肥媽

肥媽18歲二孫女曝光 獲讚似嫩版甄妮好有Model Feel 被踢爆細個唔同樣?

最新娛聞

廣告

現年68歲的肥媽(Maria Cordero)擁有多達8個仔女、17個孫、2個曾孫,近日她的大孫女Soufia和二孫女Zamara相繼趁暑假來港探望肥媽,日前肥媽就拍片講到兩名孫女一齊去歎茶,首次登場的二孫女Zamara獲網民大讚好似年輕時的甄妮,又讚她好有Model Feel,紛紛建議肥媽提名她去選港姐,但被肥媽拒絕!

肥媽:Zamara留幾日好快就要走

現時處於半退休狀態的肥媽,繼早前在YouTube分享了由與英國回港的20歲孫女Soufia飲茶的影片後,日前又再上載與兩個孫女去飲茶的影片,笑言:「另外一個孫女Zamara都飛咗返嚟,一返嚟第一件事都係話要飲茶,因為好耐未飲過茶,所以今日一齊嚟再去飲茶,Zamara留幾日好快就要走了。」

肥媽 肥媽帶兩個孫女Soufia左)和Zamara右)去飲茶時,笑到四萬咁口。
肥媽帶兩個孫女Soufia(左)和Zamara(右)去飲茶時,笑到四萬咁口。(圖片來源:)
肥媽 今次係肥媽嘅二孫女Zamara首度登場。
今次係肥媽嘅二孫女Zamara首度登場。(圖片來源:Youtube@肥媽 Maria Cordero)

肥媽拒提名兩孫女參選港姐

網友紛紛大讚「肥媽兩個孫女超級靚」、「2個孫女既笑容都好甜」、「細孫女個樣好似甄妮姐姐後生時」、「肥媽兩位孫女真係好靚女!好有Model Feel」、「廣東話又講得咁好,人又乖巧,絕對可選香港小姐有餘」等,不過肥媽就對傳媒表示不會提名兩個孫女去選港姐,原因是兩人一個想做醫生、一個想做心理醫生,都無意進入娛樂圈。

肥媽 肥媽拒絕為兩個孫女提名參選香港小姐,話如果佢哋想參加,就要搵第二個幫佢哋提名!
肥媽拒絕為兩個孫女提名參選香港小姐,話如果佢哋想參加,就要搵第二個幫佢哋提名!(圖片來源:Youtube@肥媽 Maria Cordero)
肥媽 呢個係年輕時嘅甄妮。
呢個係年輕時嘅甄妮。(圖片來源:新傳媒照片庫)

爆18歲孫女細個花名叫「節瓜」

肥媽介紹Zamara今年18歲,又大爆她細個時的花名叫「節瓜」:「因為佢細個肥到一節一節,啲肉要拮入去先拮到,而家好瘦。Soufia就叫攣毛。」肥媽又指Soufia有兩年時間未返過香港,Zamara則是一年半,但今次因疫情要隔離的關係,Zamara只有9日時間可以陪伴肥媽,兩嫲孫都表示會好好珍惜今次相聚的時光。

肥媽 Zamara在社交網上分享了不少Fit爆性感相,想不到原來她小時候花名叫「節瓜」。
Zamara在社交網上分享了不少Fit爆性感相,想不到原來她小時候花名叫「節瓜」。(圖片來源:IG@zamara_cordero)
肥媽 Zamara不時會和朋友一齊出席派對,性格似乎好開朗活潑。
Zamara不時會和朋友一齊出席派對,性格似乎好開朗活潑。(圖片來源:IG@zamara_cordero)

重溫肥媽與大孫女Soufia開心飲茶 網民勁讚孫女靚女盡得遺傳

肥媽早前於YouTube分享咗與英國回港的20歲孫女Soufia的飲茶的影片,指與孫女已經幾年無見,知佢想飲茶即帶去佢,非常疼錫孫女。肥媽喺影片不斷大讚20歲的孫女非常孝順,平日會幫老豆的餐館洗碗,又不斷大讚孫女好靚,又話同孫女係「姊妹」,看出2人感情非常好。唔少網民都留言指孫女好有明星相,盡得肥媽遺傳,可以去選香港小姐「選香港小姐都掂啊,對眼好迷人。」、「終於團聚了,替你開心。孫女好可愛呢」、「肥媽,你大孫女好靚女」、「肥媽,妳的孫女很似妳,開心,漂亮」等等。

