萬千星輝頒獎典禮2020

【萬千星輝頒獎典禮2020】賴慰玲首次提名即獲女配 白彪演衰老爺奪男配

最新娛聞

廣告

《萬千星輝頒獎典禮2020》今晚在電視城舉行,除了視帝視后大獎受注目外,最佳男配角及最佳女配角競爭同樣激烈,最後由首次獲提名的賴慰玲及白彪奪得。

文:東方新地 | 圖:無綫《萬千星輝頒獎典禮2020》截圖、東星圖片

《萬千星輝頒獎典禮2020》「最佳女配角」由候選視后的蔡思貝負責頒發,蔡思貝一上台看一看賽果便笑住話:「叫得我嚟都知邊個啦,我嘅好姊妹,賴慰玲﹗」

13年加入無綫的賴慰玲,有小鄭裕玲之稱,第一次提名便得到女配角,在《反黑路人甲》中飾演外剛內柔的黑幫大家姐,演技大受讚賞。
《萬千星輝頒獎典禮2020》「最佳女配角」得獎賴慰玲,13年加入無綫,有小鄭裕玲之稱,第一次提名便得到女配角,在《反黑路人甲》中飾演外剛內柔的黑幫大家姐,演技大受讚賞。

姊妹蔡思貝手上攞獎

《萬千星輝頒獎典禮2020》「最佳女配角」賴慰玲發表感言:「唔敢諗,好多人同我講係我,但我唔敢諗因為怕大家失望,多謝公司畀咗好多機會,多謝樂小姐,經理人,多謝珍姐,多謝演藝學院老師,教我演員應有態度,羅冠菛叫我試鏡入到M Club,台前幕後所有人,多謝你張振朗,要問啱問題,我哋要一齊進步,喺娛樂圈好難得搵到好朋友,多謝屋企人,多謝屋企兩位梁先生。」

賴慰玲奪「最佳女配角」
賴慰玲奪「最佳女配角」

「最受歡迎電視歌曲」胡鴻鈞《凡人不懂愛》

由聲夢傳奇四位十四歲參賽者炎明熹、鍾柔美、詹天文和姚焯菲宣布「最受歡迎電視歌曲」由胡鴻鈞主唱的《降魔的2.0》主題曲《凡人不懂愛》獲獎。胡鴻鈞發表感言:「對上一次上呢個台係因為《降魔的》,今次係《降魔的2.0》,希望會有《降魔的3》,好似好旺,其實入行至今,好感恩,可以唱劇集主題曲,多謝我嘅歌迷,祝大家身體健康。」

《聲夢傳奇》14歲參賽者炎明熹等唱出候選歌曲。
《聲夢傳奇》14歲參賽者炎明熹等唱出候選歌曲。
胡鴻鈞主唱的《凡人不懂愛》奪得歌曲獎。
胡鴻鈞主唱的《凡人不懂愛》奪得歌曲獎。

馬來西亞最喜愛TVB男主角

因為疫情關係在大馬未能舉行頒獎禮,故現場同時宣布馬來西亞的獎項。王浩信憑《踩過界2》再次獲得馬來西亞封帝。

【萬千星輝頒獎典禮2020】賴慰玲首次提名即獲女配 白彪演衰老爺奪男配

馬來西亞最喜愛TVB女主角

龔嘉欣憑《殺手》得到馬來西亞TVB女主角,龔嘉欣首封后:「多謝馬來西亞支持者,多謝樂小姐咁多年來都支持我,多謝Joe,我可以打成咁,多謝《殺手》台前幕後,多謝指導我嘅武指,多謝祥哥,喺你身上學到演員嘅尊嚴,我先可以咁博命。最後最後,多教珍姐,除咗教我點演戲,多謝你教我做人,仲有你煮嘢好好食,你會煮嘢畀我哋,知我一個人,我唔會令大家失望,多謝。」

今屆大熱視后,先在馬來西亞封后,講感言時一度哽咽。
今屆大熱視后,先在馬來西亞封后,講感言時一度哽咽。

馬來西亞最喜愛TVB電視劇集

《反黑路人甲》

白彪奪「最佳男配角」

丹爺頒發「最佳男配角」前,台下演員個個睇好《反黑路人甲》的徐榮,當丹爺上頒話:「我識佢好耐。」然後頒發「最佳男配角」得獎是白彪。

【萬千星輝頒獎典禮2020】賴慰玲首次提名即獲女配 白彪演衰老爺奪男配
白彪奪最佳男配角

演衰老爺演得入型入格

白彪憑《香港愛情故事》奪得《萬千星輝頒獎典禮2020》「最佳男配角」,74歲的資深演員白彪,加入佳藝電視入行,服務過不少電視台,是第一代「郭靖」。曾移民加拿大後回流拍劇,19年與無綫簽部頭合約,在話題劇《香港愛情故事》的躁漢兼乞人憎老爺,演得入型入格。

白彪得獎表示:「多謝電視機前朋友,多謝樂小姐、珍姐、杜生,多謝丹爺,佢成日叫我白彪,講完就陰陰嘴笑,都唔知佢咩意思,話你知丹爺,我今晚唔係白彪,係奪標!」愈講愈遠又唔停口,丹爺一度想截停,白彪繼續講,全場大笑,後來大會司儀鄭裕玲出手截停:「時間有限,唔好意思﹗」

白彪講感言講不停口,最後要鄭裕玲出手拖走佢,相當搞笑。
白彪講感言講不停口,最後要鄭裕玲出手拖走佢,相當搞笑。

「最佳節目主持」雙豪奪得

「最佳節目主持」由《兩個小生去Camping》的周柏豪和袁偉豪奪得,

「最佳非戲劇組節目」港姐選舉都有份

《香港小姐2020選舉》、《你還好嗎?》、《東張西望》、《衝上雲霄大選》、《今晚請客》

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!