聲夢傳奇2

聲夢傳奇2|趙紫諾13歲挑機姚焯菲唱《說散就散》 休學Crystal第一集出局

最新娛聞

廣告

《聲夢傳奇2》去到第3集,13歲大熱趙紫諾唱《說散就散》力壓全場奪最高分23分,而前兩集跳唱的Crsytal梁芷菁則只得8分被淘汰,返到後台仲爆喊話:「我接受唔到!」

《聲夢傳奇2》去到第3集,6位導師各派學員上陣獨唱。
《聲夢傳奇2》去到第3集,6位導師各派學員上陣獨唱。(圖片來源:YouTube@聲夢傳奇)

《聲夢傳奇2》淘汰賽開始 一集Foul一個!

《聲夢傳奇2》來到第3集,淘汰賽今集正式開始,司儀森美亦宣布將會每集淘汰一個,Chantel姚焯菲賽前同今集學員打氣:「要好好珍惜《聲夢》嘅舞台,enjoy the stage,加油!」現場有25 位業界專業評審,包括:歌手陳潔靈、監製舒文、 張佳添、人伍仲衡、伍樂城等等,每位評審會以綠、紅燈示意關過與否,得到最少綠燈的學員將會被淘汰。

聲夢傳奇2 今集開始每集foul一個,邊幾個要走呢?
今集開始每集foul一個,邊幾個要走呢?(圖片來源:《聲夢傳奇2》截圖)

13歲Sabrina趙紫諾當Chantel面唱《說散就散》

13歲Sabrina是擁有「最強CV」的學員,6歲同郎朗表演,10歲開個人演奏會。雖然平時木口木面,但在後台表情多多,見到偶像Yumi鍾柔美即刻變迷妹。Sabrina一開口唱《說散就散》個個都大讚,Eric Kwok感嘆:「呢個世界發生咩事,點解13歲係咁,希望佢唔好變聲。」

聲夢傳奇2 Sabrina只得13歲但聲音充滿爆發力,全場激讚。
Sabrina只得13歲但聲音充滿爆發力,全場激讚。(圖片來源:《聲夢傳奇2》截圖)
聲夢傳奇2 Chantel聽到拍晒手。
Chantel聽到拍晒手。(圖片來源:《聲夢傳奇2》截圖)
聲夢傳奇2 近期焦點人物姚焯菲Chantel大讚趙紫諾。
近期焦點人物姚焯菲Chantel大讚趙紫諾。(圖片來源:YouTube@聲夢傳奇)

Chantel都唱過《說散就散》:

Chantel姚焯菲於去年參賽時未有用《說散就散》參戰,不過就曾經於商場騷現場唱過這歌,當時卻有甩嘴及忘記歌詞,她對師妹的演出大表讚賞:

「我起晒雞皮,我估唔到13歲會唱到咁樣!I know you are very shy, but then you are whole new person on this stage. So ,congratulations! I love that.」

Sabrina最後以23分最好成績(現場只有25位評判)力壓其他參賽者。

大熱趙小婷、Jasmine有得留低

今集有6位學員輪流獨唱,分別是:Pamela趙小婷《愛的根源》、Jasmine任暟晴《玉蝴蝶》、金仔金永衡《早班火車》、Angel劉詠彤《發熱發亮》、Sabrina趙紫諾《說散就散》及Crystal梁芷菁《I Wish》。Pamela賽前被JW話唱得唔夠sweet,緊張到入廁所喊,不過分數中規中距有17分成功留低。另一位大熱Jasmine雖然唔夠時間練歌,不過有19分一樣安全留低。

聲夢傳奇2 Pamela樣就夠sweet,但把聲唔夠,成績平平入安全區。
Pamela樣就夠sweet,但把聲唔夠,成績平平入安全區。(圖片來源:《聲夢傳奇2》截圖)
聲夢傳奇2 Jasmine成功留低。
Jasmine成功留低。(圖片來源:《聲夢傳奇2》截圖)

Crystal得8分休學唔考DSE首集被Foul

Crystal笑容甜美本身好殺食,但因為掛住練舞唱到flat晒,最後只得8分被淘汰。她在台上已經兩行眼淚,一返到後台見到Jasmine就攬住爆喊,因為二人老友鬼鬼,曾承諾要一起走下去,豈料自己首輪被foul,喊住講:「我接受唔到!」導師泳兒喊到面都紅晒,本身仲諗緊點幫佢唱好啲,點知已經冇機會。然後全場都喊,估唔到呢集《聲夢2》用眼淚收尾。

聲夢傳奇2 Crystal休學一年玩比賽,點知第一集就出局。
Crystal休學一年玩比賽,點知第一集就出局。(圖片來源:《聲夢傳奇2》截圖)
聲夢傳奇2 Crystal爆喊。
Crystal爆喊。(圖片來源:《聲夢傳奇2》截圖)
聲夢傳奇2 全場都喊。
全場都喊。(圖片來源:《聲夢傳奇2》截圖)

《聲夢傳奇2》金仔暗戀林二汶先唱得好?

