舒淇母愛氾濫 攬實徐若瑄囝囝唔放
廣告
由舒淇、林心如同徐若瑄三人組成嘅「台灣三大黃金盛女」組合，經已係舒淇宣布結婚喜訊嗰一刻解散，事關佢哋已經進化成至索人妻團啦！呢日新婚嘅舒淇見到好姊妹徐若瑄囝囝Dalton攬住唔放，對Dalton愛不釋手，啲母愛擋都擋唔住呀。
呢日，舒淇就分享咗佢同徐若瑄囝囝Dalton嘅影片！喺呢條短片入面睇得到舒淇有幾興奮，一隻手抱住Dalton唱歌，另一隻手就跟住拍子手舞足蹈，投入程度一百分呀！不過Dalton就冇乜表情，呆下呆下，可能心諗點解呢個Auntie搞乜失晒控嘅？
