菊梓喬

菊梓喬出道僅兩年榮升「菊姐」 於音樂會寸爆回應!

最新娛聞

廣告

菊梓喬(Hana)於2016年出道,期後於多個音樂頒獎典禮中勇奪多個新人獎。上年,Hana加盟星夢娛樂,更為多部無綫劇集唱主題曲,成功令更多人認識她!日前,Hana出席於灣仔一個音樂會,在場唔少人都叫佢做「菊姐」難道佢已成功坐上一姐之位?

撰文:東方新地|圖片:新傳媒圖片庫、Instagram

菊梓喬出道僅兩年榮升「菊姐」

近日,菊梓喬(Hana)出席音樂會,唱出多首出道後的大熱之作,包括:《手中沙》、《今天的我》及《忘記我自己》等,令在場多位聽眾聽出耳油之餘,亦非常投入其中!不過,現場唔少人都嗌Hana做「菊姐」令人不禁懷疑Hana只出道兩年就已成功登上星夢一姐之位!

Hana之後向傳媒解釋,指「菊姐」呢個名由佢第一日入行已經有人咁叫,因為公司想佢俾更多人認識,以前就已經有同事咁叫。

聽到菊姐呢個名,相信有人都會諗起關菊英,當Hana被問到會否擔心將來喺頒獎台上,兩位菊姐同時出現時會誤以為係自己獲獎,Hana就表示都可能會出現呢個情況。

Hana更笑指大家聽到佢被叫「菊姐」可能會以為佢係半百美魔女,繼指自己其實係半百菊梓喬。

菊梓喬幾時開演唱會?

雖然Hana出道時間只有兩年,但佢原來今年已經31歲,當被問到幾時會開個人演唱會,佢坦言自己仲未夠歌,同時都希望自己準備好啲先,直言自己想有啲快歌,希望有生之年可以開到演唱會同錄快歌!

菊梓喬想跳辣身舞

Hana仲大讚自己好夠氣,所以如果唱快歌兼跳舞絕對唔係問題,又話自己唔介意同dancer大跳辣身舞,但就想同女dancer跳多過男dancer,因為覺得同女dancer跳個觀感會刺激啲喎!

田蕊妮簽約星夢娛樂

已經踏入40歲,阿田唔想再拖,決定再圓歌手夢,難得獲TVB力撐,阿田已簽約TVB旗下何哲圖揸旗的星夢娛樂,正開始籌備新碟。

據知情者透露:「阿田好想擺多啲時間去唱歌,還自己一個心願,加上公司全力支持,所以佢決定停劇一年,只會間中做吓主持,其他時間就放晒唱歌方面,依家已經揀緊歌,公司好錫佢,畀佢停工做碟之餘,仲答應會放晒資源,全面力谷佢呢張唱片。」

田蕊妮攞過金獎

06年由亞視殺入TVB ,田蕊妮在13年憑《巨輪》奪台慶頒獎禮雙料視后,演技被肯定,但其實阿田一直有另一心願,是希望得到觀眾認同她一樣唱得。

早於93年田蕊妮已對唱歌充滿理想,參加當年亞洲電視舉辦的「未來偶像爭霸戰」奪得金獎,可惜當時亞視未有唱片部門,令阿田冇機會出碟,反而轉去拍劇,95年拍第一個劇《縱橫四海》演技受讚,從此劇集一部接一部,觀眾似乎亦忘記了她當年是歌手出身。

停劇一年錄碟

據知情者透露:「阿田呢幾年喺無綫發展真係好順利,但佢對當年未有出碟一直耿耿於懷,佢一路都好想再出碟做歌手,雖然14年得Paco(黃柏高)賞識佢,簽咗太陽城娛樂出過一張唱片,但嗰時佢喺無綫上緊位,劇接劇冇停過,根本冇時間宣傳爭取更好成績!佢覺得嘥咗機會,覺得好可惜!」

 

吳若希生B後首次拿獎

早前,吳若希(Jinny)出席勁歌金曲優秀選頒獎典禮獲獎,更是生完女兒之後第一次拿獎,她表示自己既感恩又緊張:「唱歌的時候手都在抖,已經兩年沒參加過優秀選了,回想起新人階段的自己上台拿獎還會哭。」

吳若希大爆與菊梓喬存芥蒂原因

由於傳出吳若希與同門師妹菊梓喬(Hana)不和,Jinny回應有關傳聞時直言不諱,認二人的確存有芥蒂,坦誠大家私下並不相熟,並笑言指:「因為我哋有不明文規定,新人要請舊人食飯,但佢到依家都未請我食飯。」

吳若希一姐地位不保?