林二汶鍾意金仔得戚,唱《早班火車》時跟住二汶個groove,森美笑言:「好似暗戀二汶咁!」Eric Kwok就鍾意佢「沙聲」大讚冇得頂,舒文亦笑言:「我問過一個知名歌手,問佢聲沙點算,佢就話『o靚坤都可以有愛情㗎嘛』!」而前兩集露腰跳唱的Angel受舊患影響,唱《發熱發亮》時只得13分跌入安全區,當時佢講到喊:「唔知出唔出得返去。」

聲夢傳奇2 林二汶超滿意。
林二汶超滿意。(圖片來源:《聲夢傳奇2》截圖)
聲夢傳奇2 金仔聲沙反而俾Eric Kwok讚。
金仔聲沙反而俾Eric Kwok讚。(圖片來源:《聲夢傳奇2》截圖)
聲夢傳奇2 Angel以為自已會出局講到喊。
Angel以為自已會出局講到喊。(圖片來源:《聲夢傳奇2》截圖)

《聲夢傳奇2》第3集歌單:

Gin Lee(李幸倪)失眠示範教 Jasmine任暟晴唱《玉蝴蝶》

聲夢傳奇2 Jasmine得到Gin Lee教路唱《玉蝴蝶》。
Jasmine得到Gin Lee教路唱《玉蝴蝶》。(圖片來源:YouTube@聲夢傳奇)

因樣子酷似游嘉欣+Chantel 備受關注的 Jasmine,是集以一襲型格黑色長裙上陣大晒 長腿,相當搶鏡。雖然 Jasmine 3 歲開始學唱歌劇被不少人看高一線,但有「進擊的 導師」之稱的 Gin Lee 卻並不認同:「佢未撇甩 13 年嘅古典唱法。」Gin Lee 又訴苦 指 Jasmine 忙於應付考試,無暇與其分享唱《玉蝴蝶》心得⋯⋯

為了 Jasmine,Gin Lee 竟趁有晚失眠,於半夜兩點多自拍短片及錄製語音作教材,讓 Jasmine 有空時跟著練 習,十分貼心。短片所見,滿頭大汗的 Gin Lee 示範唱好《玉蝴蝶》時極度用心、七 情上面,加上聲線極具感染力,欣賞指數爆錶!導師如此用心,令人更期待 Jasmine 今集表現。

JW(王灝兒)隊 – Pamela趙小婷《愛的根源》

聲夢傳奇2 大熱人物之一趙小婷唱《愛的根源》。
大熱人物之一趙小婷唱《愛的根源》。(圖片來源:YouTube@聲夢傳奇)

泳兒(Vincy)隊 – Crystal梁芷菁《I Wish》

聲夢傳奇2 Crystal再唱Jace陳凱琪的作品,今次唱《I Wish》睇嚟又再跳唱。
Crystal再唱Jace陳凱琪的作品,今次唱《I Wish》睇嚟又再跳唱。(圖片來源:YouTube@聲夢傳奇)

布志綸(Alan)隊 – Angel劉詠彤《發熱發亮》

聲夢傳奇2 Angel睇嚟都係跳唱,佢揀唱《發熱發亮》。
Angel睇嚟都係跳唱,佢揀唱《發熱發亮》。(圖片來源:YouTube@聲夢傳奇)

林二汶(Eman)隊–金仔金永衡《早班火車》

聲夢傳奇2 金仔唱《早班火車》。
金仔唱《早班火車》。(圖片來源:YouTube@聲夢傳奇)

林奕匡(Phil)隊– Sabrina趙紫諾《說散就散》

聲夢傳奇2 趙紫諾唱JC陳詠桐的名曲《說散就散》。
趙紫諾唱JC陳詠桐的名曲《說散就散》。(圖片來源:YouTube@聲夢傳奇)

《聲夢傳奇2》分組名單:

聲夢傳奇2
(圖片來源:《聲夢傳奇2》截圖)
聲夢傳奇2
(圖片來源:《聲夢傳奇2》截圖)

Chantel對趙紫諾有咩評價?

Chantel姚焯菲於去年參賽時未有用《說散就散》參戰,不過就曾經於商場騷現場唱過這歌,當時卻有甩嘴及忘記歌詞,她對師妹的演出大表讚賞⋯⋯有片!按此重溫

《聲夢傳奇2》年紀最細學員有什麼猛料背景?

《聲夢傳奇2》年紀最細學員是Charlotte繆昀希,《聲夢Junior》決賽表現一鳴驚人⋯⋯詳情請看

撰文:東方新地圖片來源:《聲夢傳奇2》截圖、YouTube@聲夢傳奇資料或影片來源:YouTube@聲夢傳奇