193

多謝曾志偉邀請姜濤 花姐力撐193:有啲嘢得佢夠膽講!

最新娛聞

廣告

自從曾志偉高調回巢任無綫高層、立誓復興TVB之後,對內剷除異己,對外則不斷從Viu TV身上探熱度,近日曾志偉多次出口術,與Viu TV口水戰攞到媒體眼球,193@ERROR(郭嘉駿)不知天高地厚反擊狂寸唔介意得幾百部電視的收視,直斥:「佢咃畀啲老嘢睇!」日前花姐接受訪問回應193及曾志偉的「空中罵戰」:「我呢啲大人有包袱唔夠膽講出嚟,佢(193)夠膽講。」

編輯:東方新地│原文:新Monday|圖片:193 IG、《花姐Error遊》 截圖

 

花姐力撐193 直言:「有啲嘢得佢夠膽講」
曾志偉笑Viu TV收視得4點,點知畀193@error寸爆回敬。

花姐答得有體面

曾志偉回歸無綫之後動作多多,清理完派系之後就開始向ViuTV開戰,博得媒體眼球。曾志偉先在訪問中透露自己曾邀姜濤上TVB,不過被對方拒絕。其後曾志偉又笑Viu TV收視得4點,點知畀193@ERROR反擊寸爆。ERROR經理人花姐日前在活動上回應曾志偉邀請姜濤被拒一事,她表示並冇收到TVB或者曾志偉的電話,直言不知對方如何發出工作邀約。不過花姐都大方表示:「我又唔知老爺(曾志偉)當時點邀請姜濤?無論如何,我都好多謝志偉欣賞姜濤同畀機會佢,第日有冇機會合作就再算。」

花姐力撐193 直言:「有啲嘢得佢夠膽講」
花姐作為姜濤經紀人,她表示並冇收到TVB或者曾志偉的電話。

花姐認同193發表的部份內容

至於193@ERROR寸爆曾志偉一事,花姐力撐193,直言會勸導193作為公眾人物說話要有禮貌,就算內容正確,也不要讓人誤會,她說:「193向來都係呢個style,無心嘅!佢都經常當面話我肥!哈哈!不過佢講嘅內容唔係冇道理,有啲我係認同。我呢啲大人有包袱唔夠膽講出嚟,佢夠膽講。但我都會同佢講,做公眾人物要互相尊重。」

花姐力撐193 直言:「有啲嘢得佢夠膽講」
花姐認為兩台有競爭才有進步,正如自己也有借鏡《聲夢傳奇》去搞好新一屆《全民造星》:「睇到《聲夢》嘅器材很靚,先知道我好窮,哈哈!」

認為曾志偉不會遷怒於193

花姐極力為193的惹火言論降溫,更幫口話大人係唔會怪佢,因為193是一個直腸直肚的人。花姐更相信「老爺」曾志偉很大方,不會遷怒193,花姐笑說:「193咁高,應該可以避開老爺嘅視線 ,我會打畀老爺話193係無心之失。」

花姐力撐193 直言:「有啲嘢得佢夠膽講」
193有花姐力撐,話佢係直腸直肚之人。

曾志偉妄想借姜濤

最近ViuTV來勢洶洶,無綫受到威脅,新上場的曾志偉就急住去整頓綜藝節目,早前在超級綜藝記者會上,因鄧智堅扮演姜濤被其粉絲群起聲討,新節目繼續包含扮嘢環節,曾志偉日前回應此事時竟自爆曾向ViuTV借姜濤,他說:「我記得第一日到TVB返工就即時打去問魯庭暉(ViuTV台長),姜濤可唔可以借?當時魯庭暉話梗係唔得啦!老爺,遲啲再傾啦!哈哈!」借唔到姜濤,曾志偉再暗指ViuTV不是無綫對手:「翡翠台係面向全球華人,節目要以合家歡為主,符合大眾口味。白啲講ViuTV得4點收視,節目題材比較偏,唔係翡翠台路線。我哋選香港小姐就係香港小姐,唔會戴住口罩,所以J2台先係同ViuTV比較收視嘅地方。」

口罩小姐
曾志偉表示不是不放ViuTV在眼內,但又話指翡翠台目標是全球華人觀眾。
口罩小姐
姜濤是ViuTV一手捧出來的超級新星,唔借畀無綫都好正路。

口罩小姐後台隔空開火

對於曾志偉暗指ViuTV不是翡翠台的對手,口罩小姐又唔夠香港小姐有認受性,ERROR四子在口罩小姐總決賽後台回應,提到節目與TVB《開心大綜藝》對撼,肥仔表示兩台觀眾層面不一難以作比較,193笑言打唔贏對方,阿Dee則自嘲:「冇理由用財經新聞台對教育電視。」而講到曾志偉指ViuTV題材偏門只可與J2台比較,193就隔空反擊:「J2咩嚟㗎?後生仔傾吓偈嗰啲?40幾歲仲後生仔?」明寸已年過40歲的無綫主持六號陸浩明,193寸爆說:「佢哋畀啲老嘢睇㗎嘛!我哋係咩年齡層都有。」更指所謂的「收視」亦只得幾百部電視去統計,不用理會。

口罩小姐
對於曾志偉在較早曾稱 ViuTV的節目題材較偏門,而且收視只得約4點,只能與J2作比較等論點,ERROR四子亦不甘示弱,與曾志偉互窒,當中193更連珠發炮。
口罩小姐
當中193的回應最有guts,甚至反問「J2係做咩」等等,句句有骨。不過肥仔最後都打圓場,表示無論TVB或ViuTV都好,能夠帶動觀眾睇電視就算是成功。

曾志偉啜爆性感女模影片詳情?

近日曾志偉與一名性感女模慶生的視頻流出,從片中可見曾志偉在飯局中為壽星女熱唱生日歌之後,特意走向女模身旁一同吹蠟燭,隨後更…詳情請看

被啜爆的性感女模是誰?

影片流出之後,女模的身份背景亦立即被起底。原來女模擁有180cm魔鬼身形,曾經被傳是擔任過多間上市公司主席富豪余錦基的契女…詳情請看