另外,當有傳媒問及Hana的出現會否危及其星夢一姐地位時,Jinny則表示:「公司冇一姐,但愈來愈多新人,我都要勤力工作,攞番自己新入行嗰團火出嚟。」而對於有外界將她與Hana作比較時,Jinny直言大家是良性競爭,自己亦欣賞對方聲線。

吳若希自爆是個𢱑撈之人

對於失勢傳聞,Jinny自爆指自己是個𢱑撈之人,故甘於無綫綜藝節目及在劇集《多功能老婆》中做大配角,又話:「不過做綜藝節目並唔係𢱑撈,係為開心,做《美女廚房》係想畀人知我係識得下廚嘅美女。拍劇係客串性質,係我𢱑撈𢱑返嚟,我主動問老闆有冇劇畀我拍。」

吳若希 爭歌失敗自降身價

無綫捧人往往有一套方程式,安排亮相電視台大小節目保送入屋,再由自己人包辦重頭劇片頭片尾曲洗腦式植入,當年吳若希憑一首〈越難越愛〉上到位,如今菊梓喬亦一樣得。繼去年《使徒行者2》片尾曲〈忘記我自己〉博得千萬點擊谷上星夢新一姐後,今年再接再厲又多首《宮心計2深宮計》片尾曲〈飛蛾撲火〉,被網友勁讚唱功意境完勝女主角兼片頭主唱胡定欣。據知情人士透露:「明知執到《深宮計》片尾曲係絕世好籌,吳若希都曾經嗲過CEO何哲圖想搶到手。」

淪為大配角

不過吳若希聲勢今時唔同往日,Herman(何哲圖)最後都係覺得無論聲線定人氣,菊梓喬上陣效果更佳,知情人士說:「呢啲機會以前唔使爭坐定粒六,依家就出到聲都係輸畀人。Jinny(吳若希)都知形勢唔同咗,所以轉移目標想力挽狂瀾。佢都識做嘅,爭唔到歌唱,就叫Herman𢱑多啲嘢畀佢做、同埋見到好多人生完靠仔女入屋,佢都學識po多啲母女相想轉攻慈母路線!」

肯自降身價、又多得Herman幫口,吳若希撈埋遊戲節目《大玩特玩》同陪襯森美拍埋《森美旅行團》,更在千嬅新劇《多功能老婆》爭得一角。雖然排位在千嬅、陳煒、朱晨麗之後,僅僅係第四女主角,不過總算個好開始、仲有希望力挽狂瀾!

#多功能老婆 #蘇蝶 #收工gathering是常識 #合作愉快
jinnyng(@jinnyng)分享的貼文 於張貼

打慈母牌

爭歌唱爭劇拍都敗陣,吳若希近日明顯轉打慈母牌,在個人社交網絡狂po親子相,希望轉移陣地營造好媽媽形象。

jinnyng(@jinnyng)分享的貼文張貼

jinnyng(@jinnyng)分享的貼文張貼

明知《深宮計》片尾曲係支好籌,吳若希當初都爭取過唱Demo,可惜最後老闆何哲圖還是更睇好新愛將菊梓喬,事實上Hana亦不負重望,演唱被指完勝胡定欣首主題曲。

愈爭愈輪

去年生完女一復出,吳若希即當眾表示菊梓喬新歌有得出埠拍係搶自己橋,表面似講笑,但明眼人都睇得出葡萄味重!

為了力挽狂瀾,吳若希復出後明顯接受能力高過做女嗰陣,遊戲節目、旅遊節目都照做,不過一概都係陪襯。

jinnyng(@jinnyng)分享的貼文張貼

力捧上位

舊作〈忘記我自己〉獲頒金唱片當天、菊梓喬又宣布新歌〈飛蛾撲火〉成為itunes榜首及網友至愛,難怪得老闆何哲圖寵程度比當日的吳若希有過之而無不及。

Hana菊梓喬(@hana_kuk)分享的貼文張貼

搶埋同情分

年近三十至出道做新人、瞓身追夢目標清晰之外,菊梓喬成長故事亦都成為吸睛橋段之一,慘情過拍粵語殘片,年紀細細父母已經離異、13歲時更與妹妹分別被父母棄養,童年時期靠社工幫補、成人後就要打工養活妹妹,被妹妹當係超人家姐一樣崇拜。相比吳若希與何雁詩兩位師姐,吳若希出道名字不離一班叔父輩富豪、曾經疑似收入與支出不相符;而強搶鄭俊弘形象大損的何雁詩又係出身富貴十足打緊風流工,Hana成長坎坷自食其力形象的確討好得多。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!