羅毓儀

下流上車族|26歲羅毓儀愛得高調 帶埋男友入電視城開工 孖住拍片搵食

最新娛聞

廣告

26歲的羅毓儀在《下流上車族》飾演林敏驄18歲細女車蔓蔓,童顏與細粒身形fit晒角色設定,現實生活中的羅毓儀愛電玩愛cosplay,更有一個拍拖3年志同道合的圈外男友Mike,二人一齊夾band一齊在YouTube頻道拍片,早前羅毓儀仲帶埋Mike返電視城開工,拍片打情罵俏,雖然男友其貌不揚,但羅毓儀曾公開讚對方靚仔,真係情人眼裡……

羅毓儀 羅毓儀與拍拖3年的圈外男友Mike。
羅毓儀與拍拖3年的圈外男友Mike。(圖片來源:IG@mike_314)

羅毓儀圈外男友電視城探班

羅毓儀外表似細路女,所以成為無綫御用學生妹,在新劇《下流上車族》又係飾演阿女、阿妹角色,不過這次是她入行以來最重戲的一次,有望上位的她完全唔避忌,早已公開感情事,有個拍拖3年的圈外男友Mike,今年4月羅毓儀公開表示已分手,其後又澄清是因為愚人節,實情與男友仍如膠似漆,打得都打唔甩,在拍攝《下流上車族》期間更帶埋Mike入電視城,拍片放上他們一同經營的YouTube頻道《咪咪Yuki觀察日記》。

羅毓儀 Mike直搗電視城探班,條片一開始就見到佢個樣......
Mike直搗電視城探班,條片一開始就見到佢個樣……(圖片來源:YouTube@咪咪Yuki觀察日記)
羅毓儀 羅毓儀好興奮開門迎接男友。
羅毓儀好興奮開門迎接男友。(圖片來源:YouTube@咪咪Yuki觀察日記)

直擊車家安樂窩

日前《咪咪Yuki觀察日記》上載了一條新片,片中一開始就影住Mike直踩電視城探班,正在拍攝《下流上車族》的羅毓儀就興奮開門迎接男友,並引領男友影勻屋內每個角落,Mike更不時與羅毓儀自拍,擺明好鍾意黐住女友上鏡,二人打情罵俏又訪問劇中其他藝員,最後羅毓儀更謂因為拍呢條片要犧牲食放飯時間,Mike大感肉痛。

羅毓儀 二人在屋內玩得好開心,Mike仲經常一齊入鏡。
二人在屋內玩得好開心,Mike仲經常一齊入鏡。(圖片來源:YouTube@咪咪Yuki觀察日記)
羅毓儀 導演現身,Mike開始有啲怯。
導演現身,Mike開始有啲怯。(圖片來源:YouTube@咪咪Yuki觀察日記)
羅毓儀 影完屋內,仲去埋演員休息室。
影完屋內,仲去埋演員休息室。(圖片來源:YouTube@咪咪Yuki觀察日記)
羅毓儀 連劇中阿媽江美儀都出埋鏡。
連劇中阿媽江美儀都出埋鏡。(圖片來源:YouTube@咪咪Yuki觀察日記)

拍片7年拍拖3年

羅毓儀與男友Mike於2015年開始一齊拍片,Mike與羅毓儀年紀相若,二人一齊組成業餘樂隊「MochiIce」夾band,羅毓儀彈電子結他,Mike是鼓手,此外他們同是電玩愛好者,每年動漫節亦會一齊cosplay,雖然志同道合,羅毓儀靚女又可愛,Mike卻其貌不揚,拍拖三年來男方被指襯唔起女方,不過羅毓儀竟曾公開盛讚男友「超級靚仔有型有才華又可愛」。

羅毓儀 羅毓儀為了拍片飯都唔食。
羅毓儀為了拍片飯都唔食。(圖片來源:YouTube@咪咪Yuki觀察日記)
羅毓儀 今年羅毓儀生日,Mike送上大公仔。
今年羅毓儀生日,Mike送上大公仔。(圖片來源:IG@mike_314)
羅毓儀 二人早前以鬼滅之刃造型cosplay出動。
二人早前以鬼滅之刃造型cosplay出動。(圖片來源:IG@mike_314)
羅毓儀 Mike擅長打鼓。
Mike擅長打鼓。(圖片來源:IG@mike_314)
羅毓儀 羅毓儀是band中的結他手。
羅毓儀是band中的結他手。(圖片來源:IG@yukyukyukee)

公開大量合照宣示主權

羅毓儀是一名高材生,以一級榮譽成績畢業於香港城市大學,獲得工商管理榮譽學士(商業營運管理)學位,大學三年級時曾到維也納大學參加交流生計劃,雖然羅毓儀指男友有才華,但外界對他的認識不多,其真正的職業不詳,只知他現在經常跟出跟入,孖住羅毓儀拍片上YouTube吸like,在其IG又有大量與羅毓儀的合照,話畀全世界知他就是羅毓儀男友。

羅毓儀 Mike的IG三日唔埋就po與羅毓儀的甜蜜生活照。
Mike的IG三日唔埋就po與羅毓儀的甜蜜生活照。(圖片來源:IG@mike_314)
羅毓儀 二人經常拍片互餵。
二人經常拍片互餵。(圖片來源:IG@mike_314)
羅毓儀 Mike除了負責拍片、剪片放上YouTube頻道,仲要負責為女友影靚相。
Mike除了負責拍片、剪片放上YouTube頻道,仲要負責為女友影靚相。(圖片來源:IG@mike_314)

羅毓儀 Mike的外形與打扮,都被指襯唔起新一代童顏女神羅毓儀。
Mike的外形與打扮,都被指襯唔起新一代童顏女神羅毓儀。(圖片來源:IG@mike_314)
羅毓儀 每次與羅毓儀有新出推出,Mike都會在IG大力宣傳。
每次與羅毓儀有新出推出,Mike都會在IG大力宣傳。(圖片來源:IG@mike_314)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@yukyukyukee、IG@mike_314、YouTube@咪咪Yuki觀察日記