舒淇

天雨路滑台上跣低!舒淇一招化解尷尬場面

最新娛聞

廣告

人有失手,馬有失蹄,女星舒淇日前到上海出席品牌活動,舒淇當日一身打扮高貴而性感,見慣各種大場面的她上台時,卻因天雨路滑而跣倒,不過女神臨急不亂,最後以一招化解尷尬場面,獲網民激讚型到爆,到底佢使出咩招數呢?一齊睇睇!

撰文:東方新地 圖片:微博IG、影片截圖

舒淇盛裝出席活動

43歲女神舒淇近日到上海出席電影節以及多個品牌活動,在其中一個活動上,她穿上露膊連身裙、三吋幼踭高踭鞋,打扮性感而高貴,絕對係全場焦點!

舒淇、鹿晗及高以翔合演的內地科幻電影《上海堡壘》日前在上海電影節舉辦新片發布會,舒淇除了為新片宣傳,仲出席品牌活動,盛裝打扮的她也有在微博分享照片!

當時下住雨,路面及台上都非常濕滑,腳踏幼細三吋高跟鞋的她全程有工作人員品牌及外籍高層撐着傘子,陪伴行樓梯上台,不過當她行到最後一級樓梯時卻跣腳,舒淇反應好快,急急用手撐着台旁的布置,幸而能站穩未有跌低⋯

 

不過因為台上超濕滑,話口未完正當她站穩踏出一步再行時又跣腳,這次舒淇整個人仆到四腳朝天,真係睇見都戥佢痛,而眾人也大為緊張,怕佢受傷!

舒淇身邊的外籍高層也嚇咗一跳,急急扶起舒淇,她在眾人的攙扶下,碎步咁行去往台中間,舒淇一直面露尷尬的笑容!

赤腳落台

其後舒淇表示自己狀況「還好」,活動結束時,舒淇為免再度跣低,索性除咗一對高跟鞋,赤腳走落台,唔少粉絲好心痛,紛紛留言問佢有冇受傷,也不少網民大讚佢赤腳落台型到爆!

讀者留言