萬千星輝頒獎典禮

萬千星輝頒獎典禮2022|陳山聰搶走視帝 江美儀封后 林敏驄上台狂爆金句

最新娛聞

廣告

《萬千星輝頒獎典禮2022》完滿結束,於3個最大獎項中,最佳劇集及視后均落在《下流上車族》及女主角江美儀手中,可惜林敏驄卻失落視帝獎,輸給《金宵大廈2》的陳山聰!

萬千星輝頒獎典禮 江美儀得視后,林敏驄卻失落視帝
江美儀得視后,林敏驄卻失落視帝(圖片來源:TVB《萬千星輝頒獎典禮2022》截圖)

最佳男主角|林敏驄大熱倒灶 陳山聰開齋攞視帝

《金宵大廈2》的陳山聰,擊敗事前呼聲最高的63歲《下流上車族》男主角林敏驄,以及《白色強人2》的馬國明,《超能使者》的陳展鵬以及《痞子殿下》的周嘉洛,首次奪得無綫最佳男主角一獎,對上一次他得獎是2019年跟李施嬅齊奪最受歡迎電視拍檔。

萬千星輝頒獎典禮 陳山聰首奪視帝獎,感謝多年來一直支持他的各人
陳山聰首奪視帝獎,感謝多年來一直支持他的各人(圖片來源:TVB《萬千星輝頒獎典禮2022》截圖)

陳山聰多謝拍檔李施嬅

陳山聰說:「非常之感恩,係我人生馬拉松入面,最困難嘅唔係面對自己失敗,係點樣由失敗企番起身,而步向成功,今日我想同幫過我嘅所有人講,我踏進成功嘅一步,我要多謝《金宵大廈2》我嘅好拍檔,李施嬅小姐,多謝編劇編審。」

萬千星輝頒獎典禮 陳山聰向施嬅送抱
陳山聰向施嬅送抱(圖片來源:TVB《萬千星輝頒獎典禮2022》截圖)
萬千星輝頒獎典禮 聽到陳山聰於台上的感言後,李施嬅於台下偷偷拭淚
聽到陳山聰於台上的感言後,李施嬅於台下偷偷拭淚(圖片來源:東方新地)

感謝TVB 23年提攜

陳山聰又說:「多謝TVB 23年不停提攜我,唔係因為成功先提攜,多謝你阿爸(指曾志偉),失意時問我仲想唔想拍劇,如果唔會有今日嘅陳山聰,多謝珍姐,多謝樂小姐,雪中送炭,多謝我老婆呢十年為我付出咁多,為我生咗個仔。」

萬千星輝頒獎典禮
(圖片來源:東方新地)
萬千星輝頒獎典禮 視帝視后互送祝福
視帝視后互送祝福(圖片來源:TVB《萬千星輝頒獎典禮2022》截圖)

最佳女主角江美儀揪贏同劇鮑姐封視后

《下流上車族》的江美儀擊敗同劇的鮑起靜、《金宵大廈2》的李施嬅、《痞子殿下》的陳瀅及《回歸》的陳煒奪得視后獎,是她繼2013年憑《衝上雲霄》奪得最佳女配角後,再於無綫奪獎,難怪她上台時喊晒口十分激動。

萬千星輝頒獎典禮 江美儀以為自己不是親生女,便不會得獎
江美儀以為自己不是親生女,便不會得獎(圖片來源:TVB《萬千星輝頒獎典禮2022》截圖)

以為唔係親生女唔會攞獎

江美儀於苗橋偉及黃日華手上領過獎項:「我冇諗過會攞到獎。多謝TVB,我以為自己唔係親生女,唔會攞到呢個獎,我要多謝曾生、珍姐、樂小姐、鍾澍佳,多謝《下流上車族》所有台前幕後工作人員,多謝台上咁多位兄弟姐妹,陳煒我哋好爭氣呀!」

萬千星輝頒獎典禮 江美儀跟陳煒兩個亞視幫抱抱,又稱二人也十分爭氣
江美儀跟陳煒兩個亞視幫抱抱,又稱二人也十分爭氣(圖片來源:TVB《萬千星輝頒獎典禮2022》截圖)

