未命名-1

羅天宇同譚嘉儀鬥飄移 輸咗打畀盛傳暗戀已久女星表白

最新娛聞

羅天宇早前接受譚嘉儀YouTube Channel的邀請玩飄移,即場由教練評分,譚嘉儀仲開盤口要輸家接受大懲罰,結果羅天宇要打給被指暗戀多年的蔣家旻表白,口震兼走晒音的他仲畀譚嘉儀爆響口搞到好尷尬……

撰文:東方新地 圖片:羅天宇IG圖片、戴祖儀IG圖片、譚嘉儀YouTube Channel影片截圖

羅天宇
羅天宇為譚嘉儀的YouTube頻道拍片玩飄移。
羅天宇
譚嘉儀先玩,有姿態有實際仲好放膽。

羅天宇唔夠大膽表現驚青

羅天宇接受譚嘉儀的邀請,挑戰揸車玩「飄移」,在教練指導下要不斷扭軚、放手令汽車在原地自轉,第一次玩飄移的羅天宇表現得好驚青,反而細細粒的譚嘉儀淡定又大膽,非常厲害。

羅天宇
羅天宇因為太緊張,表現失準。
羅天宇
最後譚嘉儀有98分,羅天宇只得88分。

羅天宇被譚嘉儀爆大鑊

譚嘉儀與羅天宇比試飄移前,輸賭如果兩個會合後,評分較低的一方就要打電話給一位圈中的異性藝人,向對方表白示愛,譚嘉儀更提議「玩大啲」,稱不如打畀「前度」,羅天宇即時嚇到縮一縮冒晒汗,譚嘉儀繼續爆料說:「你打畀Joey……Tang囉!」嚇到羅天宇雙眼瞪大,狀甚擔心。

羅天宇
譚嘉儀提議「加碼」,輸家要打畀「前度」。
羅天宇
聽到「Joey」呢個名,羅天宇呆一呆,苦笑回應。
羅天宇
羅天宇去年與戴祖儀過從甚密傳出戀情,譚嘉儀今次用來開玩笑,再次印證二人曾經拍拖。

羅天宇願賭服輸

羅天宇拍片時一直表示想不起應該打電話給誰,一邊玩飄移一邊顯得「囉囉攣」,最終輸埋要接受大懲罰,最後他決定打電話給蔣家旻,見他不斷怕醜傻笑,當蔣家旻接通電話的一刻,更緊張到走音說︰「蔣家旻!我哋大概合作咗……十幾年啦!有件事想話畀你知,我想同你講……同你講我暗戀咗你好多年……」

羅天宇
想來想去,羅天宇最後決定打畀合作無間又傳過緋聞的蔣家旻,譚嘉儀仲笑羅天宇暗戀女方多年。
羅天宇
譚嘉儀不停笑羅天宇暗戀女神蔣家旻,搞到羅天宇勁尷尬。
羅天宇
估唔到有「女神收割機」之稱的羅天宇都會有怕醜的一面。

羅天宇行動失敗

羅天宇打畀蔣家旻時口窒窒咁,令醒目的蔣家旻感到唔對路,因為羅天宇甚少這樣直接打電話給她,最後蔣家旻更肯定說:「你係咪玩緊嗰啲整蠱電話?我唔信啦!點會信呀白痴!」身旁的譚嘉儀亦笑羅天宇好水皮,極速俾人識穿是假表白。

羅天宇
向蔣家旻表白時,羅天宇面都紅晒。
羅天宇
蔣家旻極速踢爆羅天宇不是真心表白。
羅天宇
羅天宇和蔣家旻曾在《愛回家》中飾演兄妹馬子仁和馬子妮,經常鬥嘴但感情要好,在觀眾心目中留下深刻印象。
羅天宇
羅天宇與蔣家旻上月才一起出席公開活動。

羅天宇飄移戰敗接受大懲罰

讀者留言