TVB台慶2021｜草蜢登場忘情森巴舞 率一眾歌星一齊WouBaBomBa勁尷尬
廣告
今日是《萬千星輝賀台慶2021》，香港男團始祖草蜢亦都應曾志偉邀請返TVB代表歌星隊表演！草蜢跳舞勁就一向都係，不過最後佢要一班平時玩開樂器嘅歌手、Band友一齊跳，場面有啲尷尬！
文：東方新地｜圖：《萬千星輝賀台慶2021》截圖
草猛隔13年再臨台慶
一班歌星包括陳柏宇、曾比特、馮允謙、林奕匡齊齊拿起結他、電子琴等樂器，統一黑白西裝為大家送上多首經典名曲，非常型格，當中Supper Moment亦再次現身TVB，與海俊傑合唱《狂野之城》，氣氛唔錯。然後突然氣氛一轉，13年冇出現喺台慶嘅草蜢突然跣出舞台，一嚟就跳咗Part《忘情森巴舞》，突然有種童年回憶返晒嚟嘅感覺！
歌手一齊《熱力節拍WouBomBa》好尷尬
草蜢跳舞勁就當然啦，不過由於節奏跳得太快，草蜢身後的伴舞又即時變返做剛才表演的型格歌手們，仲同埋草蜢一齊跳WouBaBomBa！只見一班歌手動作生硬，身體又跟不上音樂的節奏，場面相當尷尬！
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
