美食強人｜肥媽激辯酒店總廚！米芝蓮名廚爆金句：一日浸百隻雞係虐待

肥媽為南瓜湯動怒 質疑麗晶總廚：懷疑我人生？

本輪評審過程氣氛熾熱，當麗晶酒店行政總廚蔡俊輝指飲不出其中一家店的湯採用了南瓜食材時，向來敢言的肥媽即時按捺不住，激動地反問：「南瓜湯你都飲唔出係南瓜，師傅你真係有啲咁多懷疑我嘅人生？」面對肥媽的強烈質疑，蔡俊輝則幽默地冷靜回應：「我唔係反駁，我講緊我嘅感覺啫。」幸得主持周奕瑋發揮本色打圓場，才化解緊張氣氛。

歐國強為廚師發聲 怒轟機器取代人手

除了評審間的直接衝突，節目亦就「機器定人手準備食材」進行激辯。對此，全球最年輕米芝蓮三星中菜名廚歐國強師傅，便以行內人身份為廚師發聲，他認為處理少量食材是興趣，但大量重複的工作則是折磨，更爆出金句：「一日浸十隻、八隻嗰啲叫興趣，講真，一日浸百隻雞唔好話興趣，你簡直係虐待個廚師架啫。」言論一針見血，道出不少廚師心聲。

網民激讚節目夠真：嘈交先有火花

節目中評審們的激烈互動，引來網民一面倒讚好，認為夠真實、有火花，不像其他美食節目般只有讚美。不少網民力撐肥媽敢言，亦有人欣賞酒店總廚的高EQ回應，而歐國強師傅的「虐待論」更獲得廣泛共鳴。
「肥媽好真！夠薑喺總廚面前咁講！」
「歐國強師傅講出重點，飲食業真係好辛苦。」
「個總廚EQ好高，答得好得體。」
「其實係咪節目效果咋？不過嘈交先有收視，好睇！」
「周奕瑋真係最佳主持，次次都係佢打圓場。」