萬千星輝頒獎典禮2021

萬千星輝頒獎典禮2021|鍾嘉欣陪跑14次失視后 暗寸TVB冇誠意 十字真言回敬

最新娛聞

廣告

萬千星輝頒獎典禮2021|昨晚(2日)圓滿結束,譚俊彥及林夏薇封視帝后,而一心回港搶獎的鍾嘉欣,陪跑14次仍失落最佳女主角!頒獎禮後,鍾嘉欣雖然急急腳鬆人回家湊仔,但仍不忘慰藉電視城外的粉絲,期間接受訪問更大爆回港出席頒獎禮原委,其中十字帶骨回應更讓人覺得可惜。

撰文:東方新地|圖片:無綫片段截圖、ig@lindachung、《仁醫》劇照

萬千星輝頒獎典禮2021 鍾嘉欣《仁醫》輸林夏薇《七公主》

鍾嘉欣入行17年,已獲提名14次卻都止步於五強,今次憑著《星空下的仁醫》章以芯一角競爭視后,其多層次演技,無論揪心喊戲抑或與拍檔鄭嘉穎曖味甜蜜都讓人看得舒服,獲不少網民大讚演技肉眼可見的進步而成為大熱,已遠嫁加國專心相夫教子的她,為了頒獎禮特別回港隔離出席,惜仍難逃陪跑命運,敗給林夏薇。林夏薇憑《七公主》封后,林劇內角色屬同性質喪夫虐心喊戲連連,助她首次封視后

萬千星輝頒獎典禮2021
鍾嘉欣在《星空下的仁醫》演活章醫生一角。(圖片來源:ig@lindachung)
萬千星輝頒獎典禮2021
林夏薇在《七公主》飾演喪夫婦人,歇斯底里的喊戲亦獲讚賞。(圖片來源:無綫節目截圖)

鍾嘉欣失獎後獲粉絲呵番

鍾嘉欣今次大熱倒灶,只獲得馬來西亞「我最喜愛女主角」,在奪得大馬視后時,冷靜講感言:「入行17年時間過得真快,在電視圈要站穩是需要很大汗水,也很感謝TVB給予鍾嘉欣一個名,在以後日子中也會繼續祝福TVB。」言語表情絲豪沒半點激動,似是已率先預知會失香港視后。完騷後,換好便衫急急腳回家趕湊仔的鍾嘉欣,在電視城外留步與粉絲慶祝,粉絲送上預先訂製的「封后」蛋糕,為他們心目中的視后慶祝!

萬千星輝頒獎典禮2021
鍾嘉欣得馬來西亞視后,似乎已預知封港視后撻Q,冷靜交代感言。(圖片來源:無綫節目截圖)
萬千星輝頒獎典禮2021
中空透視裝戰鬥格的鍾嘉欣,獨自行紅地毯霸氣十足!(圖片來源:無綫節目截圖)
萬千星輝頒獎典禮2021
換回便服,鍾嘉欣在電視城門外與粉絲慶祝,手持預先訂製的「視后蛋糕」任影。(圖片來源:無綫節目截圖)

鍾嘉欣 失獎感言由平靜到有骨

與粉絲慶祝期間,鍾嘉欣亦有接受《娛樂新聞台》主持訪問,被問到有否覺得失望,嘉欣抖啖大氣表示「一啲都冇」,然後滔滔不絕謂:「其實我唔知幾時再返嚟,再可以上呢個台,入咗行咁多年,其實我喺台上估到,所以我話我唔知仲有冇機會上到呢個台﹗提名嘅人都係我曾經的同事,係朋友,我知拍劇係需要好多汗水,佢哋都有佢哋嘅付出﹗」然後進入自我安慰mode:「我覺得我可以有呢個心態好叻叻豬﹗以前細個,每次參加都好緊張,但做咗媽媽,內心強大﹗坐喺現場先知自己原來睇化咗,成個過程都好安然,去享受個騷,冇手汗,冇心跳加速,我依家長大咗,衷心祝福﹗」鍾嘉欣大爆老公個「衰豬」有睇直播,睇睇老婆靚唔靚,記者問佢老公認為如何,鍾嘉欣嬌笑道:「佢話老婆好yummy!」本來稱囝囝好硬頸唔願瞓要等佢返歸,所以要趕住返屋企,但最後趕住趕住又答,重新提今次返港原因,更爆TVB只用WhatsApp作邀請,她考慮良久,認為今次角色好多粉絲、網民及傳媒都支持,好多人想見證她站上台上領獎,好感恩,所以回港,最後她鬆一口氣謂:「可能我都係做得唔夠好,所以得唔到,我要繼續努力,可能十年後幾年後有機會﹗(即係會繼續幕前工作?)嘩﹗講緊幾年喎,即係至少五年喎,其實未必有呢個機會,因為要遇到好心動嘅劇本,今次真係冇諗過呢部劇會為我帶來咁多嘢﹗」

萬千星輝頒獎典禮2021
鍾嘉欣冒寒在電視城外接受訪問。(圖片來源:無綫節目截圖)
萬千星輝頒獎典禮2021
愈講愈多愈講愈激動。(圖片來源:無綫節目截圖)
萬千星輝頒獎典禮2021
早前鍾喜欣返港,酒店隔離期間,自拍講人生道理,看似豁達但話語間帶激動。(圖片來源:ig@lindachung)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!