網民嚴選

網民嚴選10大最Nice藝人!周潤發最親民 徐濠縈黑口黑面都榜上有名

最新娛聞

廣告

前幾日就有網民開Post討論最冇禮貌藝人,在網上引起巨大迴響,對某些大明星極度失望。不過圈中依然不乏有禮貌又好人嘅藝人,早前就有網民討論大家接觸過最Nice嘅藝人,除咗出名Nice嘅藝人如黃德斌、周潤發有上榜之餘,就連經常黑口黑面示人嘅徐濠縈都榜上有名!

網民嚴選10大最Nice藝人

10. 黃德斌做Gym睇得出人品

近年憑《大叔的愛》搖身一變成為癡情可愛大叔嘅黃德斌獲網民大讚有禮貌,除咗會親切提網民過馬路唔好玩電話之外,仲有網民話從佢做Gym就睇得出佢人品好:「佢好好,佢係我喺gym第一個遇到用完每部機都會抹左先行開嘅人」。

網民嚴選 憑《大叔的愛》搖身一變成為癡情可愛大叔嘅黃德斌獲網民大讚有禮貌。
憑《大叔的愛》搖身一變成為癡情可愛大叔嘅黃德斌獲網民大讚有禮貌。(圖片來源:《大叔的愛》截圖)
網民嚴選
(圖片來源:網民留言截圖)
網民嚴選
(圖片來源:網民留言截圖)

9. 尹光有台風冇架子

近排因為「AI尹光」而成為網民新寵兒嘅尹光,有網民話多年前曾經睇過尹光演出,大讚佢有台風又冇架子:「讀U嗰陣,有次千人宴佢嚟咗唱歌,有台風、冇架子之餘,仲叫我地唔好吸毒」。

網民嚴選 近日憑「AI尹光」人氣爆燈嘅尹光都獲網民大讚冇架子。
近日憑「AI尹光」人氣爆燈嘅尹光都獲網民大讚冇架子。(圖片來源:Facebook@尹光)
網民嚴選
(圖片來源:網民留言截圖)

8. 孫佳君買鞋畀路人

出身新加坡的孫佳君在95年憑演出周星馳電影《百變星君》走紅,一躍成為香港90年代性感女星代表,但02年被羅兆輝公開濕吻照後形象一直麻麻。不過就有網民分享孫佳君曾經喺自己高踭鞋斷踭時出手幫忙,仲買一對新鞋送畀自己,唔少網民都表示對孫佳君改觀。

網民嚴選 當年憑《百變星君》走紅嘅孫佳君曾經因濕吻照事件形象麻麻,網民都好驚訝原來佢真人咁好人。
當年憑《百變星君》走紅嘅孫佳君曾經因濕吻照事件形象麻麻,網民都好驚訝原來佢真人咁好人。(圖片來源:《百變星君》截圖)
網民嚴選
(圖片來源:網民留言截圖)
網民嚴選
(圖片來源:網民留言截圖)

7. 徐濠縈經常黑口黑面都上榜

平時黑口黑面,一副生人勿近咁款嘅徐濠縈都竟然榜上有名。有網民表示雖然徐濠縈經常黑口黑面,但其實好好人,仲話佢唔會為賺錢而呃粉絲錢:「唔好睇佢唔笑成日黑面咁,果時中二去佢搞嘅賣二手名星衫嘅店,有班sammi fans(都係中學生)想買sammi 衫,佢勸佢地唔好買(不是睇唔起嘅態度,而係叫佢地留番D錢),因為真係好貴」、「 佢唔會為左賺錢而(略)D fans水,我覺得佢真心搞時裝,知道班fans想買佢都唔想佢地哂錢」。

網民嚴選 雖然徐濠縈經常黑口黑面,但網民話其實佢好好人。
雖然徐濠縈經常黑口黑面,但網民話其實佢好好人。(圖片來源:IG@hilaryxtsui)
網民嚴選
(圖片來源:網民留言截圖)

6. 陳慧琳勁Nice冇架子

陳慧琳人品好又Nice都唔係新鮮事,唔少網民都分享自己親身經歷嘅事例,大讚Kelly夠親民又冇架子:「係cwb(銅鑼灣)撞過佢,佢係商廈落黎同助手一齊,行過啲人望住佢,佢主動同路人say hello」、「陳慧琳仲要係好風趣,識得講吓笑。係完全冇諗過一個咁嘅當紅藝人佢會主動講笑咁幽默,當時仲要係2000年頭,剛剛佢最火紅嗰個狀態。」等。

網民嚴選 陳慧琳 陳慧琳表示準備在5月底出全新風格的新歌,並且最快會於明年入紙紅館。
陳慧琳一向都冇架子又親民!(圖片來源:東方新地)
網民嚴選
(圖片來源:網民留言截圖)
網民嚴選
(圖片來源:網民留言截圖)

