a49eafe1-32c8-4705-ac63-8fc579bcb0f6

練美娟還原無綫女星姣錫當紅人夫事件 自爆失身年齡再爆Edan癖好

最新娛聞

娟姐練美娟自《大叔的愛》後人起急升,工作量倍增,近日主持《神的女主角》幫盧瀚霆Anson Lo搵MV女主角,頻頻與MIRROR成員合作的娟姐近日接受訪問時大爆Edan呂爵安癖好,直指對方好鹹濕﹗姐姐愈講愈爆指曾目擊女星姣錫TVB人夫,一個訪問滿足不同花生友願望﹗

文:東方新地|圖:《月傾會》圖片及截圖、[email protected] linkuen13
娟姐練美娟接受網上平台《盒子BOX channel》訪問,擔任《月傾會》嘉賓,在主持人林柏希(William)邊食邊飲邊傾之下,娟姐愈爆愈多﹗

娟姐 練美娟 女星姣錫TVB人夫
娟姐練美娟近日接受林柏希訪問﹗(圖片來源:《月傾會》圖片)

練美娟爆18歲失身 愛大叔唔愛鮮肉

練美娟最近拍廣告、做MC又有新節目未停過,事業起飛感情未有著落,31歲娟姐透露單身了4年,主持林柏希問娟姐揀男友有咩要求?娟姐話:「我鍾意偏向成熟啲,小鮮肉嗰啲我係一般!(強尼啱你喎?)強尼嗰一類,我鍾意啲安穩感覺,我係鍾意大叔㗎﹗」對上一個男友,更加大過娟姐十幾年﹗娟姐坦白自己單身4年後,又坦白自己失身年齡「失身呀?18歲,合法嘅!死啦,我經理人抹緊汗呀!」其後再爆初戀在小學五年級!

娟姐 練美娟 女星姣錫TVB人夫
練美娟被問幾多歲失身時,爽快公開18歲失身,但講完又擔心被經理人責罵﹗(圖片來源:《月傾會》圖片)

目擊TVB女星狼啜當紅人夫小生

練美娟爆完自己嘅底蘊後繼續爆料,娟姐曾在《晚吹-有酒今晚吹》大爆曾經親眼見過一個無綫女藝員姣錫當紅人夫嘅場面,娟姐指前度是無綫員工,曾陪他出席無綫飯局時目擊事件,娟姐在節目爆:「嗰個男高高大大,好紅嘅﹗嗰晚佢同一個女藝員好似情侶咁親蜜,我記得個男係有老婆,所以仲問當時嘅男朋友,男友叫我唔好理咁多飲酒啦。」

主持林柏希就叫娟開名講出邊個藝人,娟姐立即面有難色,佢話真係唔開得名,惟有還原目擊經過,「就係食食吓飯,突然攬攬就錫埋去,人夫嗰時係食緊嘢,都無啦啦錫埋去,阿人夫就又錫番埋去囉,好似要畀吓面咁﹗嗰時我就諗原來娛樂圈係咁嘅﹗」娟姐即場姣精上身,示範當晚飯局入面姣錫TVB人夫嘅場面!

娟姐 練美娟 女星姣錫TVB人夫
練美娟還原當日目擊女星姣啜人夫小生,然後更一啖咀落人夫的過程﹗(圖片來源:《月傾會》圖片)
娟姐 練美娟 女星姣錫TVB人夫
娟姐指當時TVB人夫同女星根本是旁若無人,相當大膽﹗(圖片來源:《月傾會》圖片)
練美娟曾在《晚吹》中透露前男友是TVB員工,她曾陪前度出席TVB飯局時目擊女藝員狼啜當紅人夫小生,令她大開眼界﹗(圖片來源:《晚吹-有酒今晚吹》截圖)
練美娟曾在《晚吹》中透露前男友是TVB員工,她曾陪前度出席TVB飯局時目擊女藝員狼啜當紅人夫小生,令她大開眼界﹗(圖片來源:《晚吹-有酒今晚吹》截圖)