肥媽
(圖片來源:Youtube@肥媽 Maria Cordero)

強調孫女係中國人

之後肥媽又上傳多一條影片,2人一邊食飯一邊拍片同大家傾吓計,孫女好識講嘢,讚肥媽好有型,肥媽就表示「同孫女出街緊係要有型,唔可以成個師奶咁。」哄得肥媽都非常開心。後來又講到點解一臉西方面孔的孫女識講廣東話,肥媽就表示「孫女點解識講廣東話,佢中國人嚟架嘛」原來孫女喺香港大,讀完中一後才去外國讀書生活。

肥媽 肥媽早前為大孫女Soufia慶祝生日。
肥媽早前為大孫女Soufia慶祝生日。(圖片來源:FB@肥媽 Maria Cordero)
肥媽 同場仲有肥媽嘅好姊妹黑妹。
同場仲有肥媽嘅好姊妹黑妹。(圖片來源:FB@肥媽 Maria Cordero)

肥媽經歷兩段婚姻

觀眾平時見到的都係肥媽強悍一面,或者同六號(陸浩明)嘻嘻哈哈教煮餸,你又點估到佢曾經係悲劇主角?事緣18歲果時,肥媽嫁畀大過佢22年的菲律賓酒廊琴師,對方家境平俗,家庭經濟全靠肥媽支撐,養活一家八口。肥媽透露前夫婚後一年即失業,每月攤大手板問佢攞錢,每次出糧都要成個糧袋都交俾對方,但每每未到月尾就已經花光。所以肥媽的子女們都勸佢離婚,認為如此下去肯定冇前途。肥媽仲話前夫曾偷食家中女傭,令對方懷孕,衰到冇人有!

肥媽 肥媽與首任丈夫曾育有6名子女。
肥媽與首任丈夫曾育有6名子女。(圖片來源:新傳媒照片庫)

以為咁樣做已經夠賤?低處未算低!當前夫覺得肥媽自力更生,佢就想完全控制肥媽,不時拳打腳踢,連刀仔都出埋!只求打到你服。好彩肥媽夠健碩,擋到幾下刀攻拳踢,不過咁做已經傷透佢心,更對小朋友造成好大影響。雖然已經過去多年,但肥媽在節目中重提呢段慘痛經歷時都忍唔住爆喊!

肥媽 111
肥媽曾在節目中憶述首段婚姻,講到忍唔住爆喊。(圖片來源:無綫節目截圖)

與Rick再婚舉行3次婚禮

肥媽嘅葡籍丈夫Rick在2020年不敵癌魔離世。Rick於2017年確診末期肺腺癌,肥媽一邊承受巨大嘅心理壓力,一邊以各種方式支持老公,並肩對抗癌魔。肥媽同丈夫鶼鰈情深,結婚21年來一直恩愛,兩人當年結婚時,曾因家有白事沒擺酒,之後為彌補遺憾,曾先後3次補辦婚禮,肥媽更曾喺在鏡頭面前大讚丈夫,甜蜜講述二人之間嘅相處點滴。

肥媽痛失丈夫!肥媽兩段婚姻曾被前夫家暴 與Rick再婚舉行3次婚禮
Rick與肥媽的弟弟同是曲棍球港隊,之後阿Rick與她的家人夾band相熟,在第二段婚姻中,肥媽學會小鳥依人,並憑一手廚藝吸引老公。(圖片來源:新傳媒照片庫)

重溫肥媽與Rick的甜蜜時光。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:Youtube@肥媽 Maria Cordero、FB@肥媽 Maria Cordero、新傳媒照片庫資料或影片來源:Youtube@肥媽 Maria Cordero、YouTube@TVB (official)