蔡少芬定張芷溪？ 新舊 甄宓 大比拼

張芷溪 《軍師聯盟》 甄宓

《軍師聯盟》以吳秀波飾演的司馬懿的觀點直入，探討魏國興衰以及各謀士爾虞我詐的故事，不過三國時代亦不乏聰明了得﹑傾國傾城的江山美人，不得不提就係甄宓！俗話說「江南有二喬，河北甄宓俏」，曹丕﹑曹操同曹植三父子均對甄氏傾心，美貌可想而知！今次劇集由內地女星張芷溪扮演甄宓，造型溫文優雅﹑清麗脫俗，一雙明眸楚楚可憐似的，實在令人心動！

才貌雙全女星

內地女星張芷溪今年29歲，為北京電影學院碩士畢業生，從2012年的《活佛濟公3》開始為人所認識，而且佢自小成績優異，係出晒名的「才貌雙全」。劇中甄宓不單貌若天仙，而且才華橫溢、機智敏鋭，當然亦不失貴族的賢良淑德，張芷溪就演繹得相當好！

蔡少芬《洛神》深入民心

唔少演員會因為演出一經典角色而深入人心，例如張衛健就係孫悟空、Hugh Jackman就係狼人等，至於香港人心中的甄宓，一定就係蔡少芬！2002年古裝劇《洛神》中由蔡少芬飾演甄宓，當年28歲的Ada清麗端莊，穿起古裝猶如仙女下凡。最令人印象深刻係拿起一條絲絹遮掩半面之時，嗰種若隱若現的美、帶點含蓄的嬌美笑容，實在令當時年紀小小的小編睇到紅都面埋！

「七步成詩」經典情節

2002年《洛神》中有一個經典情節，就係陳豪飾演的曹丕要置馬浚偉飾演的曹植於死地，逼佢要喺七步內創作一首限制多多的詩，否則就等處死，即大家都聽過的「七步成詩」故事。正當馬浚偉苦無對策之際，蔡少芬就再次使出同一招絲絹遮掩半面，明明禁不住傷心落淚，但又要強行裝出笑顏，睇到觀眾好心痛！結果係點大家都知：「煮豆燃豆萁， 豆在釜中泣。本是同根生，相煎何太急。」…… 真係令人忘不了！

全文完