娟姐爆Stanley係小氣鬼

練美娟不時與人氣偶像MIRROR成員合作,自然有料爆,主持林柏希問拍攝《大叔的愛》時Edan、Anson Lo同Stanley三個,邊個最孤寒、最小氣同最多女冧?娟姐秒答教主Anson Lo最多女冧,「最多女冧一定係Anson Lo莫屬,無論青春少艾或者已婚人妻,你知唔知連我表姨媽都好鍾意佢!」最小氣,原來係Stanley,「我可以講嘅係Stanley,可能我同佢熟,佢成日都會對我小氣囉!譬如有時預咗好多嘢,佢會話『又冇預我,娟姐』,跟住我心諗,男人老狗唔好同我計呢啲啦,我好相信係因為佢同我熟,所以佢會咁樣同我玩!」至於最孤寒,娟姐就話真係諗唔到,反而主動爆料話邊個最鹹濕!

娟姐 練美娟 女星姣錫TVB人夫
娟姐爆Edan好鹹濕﹗(圖片來源:《月傾會》圖片)

爆Edan好鹹濕成日睇女

練美娟主動爆Edan最鹹濕,娟姐話:「我覺得Edan最鹹濕!因為佢血氣方剛,我成日見到佢平日休息嘅日子,都係睇女仔嘅IG!我成日話,又睇女呀,佢話,睇吓女仔啫,你知佢嗰啲乞人憎樣。我唔敢講咁樣係鹹濕,但係佢對異性最有興趣啦!唔係鹹濕,但係成日睇女囉!」

娟姐 練美娟 女星姣錫TVB人夫
Edan呂爵安憑《大叔的愛》後人氣急升﹗(圖片來源:[email protected]
娟姐 練美娟 女星姣錫TVB人夫
練美娟與Edan和簡慕華在《大叔的愛》合作﹗(圖片來源:[email protected]

嫌肥仔@ERROR矮過自己

之後林柏希再問娟姐,ERROR肥仔同音樂人伍仲衡,兩個都先後被七師傅爆料,話佢哋都好鍾意娟姐,如果兩個必定要揀一個,娟姐會揀邊個呢?娟姐諗咗一陣:「肥仔唔啱呀,我只能夠講肥仔唔啱!我真係介意另一半矮過我!」至於伍仲衡,娟姐就話:「點解件事會發生呢,係我做我飲酒個節目,跟住請咗Harry(伍仲衡)同埋師傅(七師傅)上嚟,跟住師傅就『7噏』,話佢一直留意我、好鍾意我!之後我哋真係交換咗電話話約食飯,但係我又忙、佢又忙啦!」

娟姐 練美娟 女星姣錫TVB人夫
七仙羽師傅早前擔任伍仲衡音樂會嘉賓,在後台的娟姐被七師傅召喚上台,七師傅幫伍仲衡及娟姐配對﹗(圖片來源:[email protected] linkuen13)
娟姐 練美娟 女星姣錫TVB人夫
七師傅之前爆肥仔梁業對娟姐有意思,不久肥仔和圈外女友爆分手,娟姐和肥仔同告單身不時被問會否有發展機會﹗娟姐原來介意肥仔矮過自己﹗(圖片來源:[email protected]
娟姐 練美娟 女星姣錫TVB人夫
(圖片來源:《月傾會》圖片)

㨂黃德斌唔要古天樂

林柏希問娟姐如果開拍一個配對節目,黃德斌、許紹雄同鄧健泓三個圈中男星,佢會揀邊個?娟姐就話:「我一定係黃德斌!我拍劇又識佢啦,佢係一個內斂嘅人!」如果古天樂VS黃德斌又點揀?娟姐都係揀德斌喎﹗主持同時又問依家係咪有當紅嘅感覺?娟姐就話:「我唔知道點樣為之紅,但係我多人認識咗係真嘅!入咗行都幾年啦,之前都有主持一啲節目,當時喺條街度行,係冇人realize到你!」娟姐坦言唔係走玉女路線,反而自嘲係個「肉肉女」!

娟姐 練美娟 女星姣錫TVB人夫
娟肥愈忙愈肥,她笑指自己走「肉肉女」路線﹗(圖片來源:[email protected]
娟姐 練美娟 女星姣錫TVB人夫
娟姐近來工作量大增﹗(圖片來源:[email protected]
娟姐 練美娟 女星姣錫TVB人夫
娟姐笑指無意減磅回復昔日體重,唔介意有肉地﹗(圖片來源:[email protected]

讀者留言