多謝《東張西望》畀飛父母

江美儀續說:「仲有多謝《東張西望》,我想畀嗲哋媽咪嚟睇,真係畀四張飛我,上次嚟唔到睇我攞女配角,今次見證我攞最佳女主角,真係多謝晒,多謝我經理人,唔係搵到好多錢,但對我不離不棄!」

萬千星輝頒獎典禮 江美儀喊到面容扭曲
江美儀喊到面容扭曲(圖片來源:TVB《萬千星輝頒獎典禮2022》截圖)

最佳劇集《下流上車族》大熱跑出

《下流上車族》於一片大熱中奪得最佳劇集,一班台前幕後上台領獎致謝,男主角林敏驄不但掛住於台下跟曾志偉寒暄而遲上台,一上台時更扮傻問張艾嘉「頒咩獎?」

萬千星輝頒獎典禮 林敏驄打趣地問張艾嘉頒什麼獎
林敏驄打趣地問張艾嘉頒什麼獎(圖片來源:TVB《萬千星輝頒獎典禮2022》截圖)

乘機宣傳個人演唱會

林敏聰說:「我想講嘅好簡單,2023年,係好特別一年,3月18、19有兩場好精彩演唱會,希望到時見到大家!恭喜山聰,個人榮辱好少事,識攞梗係攞終極大獎,見到咁多同事攞咁獎,能夠參與呢部劇好驕傲。」

萬千星輝頒獎典禮 林敏驄上台劈頭便宣傳自己的演唱會
林敏驄上台劈頭便宣傳自己的演唱會(圖片來源:TVB《萬千星輝頒獎典禮2022》截圖)

林敏聰激罕轉讚曾志偉

然後林敏驄「車志明」上身,轉換認真mode續說:「多謝總經理,同佢一齊做嘢咁多年,佢對我都冇乜好過,一直等佢良心發現。拍完戲之後,同佢同美儀一齊食飯,發現佢比我更了解我,好似一個最好朋友默默守護你身邊,佢知道晒你做到咩,同知你所有不足,喺適當時推你一下,推你去死!佢有夥善良嘅心,呢度幾百人,都數唔到有幾多個人受佢幫助。大家話係咪?」

萬千星輝頒獎典禮
(圖片來源:TVB《萬千星輝頒獎典禮2022》截圖)

寸江美儀「啪丸」做烏雞視后

阿驄又說︰「由於佢(曾志偉),令我哋幾個老嘢,鮑姐呀……」江美儀插嘴說︰「唔係我呀!」阿驄又反擊她說:「你唔好以為著到成隻烏雞咁,做視后?今朝啪幾粒事後丸,搏到吓!唔好撩啦(PA催促)!新聞遲少少啦!」最後要節目主持周奕瑋打斷阿驄說話,邀請導演致謝詞。

萬千星輝頒獎典禮 曾志偉罕有被林敏驄讚
曾志偉罕有被林敏驄讚(圖片來源:TVB《萬千星輝頒獎典禮2022》截圖)

馬來西亞最喜愛TVB男主角陳展鵬三奪視帝

陳展鵬憑《超能使者》,擊敗《白色強人2》的馬國明及《美麗戰場》的陳山聰等,奪得馬來西亞最喜愛TVB男主角,陳展鵬更是第三次奪得這個角色。

萬千星輝頒獎典禮 陳展鵬第三次奪得馬來西亞視帝,感謝馬拉觀眾支持
陳展鵬第三次奪得馬來西亞視帝,感謝馬拉觀眾支持(圖片來源:TVB《萬千星輝頒獎典禮2022》截圖)
萬千星輝頒獎典禮
(圖片來源:TVB《萬千星輝頒獎典禮2022》截圖)

公開祝唐詩詠前稱錦繡

陳展鵬於台上說:「入行以嚟,經常得到馬來西亞觀眾支持,多謝大家支持《超能使者》,令我哋異能發光發亮,令我對呢個世界充滿好奇,點樣歷久常新,令觀眾有新鮮感,多謝《超能使者》,希望唐詩詠前程錦繡,山聰子善我哋三個爸爸要努力,多謝太太。我會繼續演好唔同角色同港劇畀大家睇!」