5. 黃家駒有耐性最錫Fans

唔少網民都表示家駒生前超Nice又錫歌迷,仲話能夠從家駒的作品紅睇得出佢人品好:「家駒簽完名想遞返本薄俾我果時,因當時太多人,我被人群迫到移咗位, 但家駒好有耐性和親切咁,在人海中碌大雙眼誓要搵返我」、「出生草根,白田邨成長,受過人氣,磨練中成長,待人處事,家駒受歡迎係有理由的」。

網民嚴選 BEYOND四子都好親民,網民就話家駒生前係四子中最Nice。
BEYOND四子都好親民,網民就話家駒生前係四子中最Nice。(圖片來源:Facebook@黃家強)
網民嚴選
(圖片來源:網民留言截圖)
網民嚴選
(圖片來源:網民留言截圖)

4. 羅蘭被公認最有禮

羅蘭畀人形象一直正面親民,今次多位網民都有留言分享羅蘭姐嘅親民事跡:「見過好多次佢係公司出面個巴士站等巴士,我有叫下佢,同佢say hi,佢又好有禮貌咁同我微笑點頭,之後上車前仲同我揮手拜拜」、「同佢一齊做嘢,客客氣氣,完全冇大明星架子。仲同我傾偈」、「我都撞過佢,佢講野真係好溫文爾雅,好有修養」。

網民嚴選 羅蘭姐同胡楓都有唔少網民大讚兩位老人家夠曬Nice。
羅蘭姐同胡楓都有唔少網民大讚兩位老人家夠曬Nice。(圖片來源:TVB娛樂新聞台)
網民嚴選
(圖片來源:網民留言截圖)
網民嚴選
(圖片來源:網民留言截圖)

3. 任賢齊主動打招呼仲超好笑容

唔少網民都指曾經去台灣旅行時曾經偶遇過台灣好好先生任賢齊,仲話對方會主動打招呼,又有禮貌,對孕婦都特別Nice:「任賢齊係會主動同人打招呼」、「任賢齊真係好nice,廿年前同屋企人去台灣玩跟團, 佢應該係拍緊綜藝,見到大家有say hi,仲要講廣東話, 好深印象呀」、「果時同我懷孕的太太住喺台灣,喺餐廳度撞到佢,佢完全無架子,輕輕咁掂一下我太太個肚(有禮貌地),仲好開心咁恭喜我同太太添」。

網民嚴選 有唔少網民去台灣旅行時都偶遇過台灣好好先生任賢齊,話佢有禮貌,平時仲會主動打招呼。
有唔少網民去台灣旅行時都偶遇過台灣好好先生任賢齊,話佢有禮貌,平時仲會主動打招呼。(圖片來源:微博@任賢齊)
網民嚴選
(圖片來源:網民留言截圖)

2. 陳豪獲讚高大又有風度

當年曾經係萬眾香港女生夢中情人嘅陳豪當然都榜上有名,多位網民都話曾經喺街上偶遇陳豪,對方除咗會主動打招呼之外,對網民合照嘅要求絕無托手掙,相反太太陳茵媺就經常黑面,兩人落差甚大:「 以前去美食節見過佢,見佢拍緊咖啡廣告,拍完離開迎面經過見到我,我點頭同佢微笑,佢都一樣點頭微笑回復。」、「陳豪,中學時期係超市見過佢,好大方同我地影相」、「陳豪。當年住同一個屋苑,經常撞到佢佢見到人都經常打招呼」等。

網民嚴選 網民都大讚陳豪平時都好有禮貌,但太太陳茵媺就經常黑面。
網民都大讚陳豪平時都好有禮貌,但太太陳茵媺就經常黑面。(圖片來源:IG@aimeechan_official)
網民嚴選
(圖片來源:網民留言截圖)
網民嚴選
(圖片來源:網民留言截圖)
網民嚴選
(圖片來源:網民留言截圖)

1. 周潤發對市民要求有求必應

要數香港演藝圈最親民嘅明星就一定係周潤發發哥,網民都話每次見到發哥,對方都一定超好笑容,粉絲們上前要求合照或攞簽名都有求必應,榜首之位絕對當之無愧:「十幾年前見到佢同太太坐地鐵,好多fans埋去同佢影相攞簽名,佢有求必應」、發哥真係完全無架子。熄機後就可以和其他幕後職員有講有笑。」、「發哥…超級超級好….試過全家在佐敦街頭遇見,當時佢揸機影完相之後望一望,然後佢話呢張影唔到你個仔喎,再影過」、「發哥啦,我十歲個陣海灘見到佢,真係同見到一個老街坊無分別 談吐貼地,零架子」。

網民嚴選 出名親民嘅發哥榮登榜首!
出名親民嘅發哥榮登榜首!(圖片來源:Youtube@The Do Show)
網民嚴選
(圖片來源:網民留言截圖)
網民嚴選
(圖片來源:網民留言截圖)
網民嚴選
(圖片來源:網民留言截圖)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:《大叔的愛》截圖、Facebook@尹光、《百變星君》截圖、IG@hilaryxtsui、Facebook@黃家強、TVB娛樂新聞台、Youtube@The Do Show、IG@aimeechan_official、微博@任賢齊