《C9特工》大結局 菊梓喬過鏡兩秒 做黎諾懿佈景板
撰文:東方新地
菊梓喬做gym一眨眼隨時睇唔到
《C9特工》進入結局篇，日前一集講到黎諾懿去到健身室，鏡頭一轉，突然出現星夢一姐菊梓喬正在做gym，仲只係過鏡兩秒，連對白都冇，真係一眨眼隨時睇唔到！當觀眾差啲以為自己睇錯，主角黎諾懿就在IG鋪出這短片，證實在片段中出現的這個路人甲，果然是菊梓喬。
黎諾懿在IG寫道：「找亮點，見到我偶像嗎？」
菊梓喬就回應話：「原來有靚仔在後邊！」
許文軒更搭訕問菊姐是否有一個騷錢收，不過菊梓喬就呻話：「我都想！」
到底在《C9特工》離奇過鏡兩秒的菊梓喬，是不知情被攝入鏡變佈景板，定係恨上鏡恨到發燒，做佈景板都唔介意呢！就真係當事人先知嘞！
其實，近年不少「星夢」藝人參與拍劇入晒屋，新簽約的JW即將拍新劇，上年加盟「星夢」的連詩雅，亦有份演出《那些我愛過的人》，剛加入的王敏奕亦接了新劇，菊梓喬要力保一姐地位，當然要落啲力，近期菊姐亦踩過界拍劇，不過就以串星為主，除了《C9特工》過鏡，亦有客串劇集《刑偵日記》。