萬千星輝頒獎典禮 超能使者 唐詩詠劇中同陳展鵬有不少對手戲。
(圖片來源:TVB《超能使者》劇照)

馬來西亞最喜愛TVB女主角|劉佩玥首封視后

於《美麗戰場》飾演記者的劉佩玥,擊敗《今宵大廈2》的李施嬅及《超能使者》的唐詩詠等,奪得馬來西亞最喜愛TVB女主角獎,是她繼2016年奪馬來西飛躍女藝員獎後再奪獎。

萬千星輝頒獎典禮 劉佩玥首次奪得馬來西亞視后獎項
劉佩玥首次奪得馬來西亞視后獎項(圖片來源:TVB《萬千星輝頒獎典禮2022》截圖)

同陳瀅陳曉華攬攬 龔嘉欣冇份

劉佩玥得獎獲不少《美麗戰場》拍檔支持,她上台前跟陳瀅同陳曉華攬攬,但龔嘉欣卻被賣甩,只坐在椅上,之後劉佩玥走上台講得獎感受,陳瀅在台下幫她拍片。

萬千星輝頒獎典禮 陳瀅幫劉佩玥拍片
陳瀅幫劉佩玥拍片(圖片來源:東方新地)
萬千星輝頒獎典禮 兩位姐妹跟劉佩玥,龔嘉欣則齋坐
兩位姐妹跟劉佩玥,龔嘉欣則齋坐(圖片來源:東方新地)

開腔請葉念琛食飯

首次贏得馬來西亞視后的劉佩玥說:「冇諗過攞呢個獎,多謝馬來西亞fans,所有用過我嘅監製,好多謝葉念琛,好多謝你,下次食飯我請,多謝台上嘅兄弟姐妹,我會繼續努力,感謝你哋。」

萬千星輝頒獎典禮
(圖片來源:TVB《萬千星輝頒獎典禮2022》截圖)

最佳男配角鄧智堅擊敗大熱Bob 奪男配角喊晒口

《下流上車族》的鄧智堅擊敗事前被視為大熱門之一、《美麗戰場》的林盛斌(阿Bob)奪得無綫最佳男配角獎,也是他2017年加入無綫後首個獎項。

萬千星輝頒獎典禮 得獎的鄧智堅激動得面容扭曲
得獎的鄧智堅激動得面容扭曲(圖片來源:TVB《萬千星輝頒獎典禮2022》截圖)
萬千星輝頒獎典禮 一臉難以置信
鄧智堅一臉難以置信(圖片來源:TVB《萬千星輝頒獎典禮2022》截圖)

落台領獎先抱抱江美儀搞喊對方

鄧智堅表現得一臉難以置信,更忍不住激動落淚,他走落台時先去抱抱同劇拍檔江美儀,鄧智堅由頒獎嘉賓陶大宇及梁榮忠手上拿過最佳男配角時多謝眾多無綫高層、《下流上車族》的演員、劇場及家人,台下的江美儀其後也忍不住哭起來。

萬千星輝頒獎典禮 鄧智堅得獎後第一個走去攬攬江美儀
鄧智堅得獎後第一個走去攬攬江美儀(圖片來源:TVB《萬千星輝頒獎典禮2022》截圖)
萬千星輝頒獎典禮 江美儀於台下激動得哭起來
江美儀之後更激動得哭起來(圖片來源:TVB《萬千星輝頒獎典禮2022》截圖)

望男配十強有機會齊開劇

鄧智堅說:「多謝每位投票嘅觀眾朋友,多謝《下流上車族》咁多位演員,我哋之所以有好火花,係因為每位演員堅守守則,多謝演藝學院,多謝劇場,你哋滋潤嘅我生命,多謝屋企人,多謝咁多位十強,位位都好好戲,希望第時有套劇搵晒我哋一齊拍!」

