女神配對計劃第3集 ｜細John姜卓文扮姜大衞氹關嘉敏 約會竟出師不利！
細John一個舉動盡顯暖男細心一面
話說一心諗住著到靚一靚、以最佳姿態與心儀參賽者細John深入了解的Carman，Fine Dining一開始已儀態盡失！選了牛肉他他作前菜的Carman，未知是否因要與細John交流太過緊張，竟然一嚟就將一大pat他他跌在枱布上！為免女神太過尷尬，三位男士各出奇謀安撫，當中細John除說了一句：「睇唔到睇唔到，幫你遮住」為Carman擊退尷尬，還Man爆地幫Carman清理「被沾污」的枱面，暖男指數100分！
女神配對計劃｜30歲姜卓文chok爆出鏡竟獲封少年版劉洋 重溫入行6年顏值進化史
女神配對計劃｜姜大衛30歲仔登場曬Rap功力 型爆上陣竟向目標女神李芷晴派檸檬
細John直線示意對Carman有好感
除了細心夠轉數，細John打開話題的能力亦相當高，當獲得與Carman面對面對話機會後，細John即乘勢重提二人當日首次見面時細節，並直球表示當時對Carman其實有好感，只是礙於一個原因令他不敢邁向Carman多一步，到底是甚麼原因呢？
姜卓文扮姜大衞一秒氹女神爆笑
另一搞笑位是，雖然細John與Carman面對面了解機會不多，但二人竟光速地聊到「你做我女朋友會唔會緊張」及「見家長」等問題，佻皮的細John更主動提議要扮演見家長中的John哥（姜大衞），結果成功令Carman一秒爆笑。到底John哥私底下係一個點嘅人呢？健談坦白的細John，還自揭全家都是瘦底：
「我阿爸同我一樣大嘅時候，佢係120磅，佢嗰時成日跳彈床，武打嗰啲，所以佢一日嘅運動量係超高。」
製作組為女神度身訂造「三角枱約會」關卡
由於每組的「三角枱約會」都是專誠為五位女神度身訂造，故此Carman三個回合的過關條件與葉蒨文略有不同，本集曝光了其中一個Carman專屬的「搞笑」考驗，三位參賽者需要各自說一個爛Gag氹Carman開心，氹得Carman最開心者便可勝出。
細John賽前已被睇高幾線
由於細John賽前已被睇高幾線，Matthew及Andy自然各施各法迎戰這名「最強對手」！Matthew採取全程𥄫到實策略之餘，又與GM一樣盡量爭取機會搭嗲及發言；至於Andy，除了一嚟就送了一本印有「寧可一個人，也不將就」標題的書籍取悅Carman，還全程「以退為進」令Carman意外跌入「唔揀Andy唔得」的困局！想知三位男參賽者有幾高質兼幾高招？密切留意明晚播出的第三集《女神配對計劃》。
