范文雅

范文雅首演索爆秘書 向袁偉豪獻初吻

最新娛聞

廣告

擁有33C上圍嘅無綫「咪神」范文雅(Aliya)加入無綫八年,經常喺社交網大晒火辣身材,但直到近日《棟仁的時光》中先第一次演出一個真正有名有姓嘅角色,飾演一名索爆秘書,不時豪晒事業線,仲畀袁偉豪接吻偷時間,將熒幕初吻獻咗畀袁偉豪!

撰文:東方新地|圖片:網上圖片、范文雅FB

范文雅 性感OL

32歲范文雅2010年喺澳洲參加墨爾本華裔小姐競選勇奪冠軍,仲連掃最上鏡小姐、慈善小姐、網上最受歡迎佳麗同夏日清爽大使等四大獎項,之後佢來港代表墨爾本參選國際中華小姐,成功打入十強,簽約成為無綫藝人。但之後八年最突出都係曾經喺《3日2夜》中著泳衣騷Quali,近年范文雅客串過唔少劇集,但直到《棟仁的時光》先首次演出一個有名有姓嘅角色,佢喺劇中飾演秘書葉雅詩一角,雖然只係配角,但打扮得好性感,成功搶鏡。

無綫都力谷范文雅飾演嘅性感索秘書,不時將鏡頭focus喺佢心口事業線上,仲要勁close up!

劇中范文雅因為袁偉豪為佢出頭而愛上對方,范文雅話佢個角色好敢愛敢恨,所以狂晒身材,主動向袁偉豪出擊!

輕紗晒玉背

近日范文雅喺社交網上載兩張床照,雖然收起咗33C咪咪,但着住半透明嘅薄紗睡衣對鏡頭回眸一笑,玉背若隱若現,睇到網民流晒鼻血!Aliya仲留言話:「Kinda miss the old days. Want to go vacation (有點懷念過去的日子。想去度假。)」相信巴打們都好想同佢一齊去度假!

《3日2夜》玩泥漿浴

其實范文雅在2016年以旁聽生身份參加藝員訓練班後,參演咗好多電視劇,不過提起范文雅最吸引網民嘅演出,應該都係佢喺《3日2夜》中嘅紐西蘭泥漿浴,33C大波勁吸睛!

雖然范文雅在電視劇演出方面,暫時未有太突出嘅表現。

但佢經常喺社交網絡上發佈自己嘅泳衣照,相信有唔少網民受落,至少幫佢喺網民心上留有深刻嘅印象!

 

喺現今資訊發達嘅情況下,能夠好好利用互聯網嘅優勢,亦能為自己創造唔少機會。

 

尤其係擁有美好身段嘅范文雅,佢毫不吝惜於展現自己嘅身材,想必深知自己嘅優勢所在。

未來范文雅仲有《宮心計2深宮計》、《BB來了》同《包青天再起風雲》等劇嘅演出,希望佢能夠有更多嘅發揮機會,畀大家睇吓佢除咗性感之外嘅演戲才華!

讀者留言