萬千星輝頒獎典禮2021｜女配陳自瑤長文感言唔提王浩信 朱敏瀚攞獎多謝志偉
文：東方新地｜圖：IG@chenchiyiu、TVB截圖
萬千星輝2021｜陳自瑤奪女配表現激動
陳自瑤憑《寶寶大過天》奪得「最佳女配角」，陳自瑤聽到宣布後不停深呼吸，並跟台下花旦們攬攬﹗陳自瑤上台後表現依然激動，不停唞大氣，然後話：「我入咗公司十七年，終於有機會企喺呢個台上面，真係一啲都唔容易﹗」
陳自瑤多謝屋企人未有開名多謝王浩信
陳自瑤一口氣逐一多謝：「多謝珍姐畀機會我，將呢個角色畀我。多謝樂小姐，每一次我想放棄嘅時候，你就同我講只要一日喺度就會有機會。多謝志偉哥、多謝祖藍畀咁多唔同機會我﹗多謝我嘅拍檔係你畀我多謝張頴康，多謝《寶寶大過天》嘅台前幕後，多謝咁多年嚟畀過機會我嘅監製，成就咗今日嘅我﹗特別多謝阿姐，畀好多寶貴意見我﹗多謝投我票嘅人，仲有仲有，多謝我嘅屋企人，所有嘅屋企人﹗多謝我嘅朋友﹗」始終未有提及老公王浩信的名﹗
「王浩信」三個字變成陳自瑤禁忌？
陳自瑤入行廿一年首獲最佳女配角獎，王浩信今年未有出廣頒獎禮，但亦有留意賽果，在IG即時動態出po賀陳自瑤﹗不過陳自瑤卻打死未有提王浩信個名，翌日陳自瑤在IG發長文感言，「看著我的獎座良久，心中百感交集，入行21年，入TVB 17年，這獎座就是我奮鬥21年的成果」，她留言請大家原諒未能一一道謝所有人，並點名感謝過去及現任經理人、伯樂錢國偉及導演劉國昌等，但還是未有提到王浩信，不少網民留言問：「不能說出的三個字﹗」、「其實王浩信仲係唔係家人，得你知咋喎﹗」、「王浩信算唔算屋企人先？」、「王浩信三個字變咗禁忌？」。
陳自瑤第一時間搵黃翠如報喜
陳自瑤獲獎後台上台下都未有多謝王浩信，第一時間更加唔係打畀對方，而是致電剛從內地返港的好姊妹黃翠如報喜，黃翠如開心留言：「今晚發光的女人，為她很感動。我也不敢騷擾她的美好時光，卻竟然收到她的video call，這個可愛的女人，今年一定要更加好❤️陳自瑤，恭喜你」，陳自瑤回覆：「終於等到你返嚟啦，要快啲食飯，love you ，多謝你提點左我好多嘢，在心中﹗」
萬千星輝頒獎典禮2021｜朱敏瀚攞獎 譚俊彥歡呼
《萬千星輝頒獎典禮2021》最佳男配角五強分別是張頴康、泰臣、朱敏瀚、羅子溢及黃子恆﹗由羅家英、劉江宣布由《換命真相》朱敏瀚奪得「最佳男配角」，朱敏瀚上台，台下同劇的譚俊彥及張振朗歡呼﹗
朱敏瀚多謝曾志偉：佢令我睇到希望﹗
朱敏瀚上台表現冷靜：「我今年同自己講要享受個頒獎禮﹗冇特別預備，其實一個好嘅作品，絕對唔係一個人嘅作用，係成個團隊努力，多謝多珍姐（曾勵珍），我平時唔係好識表達自己，你畀啲唔同戲路嘅劇畀我去表現自己吖﹗仲有要多謝志偉哥，佢畀機會訓練班同事喺台慶有機會上台表演，令我睇到希望﹗仲有我要多謝我自己，我會珍惜每一個機會﹗」
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