萬千星輝頒獎典禮
(圖片來源:東方新地)
萬千星輝頒獎典禮
(圖片來源:TVB《下流上車族》劇照)

最佳女配角蔣家旻砌低車家姊妹 大熱奪獎

《美麗戰場》為一向演開乖乖女角色的蔣家旻,首次挑壞女人角色「鍾家琪(反骨琪)」,事前已呼聲最高,結果順利擊敗《下流上車族》「車家兩姊妹」郭柏妍及羅毓儀,以及《超能使者》的劉穎鏇等等,入行15年終順利奪得女配角獎,這是她繼2020年奪得無綫飛躍進步女藝員獎後再次得獎。

萬千星輝頒獎典禮 蔣家旻拿大熱拿女配角獎
蔣家旻拿大熱拿女配角獎(圖片來源:TVB《萬千星輝頒獎典禮2022》截圖)
萬千星輝頒獎典禮 《美麗戰場》的葉念琛也是蔣家旻眾多多謝人物之一
《美麗戰場》的葉念琛也是蔣家旻眾多多謝人物之一(圖片來源:TVB《萬千星輝頒獎典禮2022》截圖)
萬千星輝頒獎典禮 蔣家旻點名多謝珍姐的教導
蔣家旻點名多謝珍姐的教導(圖片來源:TVB《萬千星輝頒獎典禮2022》截圖)

點名多謝珍姐葉念琛

蔣家旻於台上說:「多謝公司頒呢個獎畀我,另外好多謝珍姐,畀好多機會我,包括令《愛回家》嘅馬子妮深入民心,多謝導演葉念琛畀我演反骨琪,成為我演藝路上另一個代表作,好多謝你對我無限信任,令我去超越自己,多謝每個《美麗戰場》,每個角色加埋一齊,先令觀眾有咁深刻印象,多謝投票每一個人,呢個獎係你哋成就出嚟,我係演藝路上行得比人慢,但好多師兄師妹嘅一步一腳印,話俾我聽堅持嘅可貴,我會帶住演戲熱誠,做好自己。」

萬千星輝頒獎典禮
(圖片來源:東方新地)
萬千星輝頒獎典禮
(圖片來源:TVB《美麗戰場》劇照)

林敏驄腫過豬蹄 撐枴杖現身

林敏驄今日曾於互聯網出帖,指自己因為腳傷而缺席台慶頒獎禮,他留言說:「尋日踢波畀條鬼頭踢瘀左腳眼…斤(今)晚去5到鳥(唔到了)。」怎料於傍晚的紅地毯上,卻見到林敏驄露面,他當時跟《下流上車族》幾位拍檔江美儀、郭柏妍及羅毓儀一同走紅地毯,撐著枴杖入場,他於紅毯上給在場傳媒記者拍照時更嘗試提起單腳。

萬千星輝頒獎典禮 林敏驄撐著柺杖與「家人」一同行紅地毯
林敏驄撐著柺杖與「家人」一同行紅地毯(圖片來源:YouTube@TVB (official))
萬千星輝頒獎典禮 林敏驄嘗試向在場傳媒展示傷勢
林敏驄嘗試向在場傳媒展示傷勢(圖片來源:YouTube@TVB (official))
萬千星輝頒獎典禮 林敏驄指自己踢波受傷,應該會缺席頒獎禮
林敏驄指自己踢波受傷,應該會缺席頒獎禮(圖片來源:FB@林敏驄)

去年萬千星輝頒獎典禮2021 獎項誰屬?得獎名單詳情?

去年頒獎禮名單由最佳男配角開始、姜麗文大熱奪飛躍進步女藝員後,飛躍男藝員就「鬧雙胞」⋯⋯得獎名單詳情最後五強名單

去年視后鍾嘉欣為何未能奪獎?

去年鍾嘉欣為了出席今屆頒獎禮,一早帶同兒子由加拿大返港,賽前一日曾有說她閃電離港,但事實係⋯⋯按此收看

撰文:東方新地圖片來源:tvb.com、YouTube@TVB (official)、TVB《萬千星輝頒獎典禮2022》截圖資料或影片來源:YouTube@TVB (official)