美麗戰場

美麗戰場|陳瀅受葉念琛欽點做「阿寶」 一文睇清歷任「阿寶」有咩分別

最新娛聞

廣告

《美麗戰場》由導演葉念琛開拍,作為55周年台慶劇,更接檔《黯夜守護者》於10月3日播出。葉念琛好睇重今次套新劇,親自操刀執導、監製、編劇;講到葉念琛,除了有外號「旺角活地阿倫」之外,佢所有作品都一定要有「阿寶」,陳瀅今次就被葉念琛「欽點」做阿寶,仲講到明一定要搵佢!

美麗戰場 葉念琛執導的TVB新劇由陳瀅做主角「阿寶」,她表示自己要減肥,可能有泳裝場面晒身材。
葉念琛執導的TVB新劇由陳瀅做主角「阿寶」,她表示自己要減肥,可能有泳裝場面晒身材。(圖片來源:[email protected]

葉念琛欽點32歲陳瀅做「阿寶」

葉念琛執導拍劇,就肯定有一個「必然」,係必然有「阿寶」做女主角。而首次執導TVB劇集,有港版《Penthouse》之稱的《美麗戰場》開鏡當日,葉念琛、曾志偉與一眾演員見傳媒時,葉導當時已親自欽點要32歲陳瀅擔正做「阿寶」。陳瀅透露自己要演20個阿寶,由16歲演到36歲,難度在於捉摸說話的態度,而且葉導叫佢要減肥,可能劇中會有泳裝鏡頭晒身材。不過有網民就覺得,陳瀅唔襯阿寶,留言說:「佢好師奶喎,要減減啦!」、「點解要揀佢做女主角呀?肉騰騰」、「以前靚啲,依家走晒樣」,等等。

美麗戰場 陳瀅身材出眾,相信觀眾都很期待她「大方」演出。
陳瀅身材出眾,相信觀眾都很期待她「大方」演出。(圖片來源:[email protected]

回顧歷年葉念琛電影必然出現的「阿寶」

元祖「阿寶」:鄧麗欣

Stephy作為「元祖阿寶」,係葉念琛愛將,呢個「阿寶」出現於電影《獨家試愛》、《十分愛》、《我的最愛》、《保持愛你》、《失戀日》、同《紀念日》中多次飾演「阿寶」,鄧麗欣亦幾乎被人定型做「阿寶」,成為大家心目中嘅「阿寶」的象徵!

美麗戰場 葉念琛電影 女角色
Stephy身為初代「阿寶」地位無可取代。(圖片來源:[email protected]

猛鬼型「阿寶」:周秀娜

周秀娜曾於2011年嘅懸疑恐怖電影《猛鬼愛情故事》中飾演何美寶,呢套電影其實係葉念琛同王晶夾戲,前半故事部係王晶拍。後來娜姐轉換戲路,收起「峰」芒,轉而以演技實力取勝,喺2018年更以《29+1》中的一角獲金像獎最佳女主角提名!

美麗戰場
(圖片來源:《猛鬼愛情故事》電影截圖)

援交型「阿寶」:「馬子妮」蔣家旻

當年喺無綫處境劇《愛.回家》飾演馬子妮的蔣家旻,因為形象入屋獲葉念琛賞識,於2013年喺葉念琛電影《第一次不是你》中破格飾演為病母籌錢嘅援交少女「寶」,仲有性感演出,可以話係擴闊咗戲路。

爛玩型「阿寶」:佘詩曼

佘詩曼喺2013年葉念琛電影《人約離婚後》中飾演「阿寶」,喺戲中同方力申飾演嘅「強」離婚後,又與阿杰(羅仲謙飾)擦出愛火!呢套電影係都係講渣男方力申見到自己女友疑似背叛自己後反思,好多網民話係《獨家試愛》翻炒版。

美麗戰場
(圖片來源:新傳媒資料庫)

