安盧瀚霆《大叔的愛》後再度合作 大爆劇中親熱戲
社內相親記者會|「登神CP」緣分無法擋
呂爵安和盧瀚霆是繼《大叔的愛》後再次在劇集上合作,此前二人在劇集組成的「登神CP」更深受觀眾喜愛!今日二人於活動上再展示超強緣分,在抽紅線組隊玩遊戲時,「登神CP」齊齊抽到同一條紅線,令不少粉絲表示想起了《大叔的愛》!
![社內相親 陳漢娜 社內相親 呂爵安 「登神CP」在遊戲中抽到同一條紅線。](https://imgs.orientalsunday.hk/wp-content/uploads/2023/11/whatsapp-image-2023-11-07-at-18.40.29_28420081654a14296cd56.jpeg)
社內相親記者會|親熱戲份唔敢同屋企人睇
劇中有大量親熱鏡頭,Anson Lo表示爸爸是盲粉,他做什麼都會睇,但媽媽就會感到不自在:「我媽一到嗰啲會即刻搵啲其他嘢做,去洗下碗呀,拎下嘢飲呀,我都估到佢一定避開嗰啲位睇。」而Edan則表示自己唔會同妹妹「小如豬」一齊睇,因為怕到時候會dead air,引得在旁的Anson Lo笑個不停!
![社內相親 陳漢娜 社內相親 呂爵安 原版《社內相親》有好多親熱戲。](https://imgs.orientalsunday.hk/wp-content/uploads/2023/11/-2023-11-08-11.30.04_14509751654b00ee3d2ae-1024x569.png)
社內相親記者會|床戲互相監場 拍到好似馬戲團
觀眾對劇集最好奇的部分,當然莫過於港版在親熱部分的還原度,Edan即爆Anson Lo露好多︰「佢唔拍邊有得睇佢露咁多!好多,好多!」2人原來同一日拍床戲,而且更出動到2張King size床︰「我秘書嚟㗎,我要睇住總裁!佢拍先!(你咪向佢取經?)係呀!我梗係勁過佢呀!我各方面都勁過佢!」搞到Anson Lo聽完之後勁尷尬,更笑到咳兼彎晒腰!
![社內相親 陳漢娜 社內相親 呂爵安 大叔的愛](https://imgs.orientalsunday.hk/wp-content/uploads/2021/07/32_130452097160dbe55d65d3a_195323291560ed280e56f67.jpeg)
社內相親記者會|唔擔心收視 順其自然就夠
上一次Edan和Anson Lo的《大叔的愛》取得十分好的成績,因此這次二人再擔正做主角亦令大家關注收視的部分。而對於收視的問題,Edan大方表示順其自然,因為他們仍未睇最後剪輯,因此也十分好奇最終的成品。
![社內相親 陳漢娜 社內相親 呂爵安 Edan表示不擔心收視,一切順其自然。](https://imgs.orientalsunday.hk/wp-content/uploads/2023/11/-2023-11-07-6.45.01_2056890056654a153e221a0-730x1024.png)
社內相親記者會|陳漢娜笑稱劇集播出街要請保鑣
陳漢娜(Hanna)在劇中飾演「孫賀利」,與Anson Lo飾演的「姜泰武」是一對。對於與人氣超高的Anson Lo有十分多對手戲,Hanna搞笑表示劇集播出街後要請更多保鑣,而Shirley則搞笑附和希望大家手下留情。
![社內相親 呂爵安 社內相親 陳漢娜 陳漢娜在劇中代替沈殷怡去相親。](https://imgs.weekendhk.com/wp-content/uploads/2023/11/-2023-11-08-11.43.52_1485547462654b04904cd95.png)
社內相親記者會|沈殷怡超愛韓版 擔心演技未夠班
沈殷怡(Shirley)在劇集中飾演「陳映書」,與Edan飾演的「章成勳」是一對,她表示十分感激Edan非常有耐心帶自己入戲,當遇到戲劇上的問題時又會幫自己解決,二人在拍攝時的氣氛亦不算緊張。Shirley更透露自己是韓版《社內相親》的fans,因此在得知自己有份參演時除了興奮,也非常擔心自己的演技,又表示希望能做到突破,令大家喜歡這部作品。
![社內相親 呂爵安 社內相親 陳漢娜 沈殷怡在劇集中飾演陳映書一角。](https://imgs.weekendhk.com/wp-content/uploads/2023/11/-2023-11-08-11.43.20_1730725925654b04847e743-1024x646.png)
https://youtu.be/6A9_lqxAoI8?feature=shared