蔡潔

一舞傾城︱蔡潔10年前選美舊照勁有氣質 極謙卑解釋「似李佳芯」誤會

最新娛聞

廣告

TVB《一舞傾城》近日踏入結局篇,主角之一的蔡潔憑「Monica」一角成功入屋。日前接受TVB娛樂新聞台節目《星光路上》時,蔡潔重提10年前選美一事,選美當時舊照亦成功吸引到網民眼球!

34歲蔡潔10年前選美舊照出土

近日在《一舞傾城》中有性感演出的蔡潔原來都係選美出身,喺2012年曾參選墨爾本華裔小姐,仲勇奪冠軍,次年更遠從澳洲赴港參加《國際中華小姐競選2013》,不過可惜三甲不入,只獲得豬肉獎「最受傳媒歡迎佳麗」一個,而冠軍則有鄧佩儀奪得。近日蔡潔參加選美時候嘅舊照流出,從照片中可見蔡潔身材姣好,身上零贅肉,個樣就雖然冇乜變過,但就毫無李佳芯影子。

蔡潔 蔡潔當年曾經參選過華姐,不過就落選,只獲得豬肉獎一個。
蔡潔當年曾經參選過華姐,不過就落選,只獲得豬肉獎一個。(圖片來源:TVB截圖)
蔡潔 當年同宜家五官都差唔多,但就唔太似李佳芯。
當年同宜家五官都差唔多,但就唔太似李佳芯。(圖片來源:TVB截圖)
蔡潔 身材都好fit!
身材都好fit!(圖片來源:TVB截圖)
蔡潔 宜家多咗份成熟美。
宜家多咗份成熟美。(圖片來源:IG@jackykycai)

被指撞樣Ali感不忿 蔡潔極謙卑解釋:怕打擾到人哋

近年一直被指撞樣李佳芯嘅蔡潔,早前亦喺《絲打圍爐》中指多年來因撞樣Ali李佳芯而感到困擾,並因為一句「我唔係好想提到李佳芯個名」而引起網民熱議。事後蔡潔在接受傳媒訪問時,激動澄清表示所謂的困擾是怕打擾到李佳芯,自己並沒有其他意思,希望大家不要再斷章取義。

蔡潔 蔡潔早前上《絲打圍爐》接受訪問時,曾經表示自己因撞樣Ali而感到非常困擾,因為怕傳媒成日提起會打擾到Ali。
蔡潔早前上《絲打圍爐》接受訪問時,曾經表示自己因撞樣Ali而感到非常困擾,因為怕傳媒成日提起會打擾到Ali。(圖片來源:IG@jackykycai)

曾與王宗堯拍拖 蔡潔自爆暫無結婚計劃

蔡潔入行以來甚少傳出緋聞,入行以來都只承認過同王宗堯嘅一段情。當時王宗堯仲大爆蔡潔在兩人交往期間「潛水」,自己都係透過睇報紙先知道自己被分手。時隔多年蔡潔都冇新戀情,在接受《星光路上》訪問時,蔡潔亦表示暫無結婚計劃,仲話如果有意結婚一定會公開。

蔡潔 蔡潔曾經與王宗堯有過一段情,不過就被狠飛。
蔡潔曾經與王宗堯有過一段情,不過就被狠飛。(圖片來源:IG@gregorywong)
蔡潔 今年34歲的蔡潔表示暫時冇結婚計劃,表示如果有意結婚,一定會講。
今年34歲的蔡潔表示暫時冇結婚計劃,表示如果有意結婚,一定會講。(圖片來源:IG@jackykycai)

蔡潔自認介意同李佳芯撞樣:我唔係好想提到李佳芯個名

蔡潔自從一出道以來,就不斷被外界指她與李佳芯撞樣。早前蔡潔就現身蝦頭和連詩雅所主持的《絲打圍爐》接受訪問,對於經常被指為「李佳芯2.0」會否感到不悅時,蔡潔坦言:「首先想講唔好意思都要講句,我唔係好想提到李佳芯個名,因為我覺得其實打擾到人,成日都咁講。近呢幾年又多咗個Tag,就係全裸肉搏完總經理之後,又李佳芯2.0,個title越來越長,有時連個題連我個名都冇,你話有冇唔開心,一定會係有。」不過蔡潔指觀眾的眼睛是雪亮的,假如自己越做越好,觀眾都會睇得出。

蔡潔 蔡潔自認介意同李佳芯撞樣。
蔡潔自認介意同李佳芯撞樣。(圖片來源:Youtube@ChillGOOD TV )
蔡潔 佢解釋係因為怕打擾到李佳芯。
佢解釋係因為怕打擾到李佳芯。(圖片來源:Youtube@ChillGOOD TV )
蔡潔 經常話似李佳芯。
經常話似李佳芯。(圖片來源:IG@ aliaime)

不忿總被提起「肉搏曾志偉」

憑電影《香港仔》出道的蔡潔,第一部電影就同總經理曾志偉全裸肉搏上陣,如此破格的演出當然經常被網民提起,不過蔡潔直言因此事感到非常困擾:「頭先講到《香港仔》,其實從我真係宣傳《香港仔》開始,直到過咗嗰一年之後到7、8年之後,我做所有嘅宣傳訪問都會同《香港仔》有關,都係『全裸肉搏』、『總經理』咁樣嘅一啲字眼,咁其實人哋都係一個女仔嚟㗎嘛,一定會係介意同唔開心。」

蔡潔 蔡潔表示因為《香港仔》的破格演出,而經常被標籤為「全裸肉搏總經理」的演員。
蔡潔表示因為《香港仔》的破格演出,而經常被標籤為「全裸肉搏總經理」的演員。(圖片來源:Youtube@ChillGOOD TV )

接受唔到《香港仔》尺度 笑指當年太無知

蔡潔亦談及到做咗多年演員之後,認為演員身處一個完成任務的位置,她說無論導演幾變態,劇本幾難,都要演好該角色。當被連詩雅問到暫時有什麼類型的角色難以接受時,蔡潔笑指:「《香港仔》我接受唔到㗎!嗰時可能因為我唔識嘢,就覺得好正,有得做呢一行,有得同影帝一齊工作,係大導演啊。宜家見識多咗,就心諗『洗唔洗啊?』」

蔡潔 影《 香港仔 》,成為她的入行處女作,她更憑這部電影獲得第34屆香港電影金像獎最佳新演員提名。
蔡潔一出道就與曾志偉合作。(圖片來源:新傳媒照片庫)

TVB《一舞傾城》陳法蓉將率領幾多位索女在舞廳工作?

《一舞傾城》以八十年代尖東舞廳做背景,預告片中陳法蓉將率領一班無綫女藝人集體下海⋯⋯按此看角色介紹

TVB《一舞傾城》劇情背景與那一套劇相似?

有觀眾表示,劇集出發點如果係仿效《華燈初上》,難免貨比貨,而新劇《一舞傾城》的風格與無綫1990年代的一部經典劇集極為相似,有觀眾提出不如改劇名⋯⋯按此看劇情介紹

撰文:東方新地圖片來源:TVB截圖、IG@gregorywong、Youtube@ChillGOOD TV 、新傳媒資料庫、IG@jackykycai資料或影片來源:Youtube@ChillGOOD TV