賢淑型「阿寶」:王菀之

王菀之喺2014年開始,就定期有接拍電影,而《Delete愛人》就係Ivana早期啲嘅作品。佢喺戲中飾演蘇波榮(王祖藍飾)嘅女友鍾家寶,呢個阿寶就比較文靜內向,賢淑少少。

短髮型「阿寶」:蘇麗珊

2017年,當年屬於新晉演員的蘇麗珊就係電影《愛情奴隸獸》中夥拍方力申做主角,接替鄧麗欣成為「阿寶」,短髮造型令蘇麗珊飾演嘅「阿寶」更有新鮮感,同鄧麗欣版「阿寶」嘅固有形象有啲唔同。

美麗戰場
(圖片來源:新傳媒資料庫)

醫生型「阿寶」:劉嘉玲

劉嘉玲喺2018年賀歲愛情喜劇電影《我的情敵女婿》中飾演心理醫生鍾嘉寶(Dr.寶),係戲中嘉欣(衛詩雅飾)嘅後母,更係戲中梁華生(任達華飾)嘅初戀情人!

美麗戰場
(圖片來源:新傳媒資料庫)

幹探型「阿寶」:惠英紅

《心冤》是一部由福斯旗下衛視電影台於2019年發表的香港犯罪推理的原創迷你劇,由葉念琛執導;惠英紅在劇中飾演「寶」飛鳳探員,可能係年紀最大同最強悍的「阿寶」,但果然係「阿寶」必然程度連警匪片都唔放過。

美麗戰場 惠英紅都係阿寶!
惠英紅都係阿寶!(圖片來源:《心冤》劇照)

分手型「阿寶」:曾樂彤

葉念琛上年2021年開拍新電影《分手專家》,不過映期未定,當時就宣布新一任「阿寶」係女歌手曾樂彤。《分手專家》故事係講一班人成立了一個專門拆散人愛情的組織,據知角色名又係「鍾家寶」。至於「阿寶」係一個咩角色,就要等電影上畫先有得評論了。

美麗戰場 分手專家|葉念琛公布曾樂彤接棒成新任「阿寶」 一文睇清歷任阿寶名單
葉念琛公布曾樂彤接棒成為新任「阿寶」。(圖片來源:曾樂彤 IG)
美麗戰場 分手專家|葉念琛公布曾樂彤接棒成新任「阿寶」 一文睇清歷任阿寶名單
上載了新戲劇本。(圖片來源:葉念琛 IG)
美麗戰場 分手專家|葉念琛公布曾樂彤接棒成新任「阿寶」 一文睇清歷任阿寶名單
葉念琛只上載片中女主角新任「阿寶」的背影照,並留言:「阿寶來了!」大賣關子。(圖片來源:葉念琛 IG)
美麗戰場 分手專家|葉念琛公布曾樂彤接棒成新任「阿寶」 一文睇清歷任阿寶名單
新戲「阿寶」人選終於揭曉,原來「真身」就是英皇女歌手曾樂彤。(圖片來源:葉念琛 IG)
美麗戰場 分手專家|葉念琛公布曾樂彤接棒成新任「阿寶」 一文睇清歷任阿寶名單
(圖片來源:葉念琛 IG)

「阿寶」有個人隱喻?

有睇開葉念琛電影的觀眾,都知道他的女主角幾乎都叫「阿寶」。而點解導演葉念琛出名鍾意將佢大部分電影中嘅女主角叫做「阿寶」,網民盛傳係因為同葉念琛個人情史或者重大打擊有關,不過佢兩年接受傳媒訪問就話自己沒有初戀情人叫阿寶。而對於點解叫阿寶,葉念琛就話自己其實是一個很懶去改名的人,同時不知不覺地阿寶似乎也成為他作品的一個特質,感覺觀眾能看到阿寶也會特別有回憶,他更表示,每個阿寶都不一樣,她們都有不同的特質,有很多不同輩份、氣質的女演員都演過阿寶,惠英紅、劉嘉玲都演過,但葉念琛就係鍾意叫阿寶。

