【萬千星輝賀台慶】無綫台慶搞BB爬行大賽 賴慰玲仔仔喊住贏冠軍

撰文：Sunday Kiss、東方新地 | 圖片：無綫台慶截圖 | 編輯：東方新地

【台慶】賴慰玲仔仔喊住贏BB爬行大賽冠軍

昨晚無綫台慶有眾多表演環節，其中一個表演是由人父吳家樂、徐榮、黎諾懿和黃致豪扮演BB爬行、玩玩具和跳舞，動作搞鬼，引得一眾藝員哄堂大笑。

表演過就後舉行「BB爬行大賽」。由孫慧雪、賴慰玲、李漫芬及兩位素人帶佢哋嘅小朋友出戰，其中賴慰玲囝囝Marat一路領先，中途向後一望，被扮BB的吳家樂嚇親，一邊大喊一邊加速向前爬，最終贏得比賽。

除了賴慰玲囝囝喊住爬，其他BB都邊爬邊喊。其實現場非常嘈吵，又多陌生人，而且已經過晒BB要上床訓覺嘅時間，又難怪BB們全部都喊住比賽！希望咁多位媽媽返屋企好好氹返BB，唔會嚇親佢哋啦！

相關文章：

吳若希大爆TVB講明要撐周柏豪

噚晚（19/11)《萬千星輝賀台慶》為慶祝TVB生日，請來一眾藝員歌手表演。當中有一個環節就係搵嚟周柏豪、袁偉豪同胡鴻鈞表演射籃。

問到陳山聰支持邊個時，佢就話識咗袁偉豪咁耐，都唔知佢識打籃球。

之後再問馬國明，佢就話自己支持《降魔的》嘅胡鴻鈞，不過唔知自己嗰隊支唔支持。

最後訪問埋歌星隊嘅吳若希，佢就話：「我個心就係支持胡鴻鈞，不過TVB份稿叫我支持周柏豪！」Do姐都不禁講句：「乜你咁㗎？」連叻哥等人都忍唔住話佢倒米。有網民就諗此言論一出，吳若希應該好快畀TVB高層「照肺」喇！

同場加映：

Do姐叫錯名 場面非常尷尬

射籃之後有一個環節係《兄弟》一眾演員大騷身手，表演過後Do就介紹幾位男演員時就將伍允龍叫做馬允龍，不過Do未有察覺，場面搞到幾咁尷尬。