王君馨

索爆姊妹團相伴 王君馨 Daniel 補擺婚宴咀不停

最新娛聞

廣告

王君馨 與拍拖多年的圈外男友Daniel早前在美國紐約舉行婚禮,榮升章太,今日兩人於美國會補辦婚宴,靚靚新娘子君馨着上型格性感的婚紗,大晒美腿,喺一班圈中好姊妹岑麗香、鍾嘉欣、苟芸慧、李亞男等陪同下亮相,來賓亦是星光熠熠。席間君馨當然唔少得同老公仔咀嘴過不停,場面甜蜜又溫馨,再次恭喜君馨與Daniel!

王君馨 Daniel 上月紐約成婚

31歲的 王君馨 與男友Daniel拍拖11年多,兩人上月13日在美國紐約舉行婚禮,當日一對新人跟足中國傳統,斟茶俾雙方父母;另外圈中好姊妹鍾嘉欣、李亞男、衛蘭及裕美等專程飛往參加,絕對係索爆姊妹團啊!君馨整個婚禮過程非常溫馨,唔少嘉賓事後都表示感動落淚,而一對新人當然當然既感動又開心。最後佢更高呼自己榮升人妻:「拍拖11年11個月14日的日子已經過去,終於今日我係章太啦!」

7.11美國會補辦婚宴

今日 王君馨 與Daniel於美國會補辦婚宴,場地佈置以紫色為主,門口則擺放兩人的甜蜜合照。君馨着上白色魚尾裙婚紗,大騷長腿,性感得來又型格,十分切合君馨的形象!兩人當然少不了在眾賓客前多番咀嘴,搞到一班姊妹起哄大叫「So sweet!」君馨又稱老公為人怕醜,不過今日面對咁多人的表現合格,抵錫!

兩、三年後再造人

未知兩公婆的造人大計如何?君馨就話大家已經有共識,婚後會享受兩、三年二人世界,之後先會開始造人計劃!

索爆姊妹團壓陣

君馨大婚,好姊妹鍾嘉欣擔任伴娘,另外姊妹團成員就有岑麗香、苟芸慧、李亞男、裕美等。嘉欣媽媽表示有帶女兒Kelly回港,不過由於婚禮人太多所以未帶佢同行。嘉欣同時稱兩年冇拍劇好身痕,依家正係洽談中!另外今日着上低胸裙靚到爆的香香,就話送咗一套性感睡衣俾新娘!

現場嘉賓星光熠熠

陳凱琳

唐詩詠

劉佩玥

姚子羚、黃智雯

王祖藍、李亞男

黎諾懿夫婦

陳美詩、孫耀威夫婦

莊思敏

李施嬅

伍允龍

黃百鳴

馬浚偉

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!