索星二代 苗僑偉女任港姐攝影師
今年港姐話題多多，除了與復辦港男合二為一，合併競選並於8月底舉行！而早前大熱門Maggie冇得留低最後廿強，令人嘩然！另外，為谷收視，TVB更搵來苗僑偉與戚美珍的索爆大女25歲苗彤，以隨團外景攝影師身份，齊齊到日本與一眾佳麗拍外景，絕對係今屆港姐一大亮點！
其他文章︰
被雙親遺棄 張頴康眼濕濕講孤苦童年
大熱Pokemon GO 5招遊戲攻略全面睇
攝影發燒友
苗彤盡得母親戚美珍優良遺傳，樣靚身材正！而佢經常毫不吝嗇於IG晒噴血泳照、家庭照及snapshot，雖然苗彤早年多次被傳會參選港姐，不過大學畢業後，修讀藝術嘅佢早已醉心攝影工作，表明冇意透過參選港姐入圈！
冇諗過選美
三嫂表示一直都支持女兒攝影工作：「佢本身意願唔係選港姐，聽到個提議就話：『唔好啩？我唔鍾意囉！』佢真係冇諗過選美，但一直對藝術好有興趣。」至於今次為港姐任攝影師，三嫂說：「知TVB有咁嘅計劃，個女有同我講，佢都好有興趣，又鍾意影相，好支持佢做呢個工作。」
開攝影工作室
修讀藝術嘅苗彤大學畢業後，與幾位志同道合嘅同學開小型攝影工作室，而苗彤最擅長人像攝影，捕捉人與人感情交流，TVB方面認為苗彤雖然冇意選港姐，但攝影方面好有天分，於是今次邀請佢任御用攝影師。
