苗僑偉

萬千星輝頒獎典禮2020 |入行逾三十年選視帝!62歲苗僑偉 嫩男變型佬

最新娛聞

廣告

在重頭劇《使徒行者3 》及《飛虎之雷霆極戰》孭重飛的三哥(苗僑偉),近日瞓身博盡宣傳,當後輩林峯同王浩信都各有打算,62歲苗僑偉絕對有機會趁勢攝位搶視帝,令賽果峰迴路轉!

撰文:東方新地 |圖片:劇照、 苗彤IG

萬千星輝頒獎典禮2020 候選視帝苗僑偉

出道四十年的三哥(苗僑偉),近年拍劇拍上癮,在無綫和邵氏劇集都孭重飛演出,近日在台慶劇《使徒行者3》演出大獲好評,三哥野心亦膨脹,努力谷人氣向台慶視帝進發!

萬千星輝頒獎典禮2020 |入行逾三十年選視帝!62歲苗僑偉 嫩男變型佬

黃宗澤與苗僑偉多次合作,今年合作《飛虎之雷霆極戰》,去年就於《守護神之保險調查》調換崗位,黃宗澤扮演苗僑偉的上司,加上太子女劉心悠組成保險公司的鐵三角調查員。

近年三哥經常包辦動作、爆破及飛車動作場面,而三哥之前接受訪問時投訴,所有打殺危險場面通通有份,話雖如此,62歲的他依然身手敏捷,外型也當然唔似「登六」!
近年三哥經常包辦動作、爆破及飛車動作場面,而三哥之前接受訪問時投訴,所有打殺危險場面通通有份,話雖如此,62歲的他依然身手敏捷,外型也當然唔似「登六」!

 

苗僑偉 有型御用警察

苗僑偉外表夠哂型就唔多講,身形高大之餘,行出嚟個感覺亦只啱做大佬或者警隊較高級職位嘅角色。而他以往也演過不少紀律部隊的人員,堪稱係「御用警察」!

苗僑偉
電視劇《使徒行者》劇照。
苗僑偉
電視劇《刑警》劇照。

苗僑偉 82年 定情劇《飛越十八層》

82年苗僑偉同戚美珍喺《飛越十八層》擔任男女主角,三哥更一人分飾兩角,劇集大受歡迎,除令兩人走紅外,亦係兩口子定情之作。

苗僑偉

87年 唯一古裝情侶檔

87年29歲嘅三哥三嫂繼《飛越十八層》後,喺古裝劇《天龍神劍》再以情侶檔姿態示人,劇中兩人著古裝奉旨談情,份外溫馨甜蜜。

苗僑偉

82年 激罕3P半裸

苗僑偉、黃日華半裸露點同師妹戚美珍大玩3P型格合照,當時已同戚美珍拍拖,相中黃日華仲keep住《過客》髮型,當年男星未流行爆肌,難得一見二人騷胸肌,勝在罕見。

苗僑偉

83年 組五虎

83年被無綫力捧,與黃日華、劉德華、梁朝偉、湯鎮業組成無綫五虎。在80年代締造了不少黃金時代的代表劇,主演了很多經典影視劇。五虎中,與華仔最熟,經常相約打保齡,偉仔就很少聯絡了。

苗僑偉

83年 電視代表作《射鵰英雄傳》

83年苗僑偉喺《射鵰英雄傳》演繹出金庸筆下楊康嘅深情、無奈、掙扎同陰險狡詐,加上古裝扮相英氣軒昂兼玉樹臨風,令三哥爆紅,成為佢嘅電視代表作,至今仍然是經典!

苗僑偉

熒幕情侶翁美玲

苗僑偉憑楊康一角人氣急升後,無綫趁勢將佢同翁美玲打造成金童玉女,之後合作咗《決戰玄武門》、《天師執位》、《生鏽橋王》、《楚留香之蝙蝠傳奇》四部劇集,成當時觀眾最喜愛和最受歡迎熒幕情侶。

苗僑偉

 

苗僑偉

83年 變單眼皮靚仔

苗僑偉一向都係雙眼皮,但呢張大頭相25歲嘅三哥望落好似單眼皮,只是角度問題,冇損三哥俊朗外表。

苗僑偉

83年 Rock友look

苗僑偉自出道以嚟都畀人穩重踏實感覺,但83年替劇集《播音人》特刊影宣傳相時,黑超黑皮背心黑皮褲上陣,全身皮衫皮褲、粗皮手帶加埋副黑超,又rock又破格。

苗僑偉

84年 斯文文青look

苗僑偉出道初期除拍劇外甚少戴眼鏡,呢次戴咗副方圓啡框眼鏡襯番佢個面形,立即變文青,咁識揀眼鏡難怪三年後創立藝視眼鏡集團。

苗僑偉

84年 激凸三角泳褲

三哥的三角泳褲look很少見吧,廿歲出頭,fit到漏。三哥呢個無邪笑容,簡直係超級無敵冧死女,絕對係俘虜萬千少女嘅心。

苗僑偉

 

苗僑偉新加入IG大家庭

最近唔少前輩級藝人潮玩IG,而日前亦多咗一位60歲嘅男藝人開咗個IG戶口,講梗嘅呢位男藝人就係男神三哥苗僑偉!

苗僑偉

三哥加入IG大家庭,第一張就post出同一對仔女,27歲長女苗彤及25歲幼子苗俊嘅合照,雖然暫時就未見有三嫂戚美珍嘅相,但相信大量嘅三嫂都唔會介意俾仔女搶先出現喺三哥IG度嘅!

View this post on Instagram

Happy dinner 😋

A post shared by Michael Miu (@michaelkiuwaimiu) on

View this post on Instagram

呢頂四方帽来得不容易🎉🎉🎉

A post shared by Michael Miu (@michaelkiuwaimiu) on

比汪阿姐更識潮玩

三哥個IG開咗三日就已經有接近一千粉絲追隨,而三哥暫時只關注咗18人,而三哥亦用IG宣傳有佢份主演嘅新戲《守護神》,而且亦都識得Tag一對仔女嘅帳戶,睇嚟三哥都好識玩喎!

View this post on Instagram

#守護神#12月6日愛奇藝首播🍾🍾🍾

A post shared by Michael Miu (@michaelkiuwaimiu) on

苗僑偉晒全家福賀仔仔大學畢業

苗僑偉(三哥)與戚美珍結婚28年,育有一名27歲長女苗彤及25歲幼子苗俊。光陰似箭,昔日的兒子已經長大成人,並且大學畢業了。兩姊弟均在加拿大留學,日前三哥連同三嫂便飛往加拿大出席仔仔大學畢業典禮,並拍下溫馨的全家幅。

苗僑偉晒全家福
兒子苗俊穿上畢業袍,姊姊苗彤(右二)也有出席
三哥三嫂「嘟嘴」裝作親吻兒子
三哥三嫂「嘟嘴」裝作親吻兒子

養大兒子到二十五歲,看到他大學畢業三哥都在微博寫道:「畢業了!開心!並不是什麼學業有成,而是你的堅持和努力被肯定。是你學懂了怎樣面對困難和挫折,學懂怎樣面對孤獨和無助。你大個仔了,恭喜Murph! ​​​​」

大女苗彤主修心理發社會學,有傳2009年時曾獲TVB邀請她參選港姐,不過三哥出面婉拒。雖然父母都是娛樂圈中名人,不過苗彤就無意投身娛樂圈,她熱愛拍攝,遂追夢成為攝影師。

苗僑偉

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!