美麗戰場 分手專家|葉念琛公布曾樂彤接棒成新任「阿寶」 一文睇清歷任阿寶名單
葉念琛早前在IG宣佈開拍新電影《分手專家》。(圖片來源:葉念琛 IG)

美麗戰場|劇情預告 |四姊妹因張國榮結緣反目成仇

美麗戰場將於2022年10月3日晚上首播,故事劇情從2003年4月1日開始:當日傍晚時份,應屆會考生阿寶(陳瀅)得悉巨星張國榮跳樓自殺的惡耗,身為忠實歌迷的寶帶著鮮花前往悼念偶像。寶遇上暗戀對象區家明(方力申),也開啟了彼此的對話,無奈被好友唐昕(朱晨麗)、李靜兒(劉佩玥)和林小美(陳曉華)打斷。那個晚上,對寶而言是百味雜陳,最崇拜的偶像驟然離世、暗戀已久的男生與她說了第一句話,寶開始明白世事人情可能就是如此難以預計……

寶、昕、兒和美是好姊妹,揚言無論何時何地都會共同進退、永不分離。會考放榜之後,昕成為9A狀元,兒成績一般、⾃願重讀⼀年,成績最差的美反⽽如釋重負,決定投⾝社會,寶則順利原校升讀中六,並於暑假期間與明相戀。寶在雜誌舉辦的校花選舉中脫穎⽽出,獲不少廣告商垂青,⼀邊讀書、⼀邊在課餘時間接拍廣告以幫補家計,但她與明的關係卻漸行漸遠……

四姊妹每遇喜事、壞事,都會聚在「民記冰室」互相分享支持。她們未曾想過終有一天會反目成仇、各⾛各路,為的是⽐⾦錢和男⼈更讓⼈輾轉反側的東⻄,那是妒忌……

《美麗戰場》劇本在今年5月底曝光,導演
《美麗戰場》劇本在今年5月底曝光,導演在IG分享心情「一個人,一枝筆,數以千張原稿紙!一人之力完成二十集電視劇劇本,是我在編劇生涯上一次耐力和毅力的挑戰!結果,我做到了!明天,我將由編劇變身導演,開始下一個新挑戰!首次執導二十集電視連續劇!」(圖片來源:[email protected]
美麗戰場 台慶劇 葉念琛 陳瀅 由6月拍到8月中,葉念琛唔介意在社交平台公開拍攝進度。
《美麗戰場》由6月拍到8月中,葉念琛唔介意在社交平台公開拍攝進度。(圖片來源:[email protected]
美麗戰場 台慶劇 葉念琛 陳瀅 兩位女主角感情要好,幕前就要鬥生鬥死。
兩位女主角感情要好,幕前就要鬥生鬥死。(圖片來源:[email protected]
美麗戰場 台慶劇 葉念琛 陳瀅 看劇情又是一套女性鬥爭為主的劇集。
看劇情又是一套女性鬥爭為主的劇集。(圖片來源:[email protected]
葉念琛首次執導TVB劇集《美麗戰場》,親自欽點陳瀅做「阿寶」,而蔣家旻則「降呢」做奸角琪琪。
葉念琛首次執導TVB劇集《美麗戰場》,親自欽點陳瀅做「阿寶」,而蔣家旻則「降呢」做奸角琪琪。(圖片來源:YouTube@TVB娛樂新聞台)

常見問題

台慶劇《美麗戰場》何時播?

台慶劇《美麗戰場》即將於10月接檔陳展鵬主演的《黯夜守護者》,此劇亦是陳展鵬與陳煒在TVB的首度合作,再加上二人此劇會有感情線⋯⋯按此看詳情

葉念琛因咩原因欽點陳瀅做「阿寶」?

葉導親自欽點要32歲陳瀅擔正做「阿寶」,陳瀅就向傳媒透露自己要演20個阿寶,由16歲演到36歲…..詳見:葉念琛搵陳瀅做阿寶

撰文:東方新地圖片來源:[email protected][email protected]、新傳媒資料庫

讀者留言