蔡一傑

蔡一傑分享「生蛇」經歷 起水泡有痛感 第一時間去搵按摩師

最新娛聞

廣告

蔡一傑近年在YouTube開設網上烹飪節目《傑少煮意》,教人煮嘢食,他在最近一條片放下鑊剷,同大家分享自己「生蛇」(帶狀疱疹)的經歷。蔡一傑初頭發現頸背現水泡又神經痛,但蒙查查的他意識唔到自己生蛇,所以第一時間冇去搵醫生,而係去搵按摩師。

撰文:東方新地 圖片:YouTube《傑少煮意》影片截圖、IG@蔡一傑、東方新地資料庫

蔡一傑鄰居裝修冇覺好瞓

蔡一傑在最近一集《傑少煮意》坐定定,對鏡頭分享自己的「生蛇」(帶狀疱疹)全過程,因為「生蛇」與曾經出過水痘有關連,但蔡一傑已經不記得自己有冇出過水痘,他現在才知道「生蛇」與自身抵抗力弱有關,回想起早前寓所隔籬左右同樓上樓下一共有5個單位裝修,令他日日冇覺好瞓,每日凌晨3、4點就醒,早上5點就上山跑步,點知跑了兩日就發現頸同膊頭肌肉疼痛。

蔡一傑開設的YouTube頻道《傑少煮意》,教大家煮家常便飯,都幾受歡迎。(圖片來源:IG@蔡一傑)
蔡一傑開設的YouTube頻道《傑少煮意》,教大家煮家常便飯,都幾受歡迎。(圖片來源:IG@蔡一傑)
蔡一傑分享第一次「生蛇」的痛苦經歷。(圖片來源:YouTube《傑少煮意》影片截圖)
蔡一傑分享第一次「生蛇」的痛苦經歷。(圖片來源:YouTube《傑少煮意》影片截圖)

初頭以為普通肌肉痛

以為自己運動過量導致肌肉痛的蔡一傑,第一時間去搵按摩師鬆一鬆,結果痛上加痛,他說:「按摩師用泰國放鬆肌肉嗰啲藥膏幫我捽,一捽落嚟,痛到我呢!係由條頸痛到落手肘,未曾試過有咁嘅痛法,我唔知係神經痛。返屋企早啲休息開始半邊頭痛到不得了,後尾枕開始腫起嚟,到第二朝起身仲起晒水泡,我就諗嘩!會唔會係尋日個按摩師手污糟搞到我皮膚發炎呀?我仲錯怪好人。」

蔡一傑第一時間去搵按摩師。(圖片來源:YouTube《傑少煮意》影片截圖)
蔡一傑第一時間去搵按摩師。(圖片來源:YouTube《傑少煮意》影片截圖)
蔡一傑表示從來未如此痛過。(圖片來源:YouTube《傑少煮意》影片截圖)
蔡一傑表示從來未如此痛過。(圖片來源:YouTube《傑少煮意》影片截圖)
第二朝起身發現起晒水泡,蔡一傑仲錯怪按摩師。(圖片來源:YouTube《傑少煮意》影片截圖)
第二朝起身發現起晒水泡,蔡一傑仲錯怪按摩師。(圖片來源:YouTube《傑少煮意》影片截圖)

牙醫發現有唔妥

按摩後翌日蔡一傑約了牙醫洗牙,一去到佢就同牙醫講自己頸背生晒水泡,牙醫睇完即叫蔡一傑去附近睇醫生,醫生初步診斷話:「蔡先生,希望你最好係發炎啦,最怕係『生蛇』。」返到屋企蔡一傑感到愈來愈痛,才相信自己真的「生蛇」,唔止由頭痛到頸,仲已經伸延到胸口同背部,蔡一傑形容那種痛是痛到命都冇。蔡一傑「生蛇」生到上手臂,結果連睇兩個醫生,食藥又打針,仲要打8號風球,真陰功。

最初後尾枕開始生水泡。(圖片來源:YouTube《傑少煮意》影片截圖)
最初後尾枕開始生水泡。(圖片來源:YouTube《傑少煮意》影片截圖)
水泡與紅腫一直向身體各處蔓延,胸口及手臂都有。(圖片來源:YouTube《傑少煮意》影片截圖)
水泡與紅腫一直向身體各處蔓延,胸口及手臂都有。(圖片來源:YouTube《傑少煮意》影片截圖)
仲要遇上8號風球,蔡一傑話禍不單行。(圖片來源:YouTube《傑少煮意》影片截圖)
仲要遇上8號風球,蔡一傑話禍不單行。(圖片來源:YouTube《傑少煮意》影片截圖)

搵生蛇專家再分享

蔡一傑更搵來不幸有過兩次「生蛇」經驗的鄭丹瑞(阿旦),分享他的經歷,最搞笑是阿旦第一次都係唔知自己「生蛇」,由得佢自己痊癒,到第二次生到上面好危險,他仲要飛去外國為母奔喪,身心疲累。蔡一傑今次在片中分享自己的「生蛇」經歷,提醒大家增強抵抗力,打定預防針,獲不少網民大讚,發現「生蛇」若然及早醫治情況受控,就唔使咁痛苦。

蔡一傑打電話畀鄭丹瑞,仲封佢係「生蛇」專家。(圖片來源:YouTube《傑少煮意》影片截圖)
蔡一傑打電話畀鄭丹瑞,仲封佢係「生蛇」專家。(圖片來源:YouTube《傑少煮意》影片截圖)
阿旦指自己第一次「生蛇」是在三、四十歲時,由背部開始發作,不過佢冇睇醫生,只搽藥膏就痊癒,第二次係十幾年前,當時阿旦經歷喪母之痛,臨飛去外地辦理母親後事前一晚發現再度「生蛇」,仲生到上面。(圖片來源:東方新地資料庫)
阿旦指自己第一次「生蛇」是在三、四十歲時,由背部開始發作,不過佢冇睇醫生,只搽藥膏就痊癒,第二次係十幾年前,當時阿旦經歷喪母之痛,臨飛去外地辦理母親後事前一晚發現再度「生蛇」,仲生到上面。(圖片來源:東方新地資料庫)

蔡一傑分享生蛇經歷

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!