總有一瓣喺左近|阮德鏘自揭被靈體「上身」經歷:想借我個身摸下小朋友

最新娛聞

廣告

阮德鏘日前再度光臨ViuTV,為節目《晚吹 – 總有一瓣喺左近》擔任嘉賓。繼上次分享內地拍戲靈異事件後,今次更自揭「鬼上身」經歷,雖然對方都係善意,但係「見慣大場面」嘅阮德鏘都嚇到腳仔軟!

文:東方新地|圖:節目《總有一瓣喺左近》節目截圖

(圖片來源:《總有一瓣喺左近》節目截圖)
《晚吹 – 總有一瓣喺左近》主持分別有鬼王潘紹聰、詹朗林,同今集嘉賓阮德鏘大談「鬼上身」經歷。(圖片來源:《總有一瓣喺左近》節目截圖)

衰多口搞到被靈體附身

阮德鏘近年除了專注在粵劇界發展之外,亦有到網台主持「靈異節目」,所以儲儲埋埋有好多靈異故事,當中亦不乏個人經歷。他透露有一次主持節目前與嘉賓打牙骹,高談闊論工作地方的廁所有靈體存在,樂極忘形之際,突然全身感到一陣麻痺和頭痛,更有同事表示感覺到有人摸頭,之後阮德鏘就知道戲言出禍:「我揸車返屋企嘅時候,突然之間Feel到有人摸我,咁我又好寸,我話我戴咗佛牌你埋唔到身嘅!但佢又好巧妙地再摸多一次!跟住我就講『對唔住』,繼而用電話同Benny師傅同太太講大鑊!上咗車!撳完之後就冇反應喇,冇晒記憶。」

(圖片來源:《總有一瓣喺左近》節目截圖)
阮德鏘以為自己有佛牌就冇事,點知都係被附身!(圖片來源:《總有一瓣喺左近》節目截圖)

附身後的阮德鏘行為怪異,向阿女埋手

由於阮德鏘被附身後記憶盡失,回神第一眼只見到太太壓住他撒水,及後透過監控電視才能重溫自己「斷片」過程的怪異行徑。在影片中,阮德鏘看到自己泊車的手法與過往差別極大,一貫在回家後興奮打招呼的行為盡失,踏入家門就拖住阿女上房摸摸頭,連阿女都看得目瞪口呆,感覺眼前的人不似爸爸。雖然對方並沒有借阮德鏘身體釀成悲劇,但都足夠嚇到阮德鏘腳仔軟!

(圖片來源:《總有一瓣喺左近》節目截圖)
(圖片來源:《總有一瓣喺左近》節目截圖)

有可能係仙人所為

今次附身不禁令阮德鏘反思「佛牌」的作用,他發現原來有可能是自己的先人所為:「其實戴佛牌一般嚟講,外面嘅靈體係入唔到你身,但仙人可能因為有血緣,或者係太掛住你嘅小朋友,想借你個身體摸吓你個小朋友都會有可能。第二日我帶埋小朋友去拜山,小朋友度度都拜,一去到好細個好錫我嗰個大嫲嫲嗰度,一去到佢就驚,連行埋去都唔敢行!」阮德鏘透露可能與之前搬倉有關,當時有移動到大嫲嫲的「櫳」,觸動到大嫲嫲回來了。

即睇片重溫阮德鏘分享「鬼上身」經歷:

當時阿女一眼就認得出唔係爸爸!(圖片來源:IG@yuen_johnson)
當時阿女一眼就認得出唔係爸爸!(圖片來源:IG@yuen_johnson)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!