鄭子誠

網民:靚仔過劉德華! 今次真係無陰謀!鄭子誠化身「生態情人」獲網友激讚 

最新娛聞

廣告

一聽到鄭子誠個名,心就寒一寒,一定有陰謀!咪住先!佢今次唔係做「完美奸人」,亦都唔係「音樂情人」,而係化身「生態情人」,為漁護署嘅短片《大自然的情歌》配上旁白,介紹香港嘅生物多樣性,提醒大家「千祈唔好遺忘香港咁美好嘅大自然」,呢條片出街之後,網民反應熱烈,個個都話完勝早幾日劉德華聲嗰條支持填海嘅影片,甚至有人高呼:「鄭子誠靚仔過劉德華!」

撰文:娛聞樂 |圖片:網絡影片截圖 |編輯:東方新地

鄭子誠化身「生態情人」獲網友激讚

都市嘅繁囂、急速嘅步伐,會令我哋錯過咗身邊美好嘅事物——大自然。

我係鄭子誠,你可以叫我做「生態情人」。

影片除咗有鄭子誠把感性靚聲呼籲大家多啲留意香港嘅大自然之外,仲有好多壯觀嘅自然景象。

呢個咁震憾嘅千鳥畫面,的確會喺香港出現!

香港有山有水,山巒、海洋、河流、叢林、濕地,形成豐富嘅生物多樣性。

大自然嘅每種生物都喺度爭妍鬥麗!

「或者當你偶然停下腳步,就會發現,原來大自然一直都係身邊。」

「重塑與自然的關係」佢講咗咁耐,其實並冇乜嘢陰謀,只係想提醒大家「千祈唔好遺忘香港咁美好嘅大自然」!

網民一致「正皮」鄭子誠!

「鄭子誠靚仔過劉德華!」

睇片

劉德華撐填海起人工島被鬧爆

相信好多人都知,藝人劉德華應「團結香港基金」邀請,幫佢哋其中一條片做旁白。但呢條片一出,就被好多網民同環保人士出嚟鬧爆。究竟發生咩事?

「團結香港基金」呢幾日就出咗「支持興建東大嶼人工島」嘅片,仲成功搵到劉德華做旁白。但好多網民都唔受佢呢套!

劉德華喺片段中表示,近年外面嘅世界越行越快,香港發展就停滯不前。

香港市民日日面對上不到車、租不起樓、上班迫放假更迫等嘅N個問題。

佢認為,只有香港出現一大片全新土地,去興建公營房屋及設施,就可以解決咗好多難題。

而片中仲講到,佢自己覺得東大嶼大規模人工島方案,看來比較可取。

仲話世上冇百分百完美的方案,「取捨係難免嘅」「你想下一代見到一個點樣嘅香港」。

但呢條片一出,就受到好多市民圍攻。先睇吓YouTube啲人點講。

真係負評多到Cap唔晒。

MolaMola!

有網民話,人工島方案完成咗,我哋嘅生活就會好似呢條片咁。去片!

睇埋劉華條片啦!

講完劉華支持填海,就講返環保組織「綠色和平」先!事關佢哋早前先出咗首歌,仲好Hit!

中、小學生唱《燕尾蝶》呼籲環保 網民超like:聽到我起晒雞皮

早排環保組織「綠色和平」先喺在Facebook上載了一段影片,記錄了一群中、小學生在郊野公園唱出《燕尾蝶》,學生們真誠、清澈的聲音大受好評,就連原曲作詞人黃偉文都留言:「我等了16年,終於等到這首真正被當成環保歌用的一天。」

寸土寸金的香港,都市人近年為了增加土地供應,不惜「摘去鮮花」,更有指會將郊野公園變為高樓大廈。環保組織「綠色和平」就郊野公園保育問題推出了一個《燕尾蝶》的MV,由一群香港的中、小學生演唱,他們去了香港不同的郊野公園,用歌詞唱出心聲:「這地球,若果有樂園,會像這般嗎?」。

影片獲得網民高重關注,至今已超過621萬人次觀看,網民除了大讚MV拍得非常有誠意外,更指「好聽到起雞皮」;而《燕尾蝶》的作詞人黃偉文都忍不住轉載,並留言:「我等了16年,終於等到這首真正被當做環保歌用的一天。」